أضف سؤال أو موضوع جديد          

السيارات بين الجديد والمسعمل

up 5 down 4
شكلين مابحكي 3160
قبل 6 سنه و 4 شهر



السلام عليكم ورحمة الله وبركاته

اسعد الله اوقاتكم جمميع  

الصراحه موضوعنا اليوم حساس شوي يتعلق بآراء بعض الناس 

بشكل مختصر لما يكون مع الشخص مبلغ مثلا 50 او 60 او 70 الف ويحتار وش يشتري سياره

ففيه ناس يقولك دايركت اخذ لي سياره جديده وارتاح 5 سنوات ما اصلح ولا شي وفي الواقع هال 55 الف ماتجيب له الا اكسنت او جيلي او صني

وفيه ناس يقولك ليش اظلم نفسي واشتري لي اكسنت او يارس او صني  اشتري لي سياره مستعمله بس فخمه او سيدان متوسطة الحجم مثلا تورس او اوريون او فكتوريا او ازيرا او هيك شي

ولكن اللي اشترا سياره صغيره حسب حساب راحته في الصيانه ولكن ماحسب حساب قوة المكينه والرساوه والعزل والراحه اثناء القياده فمايمديه يطلع مشوار بسيط من الخبر للدمام الا تلقاه ماشي 80 لأنه مايقدر يسرع اكثر من كذا


انا عن نفسي المستعمل عندي اهون من اني اشتري سياره صغييره وكاله كاش ف وش تفضلون ؟










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فيه حل اخر يمكن تلقاه ويمكن ماتلقاه

لقيت  3 حبات لومينات ال تي زد مخزنه اصفار مديلات 2010 ب67 الف
اعتقد سعرها مناسب مقابل الالنترا اللي ب69 

و55 الف تجيبلك موتر اذا جلست تبحث فالوكالات والصالات والحراج تلقالك موتر اصفار له 5 سنوات معروض للبيع وبسعر رخيص


المخزن ما تدري كيف ظروف تخزينه
و يبي له شغل و هو واقف سنين
بالنسبة لي افضل مستعمل من 50 الف و تحت
و الافضل جيب او بكب او كروس اوفر سيارة تشيل و تتحمل
لكن لازم يكون عندك استعداد نفسي ان ممكن يطلع لك اي خراب
و لازم كل فترة تجدد مهما فحصت و كنت عارف مستخدمها اﻷول


up 4 down 0
أبو نجوى 2442
قبل 6 سنه و 4 شهر



انا قلبا وقالبا مع المستعمل .. بشرط انك تكون فاهم
اما والله عليمي بالسيارات ومعرفتك بالغشش واللف والدوران على قد حالك لا والله خذلك جديد احسن لك
ورحم الله امرء عرف قدر نفسه
المستعمل غاابه والذمم صارت اكس اكس اكس لارج


up 6 down 0
als7aimy 1176
قبل 6 سنه و 4 شهر



كلامك عشرة على عشرة يابعد حيي افضل المستخدم على الجديد
يعني معي مبلغ 60الف بحطة في افالون 2008 او لكزسES 2008
او لكزس LS430  2005 
افضل من سيارة صغيرة مو حكاية سرعه 
لا عندنا في الباحة جبال وطلوع وما يقواها الا موتر 6 سلندر او 8 سلندر


up 2 down 3
الرفاعي33 13914
قبل 6 سنه و 4 شهر



أنا مع المستخدم في حالة وحدة 
يكون مستورد من إمريكا أفضل الإستخدام السعودي المستهلك 
طبعاً بعد الفحص كارفكس , غير كذا الجديد أرحم ولو صغير 
وشكراً


up 3 down 1
starting 1043
قبل 6 سنه و 4 شهر





حياكم الله جمميع

ابعطيكم مثال

عندي واحد من اخواني كان تحت التدريب لأرامكو وجمعنا له منا ومنا الين دبرنا مبلغ 30 الف

المهم جلسنا نحوس وندور له سياره وف الاخير  اختار جيلي الصينيه فل ابشن 

خذاها بـ 30 الف   ماشيه 12 الف  2014

الحين الموتر ماشي 20 الف   ويبي يبيعه بحكم ان الموتر ماينفع للسواقه اصلاً جربت سواقتها   تحس انك راكب عيربانه وملفقين عليها 4 كفرات  ماتقدر تمشي فيها 90 الف

ولو نفكر نبيعه مايجيب 14 الف على بعضه 


up 1 down 2
شكلين مابحكي 3160
قبل 6 سنه و 4 شهر



يقول المثل .. رضينا بالهم والهم ما رضي فينا .. 

للأسف من سنة ونص وأنا متابع الموقع على أمل إني أتوفق بسيارة تناسبني .. لكن للأسف الطمع والجشع أعمى قلوب الكثيرين إلا من رحم الله .. عدا عن الغش والكذب .. 

الأسعار مبالغ فيها لدرجة ملحوظة جدا .. وعند ما تيجي تسوم بسعر معين يقلك أبخستني .. كيف أبخسته وهو من الأساس يستغل الناس برفع السعر والاحتكار .. والمشكلة يبغى يبيع قريب من سعر الوكالة وعمر سيارته حوالي 4 او 5 سنوات من عمر الوكالة .. ولما تناقشه يقلك النظيف يستاهل ..

سلامات .. يستاهل ما قلنا شي .. لكن ترفع السعر بشكل جنوني هذا هو اللامعقول .. 

يا شباب .. هذا الموقع أصبح ممل بكل معنى الكلمة من ناحية البيع والشراء .. ومعظم البائعين أو المشترين غير جادين .. وهذا واضح من الاعلانات والردود .. وأصبح المعظم يدخل فقط للتسلية فقط وليس للجدية في الشراء والبيع .. 

الله المستعان


up 1 down 0
carssouq 204
قبل 6 سنه و 4 شهر



انا اشتريت النترا 2013 مستخدم قبل 5 شهور تقريبا وكنت محتار بينها وبيت اكسن ستاندر وكاله عشان على قد فلوسي 
اخت النترا فل كامل مستخدم و الى يومك هذا الحمد لله ما ندمت وﻻ شفت منها حاجه اذا حصلت سياره مناسبه مستخدمه ومافيها 
اي عيوب اشتريها ياخي ﻻكن ﻻ تستعجل عشان ﻻ تغصب نغسك لانك وقت الحاجه للموتر ترضى باي ذيء وتندم بعدين انا جلست 4 شهور ادور الين حصلت نصيبي 


up 1 down 1
صالح باسنبل 240
قبل 6 سنه و 4 شهر



شوف مازدا 6 2015 جديدة ب66000يابانية100%
ومكينة كبيرة وسيارة عملية
الله يوفقك


up 0 down 7
ياسر رياض -7
قبل 6 سنه و 4 شهر



خذلك فورد كراون فيكتوريا 2011 استخدام امريكي ,, وريح راسسسسسسسك  .
نصيحة من مجرب .........


up 1 down 0
riyad1979 81
قبل 6 سنه و 4 شهر