فورد فكتوريا 2011 ماشي 55 وش اغير له ف الصيانه

غيره الان افضل ونوع الزيت موتر كرافت ميكرون LV مع الفلتر والافضل تاخذها من توكيلات الجزيره 

تأكد هو 55 كيلو ولا ميل 

عد على كويك لاين  وغير عندهم  لأنهم تابعين للوكاله

صيانتهم رخيصه وسريعه 

غير زيت القير (ضرووووري يكون زيت ميكرون ال في Mecron LV) 
وشيك على الركب (الجوزه) والاذرعه والكفرات

الزيت خذه من الوكاله

لازم من الوكاله

وغيره في بترومين اضمن لك او اي محل نظيف وخلك واقف معه

ولا تسوي له صيانه الا ان طلب

لا تستعجل الفورد تراه خكري

راح يطلب قريب

لان معي واحد

وهذا عيبه 

ولا هو حق كرف وكد 

لكن المشكله انه ما يتحمل لازم يطلب

واغلب اللي يطلبه قطع استهلاكيه في البطن من جلد ومساعدات ومسامير ووزن وتربيط

دام توك شاريه موقع فورد العربية يكون مرجع لك في كل شي 


اما زيت القير تغير الظاهر كل 60 ألف كيلو 
تروح للوكالة وتقلهم الموديل والنوع وهم يعطونك الزيت المناسب مع فلتر زيت مع وجه الكرتير 


الشي الثاني وانت تغير وجه الكترتير خله ينظف اثر القديم وغطاء الكرتير بالبنزين بعضهم ينظفونه اي كلام 

سعر التغييير عاده بمية ريال عند ورش الجربوكسات 

وخلك واقف على راسه لأن بعضهم يسرق الفلتر ويركب القديم 
واكتب عندك في ورقة خلها بالدرج تاريخ التغيير والممشي


لاتنسى تغير فلتر البنزين او صفاية البنزين مكانها تحت الباب الخلفي يسار قيمتها 45 ريال 

لو تغيرها بشكل دوري كل ست شهور الى سنة ولاخربت عليك طرمبة البنزين قيمتها 1800 كاملة ولاتترك البنزين ينزل عن الربع 

الوسخ يخرب طرمبة البنزين 


للمعلومية معي فورد استخدمته اكثر من سنتين 

سيارة مكده وسيارة جبارة ولاتطلب وقطعها رخيصة ينقصها فقط بعضمن التقنية الحديثة تقدر تعوضها 

عيبها شيئين مشاكل المكيف ولها حلول 
ومشكل النور  ضعيف برضة ينحل بالعدسات 

غير زيت القير 5 علب مع الفلتر 

غير البواجي وصفاية البنزين وفلتر الهواء

البواجي لاتغيرها اذا كانت حقت الوكالة 


انا اول ماشريت سيارتي الفورد كان نفس الممشى 50 الف كيلو 


قالوا لي غير السيور وغير البواجي وغير وغير 




نصحني واحد قال لاتغير شي الا اذا  شفت منه مشكلة خاصة القطع اللي صنع بلده  جودته اكثر من الجديده



الان سيارت ماشية فوق الميتين بنفس السيور اللي قالوا لي غيرها 

لا تغير شي وخل عنك دعايات الوكالات الزايده 
لو بيدهم ودهم يقولون غير المكينه كل 10 كيلو 

لا تغير شي الا اذا خرب الفورد معروف اذا قمت تغير فيه خرب

عاير زيت القير والدفرنس عن كذا واحد وتاكد

معي فورد ماشي 220 الف كيلو وغيرت زيت القير على 200 الف والدفرنس شفطت علبه وزدت علبه بس

والباقي ما غيرت شي ابد 

بالعقل سياره سليمه ليش اتفلسف واغير شغلات ما خربت

لايك ابو عبدالله

صحيح كلامك لكت رحت بغير زيت الجربكس ولقيته اسوووووووووود ومعدوم مره والمكانيكي حق القيور يقول ما اقدر اغيره اخاف يخبط نقص شوي من الزيت وغير الفلتر وزاد علبه ونص وقال كل اسبوعين اشفط وصب زيت جديد طبعا انا اشتريت كل الاغراض من الوكاله زيوت وفلاتر وطرمبه

لكن المشكله الحين ان رجليني تجمدت من المكيف السفلي ابي المكيف الي فوق فقط وش الحل