أضف سؤال أو موضوع جديد          

كرون فيكتوريا او كراند ماركيز

up 1 down 2
jamaay 10
قبل 6 سنه و 2 شهر



ياشباب اش رأيكم  السلام عليكم
انا نويت ان شاء الله اشتري فورد جراند ماركيز او كراون فيكتوريا
اولا كيف اقوم بفحص السيارة قبل الاتفاق مع المشتري وأذهب للورشة للفحص 
حتى لا اخسر وقت ومجهود واموال 
 
ثانيا  ما هو الفرق بين الاثنين لاني صراحة لااعرف التمييز بينهم ؟



وهل زمنها راح خلاص وصارت قديمه 
هل يوجد اعطال شائعة في هذا الموديل ؟ وما الفرق بين السعودي والامريكي ؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نفس المحركات ما بينهم ونفس الجوده 

الفرق بينهم الداخليه الماركيز اجمل بوجود تخشيبه ع الطبلون وممتده ع الأبواب الأربعة 

الفكتوريا تخشيبه صغيره ع الطبلون والابواب ما عليها تخشيبه 

وعليك بالفحص والنظيف


up 0 down 0
088mansour 798
قبل 6 سنه و 2 شهر



الفورد اذا كان نظيف عزالله بيخدمك ويكرف معك بدون مشاكل اذا استعمالك معه محشوم وكلهن نفس بعض بس الفرق الشكل الخارجي ناس ترغب الفكتوريا وناس ترغب الماركيز بس اهم شي دور النظيف وترتاح 


up 1 down 0
ابو راكان 2002 280
قبل 6 سنه و 2 شهر



الماركيز 2011 وجهيته افخم صراحه 
الفكتوريا جنوطها شكل اجمل وارفع من الماركيز
الماركيز تركب معك اثنين او 3 تحك السيارة  


up 3 down 0
al_orainy 56
قبل 6 سنه و 2 شهر



الفورد فكتوريا تقدر تقول انه استاندر 

والجراند ماركيز فل كامل

يعني الجراند ماركيز فيه تخشيب للطبلون و الابواب و احيانا الطاره وفيه تحكم للمراتب الاماميه

ومن برا يجي افخم يعني صداماته شكلها حلو وفيه نيكل بالابواب والصدامات

وانا اشوف كلهم واحد لكن افضل الماركيز لان شكله اجمل في نظري

والفحص , سوم السياره وقوله على الفحص , بيقول على الفحص , وروحوا افحصوا , والله يكتب لكم الله فيه الخير

ولا ينضحك عليك بالسعر

سعر النظيف 2011 من 50 الف الى 60 ماركيز

والفكتوريا من 50 الى 55 الف 

نظيف جدا طبعا

النص نظافه واللي في رشوش تحصله رخيص

حصلت ماركيز 2009 مسيوم ب 31 فيه رش جنب يمين ويسار 

 و 2010 مسيوم ب 31 فيه صدمه وطلع ارباقه وتصلح ويحتاج لقطع استهلاكيه

فالنظيف جدا سعره من 50 الف وفيها 




up 2 down 0
ابو يزيد 000 8712
قبل 6 سنه و 2 شهر



اخوات بنات عم
مثل بعض نفس القوه ونفس التحمل وكل شي مثل بعض
الفرق في الشكل الخارجي
روح شوفها واحكم قدامك المنظر ثلاثي الابعاد
لله يرزقنا واياك ومن يقرأ ردي وجميع المسلمين
الصحه والعافيه وراحة البال هي المطلب والمبتغى


up 4 down 0
نفر كويس ميه ميه 246
قبل 6 سنه و 2 شهر



الماركيز الصراحة اذا لقيت نظيف خدووووووووووم مركبه مريح وفي السفر يطربك بالنسبة للراحة وقطع غياره متوفره واسعارها معقولة جدا


up 2 down 0
ابوخلوودي1 5069
قبل 6 سنه و 2 شهر



انا اشوف الماركيز أحلى وأفخم من الفكتوريا والمكينة والجربكس والدفرنس كلها نفس بعض حتى القطع نفس بعضها 

ياربي لك الحمد معي فكتوريا 2011 ماشاء الله تبارك سيارات بمعنى الكلمة 

بس اللي يعيب الفورد الجديد عزل الهوی فاشل يعني من 130 الی الفصلة الله يعينك تتحمل صوت الهوی وسالت واحد عن صوت الهوی قالي خذ لي النحيف حق المكيف ودخله في جلد الباب وبيزبط معك لاكن يثقل الباب شوي 

وبالنسبة رفعت السيارة خذ يايات موج قيمتها 350 علی ماظن ترفع السيارة شوي وأقوی من حق الوكالة لاكن قاسي شوي ومركبه عندي زي الحلاوة واللوز

وموفق خير ياخوي 



up 0 down 0
ابو احمد 105 12
قبل 6 سنه و 2 شهر



انا استخدمت الماركيز والفكتوريا ... الفرق فقط اكسسورات واللي يقول الماركيز افخم ترى نفسة الفكتوريا يجي فل كامل ونفس الوضع.. اختلاف الوجهية والانوار والظفيرة والخلفية... ومن 2007 وطالع جنط 17 كلها ... لكن انا ارشح الفكتوريا والا القطع نفسها الا اشياء بسيطة ..


up 1 down 0
الفراعنه 315
قبل 6 سنه و 2 شهر