أضف سؤال أو موضوع جديد          

رفيقة الدرب ماركيز... للوكالات شدتني وفيها مركزتني

up 48 down 16
أنيق 17573
قبل 9 سنه و 2 شهر



مساكم الله بالخير
عقد الدخول :
(الرسمي والمهايطي لايدخل فقط لوسيعين الصدر )


أمس ماركيزي قال أنت وعدت الشباب ولازم توفي بوعدك
قلت أبشر وييين سوتشك بس،،، قال دخل ومفتاحك ودق سلفي ،،قلت نسيت مفتاحي في الثوب الأول ههههه

المهم شديت أنا وياه ورحنا جيلي (كشخة المطفرين) المهم صورت لكم صور
أطلق نوع
75 ألف

مريت على المازدا دخلت أبشركم قهووني قهوة وأكلت تمر
وأبشركم شربت طاسة قهوة والله يالبى ببس مهيله أفففف
ورحت عند المازدا 6 أقل نوع 76 ألف صراحة مرييحة وفخمه ويابانيه 100%
أطلقق من الكامري الدلخة والهبلاء
عاد ريحة المازدا وكالة خيييال ونسييت أقلكم أنكبت القهوة علي في المازدا هههههه بس المقاعد سوداء ماراح يبان ههههاي

إحساسي وأنا أركب السيارات :-
الجيلي : سيارة أطفال صينية أحس طبلون حق أبو 5ريال وروحات للبقالة وهياط في الحارة بس ماتصلح للسفر أبدا

المازدا : أصيلة وفخامة بس ماراح أحد يعطيك وجه وأنت فيها ههههه

النيسان : التيما ومكسيما 2012 طبعا مجرب إيجار موب لي ههههه تحس أنك عريس ورمنسي بسبب الأنوار الداخليه والطبلون أحمر وفيه أبيض وبصمه يعني تصلح للعرسان وللي يبي يعيش الجو لحاله يعيشه فيها هههههههه

الجموس : تحس أنك متزوج وعندك 11 ورع ومتقاعد ،، وأنت معزب هههههه

التايوتا :تحس سيارات غدارة وتكرهك تبي تخلص منك بأي طريقة وتقول لاتطقطق علي ترى إذا عصبت بعلق المثبت عليك

الفورد : تحس أن ماحد قدك تهايط بسبب قوة المكينة وصوتها وتحس كأنك راكب مركبة فضائيه بسبب كثرة الأزارير والتكنلوجيا طبعا مديلات 2012

الهونداي : تحس أنك صغنوون ولعاب بسبب أشكال السيارات ومنظرها ماهي للناس الثقيلة يعني ماهمهم الرساوة الأعتماديه يبي يكشخ بس

أخيرا
ماودي أطول عليكم
تحياتي لكم ولاتنسونا من ردودكم الحلوة ترى أهم شي حضوركم مالي في الدسلايك ولا الايك
أهم شي أنتم بس

تحياتي لكم
أنيق














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحين بدل ماتضلل اسطب الفورد الخلفي كان غسلته يا اخي ههههههههههه


up 1 down 2
ريان-الجهني 736
قبل 9 سنه و 2 شهر