الفرق بين ستاندر وxlt.. وماأفضل شركة او بنك للتأجير

اكيد مايبي لها واحد اثنين البنك اقل نسبه  الشركات ياخذون نسبه عاليه لاهم ولا وكلاء ولا ابو جميل 

الله يوفقك وان كان تبي نصيحتي خذ الاكسبديشن افضل من الاكسبلورر وموتر منتشر وكثير يمدحونه واحد الاقارب مطلع واحد 2013 اعتقد ويداوم عليه كل يوم بزحمة وحر الرياض ويمدح فيه 
الاكسبلورر قليل انتشاره وكان فيه عيوب في الفير يخبط فجأه وصارت مع واحد من الزملاء معاه 2010 خبط عليه القير مرتين وباعه بخسارة مبلغ كبير من قيمته ما ادري تلافوها او لا

انا مع كلام اخونا ابوو خلودي الاكسبدشن افضل اوسع مريح اكثر
وسعره ان ماخاب ظني اقل من الاكسبلورر

ونصصصصيحه نصيحه نصيحه اذا بتاخذ ايجار تمليك
ابعد ثم ابعد ثم ابعد عن الراجحي لإن مافيه نظام تنازل
وايضا تأمينهم في الحضيض لاقدرالله وصار على الموتر حادث او شي
ابعد كل البعد عنه

رح منتدى فورد بتلقى مرادك

بفيدك باللي اعرفه عن التاجير دايما فوائد البنك اقل من الشركات. 
مثل تاجير واليسر  

خليك ع البنك وفرفر وشوف ومر البنوك وشوف اقل نسبه يعطيك اياها كل بنك 
وخذ من عنده وتجنب الدفعه الاولى الكبيره حتى لو زادت الدفعه الاخيره 
 
واذا بتدفع دفعه اولى كل خمس الاف تنقص مية ريال من القصد فهمت علي. 

اما بخصوص السياره معانا واحد بس موديل قديم ٢٠٠٨ 
خدومه صراحه وقطعها متوفره ورخيصه وسهله فالصيانه. 

اما الجديد مادري عنه شوف منتدى فورد العربيه وخش قسم الاكسبلورر 
وبتلقى الي يسرك

اذا لك رغبة شوف الدودج دورانجو رهيب كشكل و قوة ومتانة 

وتلاقيه حول سعر الاكسبلورر ويمكن ارخص بعد لان كان عليه عروض ب 115 الف

سعر الاكسبلور مثل الاكسبدشن

وانصحك بالاكسبدشن يا غالي

الاكسبلور فيه عيوب وما يتحمل

والفرق بين الفئتين المذكوره بسيطه جدا

انا باقولك عن الاكسبدشن الاستاندر والاكس ال تي

الفرق انه الاكس ال تي يجي لون كامل عكس الاستاندر يجي من تحت اسود

يجي تحكم بدواسة البنزين والفرامل ويجي فيه حساسات خلفيه وازرار للتحكم بالراديو

فقط فقط

وان كان ناوي على فئه الجيوب الصغيره

انصحك وبشده في السي إكس ناين 2015 ب 97 ألف فتحه سقف وشاشخ نفقيشن و كاميرا خلفيه والفل ب 123 الف رادارات ونقطه عمياء وجنوط 20 وجلد وتسخين ومواصفات جدا رائعه

انصحك بالاكسبلورا واستخر قبل كل شي 

السلام عليكم
تقبل الله من الجميع
وبيض الله وجه كل من رد هنا...
عبدالعزيز: الدرانجو رهيب مثل ماتفضلت وكان ضمن اللسته صراحة،،لكن استبعدته لسؤ سمعة الوكيل وشعبية وصعوبة إعادة البيع.
.
.
سلطان:كفيت ووفيت.
.
.
برو:مشكور
.
.
قو: لاتوصي بخصوص الراجحي،لي تجربة سيئة معهم 
وجهك ابيض
.
.
.
ابو خلوود: نصيحتك في محلها،،اكسبديشن فعلا ماعليه كلام
لكنه كبير بالنسبة لي عائلة صغيرة واحتاج الموتر للاستخدام اليومي من البقالة الى مكة والمدينة
بتاع كللووو يعني (((:
.
.
.
سكودر: ماقصرت ،لكن صدقني يبي لها واحد واثنين وثلاثة بعد ...
النسبة مو كل شي ،، وجدت النسبة في الراجحي ألاقل والإجمالي الأكثر!!! مع خدمة سيئة
لذلك أنا هنا
.
.

نواف :جزاك الله خير
السمي ابو خالد: بيض الله وجهك،، اكسبديشن مشكلتي معه الحجم،،مررة مايناسبني
بالنسبة للسي اكس ناين أول مرة اسمع عنها هههه 
....جاري البحث....

ماعليك تتعود مثل الناس

أنا كنت ادعي ربي اني ارجع البيت سالم

والحمد لله كلها اسبوعين لين ما سرت اشطف فيه وركبت له مرايه اماميه مع كاميرا خلفيه

وبالنسبة للسي اكس ناين تراه معروف وموتر يشهد له الزمن وكان معي سابقا

والله من أفضل الجيوب اللي مرت علي 

كان معي الاستاندر اللي الحين ب 97

وميزت الاستاندر انه ناعم ولين اكثر من الفل كامل

وفيه مواصفات جدا رائعه وﻻ يسمى استاندر لان فيه فتحة بالسقف وشاشه مع نفقيشن وكاميرا خلفيه

سياره جدا جميله وسواقتها خيال تدخل بها بجحر ضب بدون ما تخاف .. تسير تشطف فيه كانها لعبه .. مراياها كبيره تكشف لك الخط و واضحه جدا توزنها بالشعره 

ومكيف ثلج الثلج وما قد شفت مثل خدمتها .. سيارتي وصلت 170 الف كيلو 2010 بس غيرت فيها فحمات وزيت القير كل 50 الف و زيت المكينه كل 5 الاف ونظفت السويتش ب100ريال وغيرت جلد المساحات ب35 ريال وكفرين اماميه بعد 150 الف كيلو

مساعداتها وكاله ونظيفه جدا وجلد المقصات والجلد اللي تحت يقولون فيها فوق نص عمر .. فحصتها ابغا اشوف وش تحتاج ما طلع فيها شيء الا جلدتين فقط للكفرات الاماميه مع ان فيها حول نص عمر واستخدمتها ووصلتها 170 الف وبعتها وندمان على بعيتها لاني بعتها بقيمه بخسه وما حسيت بقيمتها الا لما فقدتها

بعته ب 45 فقط

عيوبه بعد 150 الف كاي سياره طلع فيها طقطقه خفيفه بالابواب اذا الشارع كان مضروب ومحفر او اذا مشيت على عيون القطط

اما شارع مستوي فما اي صوت نهائيا

وباب الشنطه يطلع اصوات لانه ماهي موزون وهذا العيب مصنعي وعلى كل المازدا منتشر

مفاصل الابواب ضعيفه .. بعد 150 الف كيلو سار الباب لا فتحته يرجع عليك تدفه يرجع لك .. ماعاد يمسك لازم تغير له المفاصل

هذي عيوبه فقط 

مميزاته اكبر من عيوبه وانا اعجبني انه يكرف ولا يطلب وقطعه رخيصه مثل طقم فحمات خلفي وامامي ب 550 ريال .. الباب ب 970 بالدمام والرياض 1150 والصدام ب 800 الى 900

قطعه معقوله وبالتوفيق

الله يسعدك بو خالد
ضميناه للقائمة لعيونك