أضف سؤال أو موضوع جديد          

نقص ماء الرديتر

up 3 down 1
Abu-Saad-212 387
قبل 6 سنه و 3 شهر



السلام عليكم ورحمة الله وبركاته

يا اخوان لاحظت موية الرديتر تنقص من فترة لفترة
طبعا دايم كل يوم او يومين أشيك عليها ، ومن قبل ما كانت تنقص شي
بس الحين لها كم يوم أحس في نقص مقدار لتر كل اسبوع الى 10 ايام
وطبعا الكمية مو بسيطه مرررره
قلبت السيارة فوق تحت أدور اذا في تنقيط أو تهريب ما حصلت
وقبل لا أروح للورش حبيت أستفسر هنا 
الموتر - فكتوريا 2007
ياليت تعلمونا من ايش ممكن يكون النقص







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تأكد من غطاء الرديتر وكذلك جلدة الغطاء نفسه

وحاول تشيك على الخراطيش



up 1 down 0
Yaser1 669
قبل 6 سنه و 3 شهر



أخوي ياسر ، شكيت في غطاء الرديتر
لأنه قبل فترة المروحه وقفت علي والمويا فارت لين طلعت من فوق العلبه
فاحتمال الغطا انشق أو حاجه الله اعلم ، وبخصوص الخراطيش شيكت عليها مافيها شي الحمدلله
طيب وايش ممكن يكون شي ثاني غير الغطا والخراطيش


up 0 down 0
Abu-Saad-212 387
قبل 6 سنه و 3 شهر



يمكن مايكون عندك تهريب بس احتمال تبخر الموية وهذا بسبب االغطاء 

وكمان عندك الطبة بس الطبة يبان فيها التهريب بعد الوقوف
وعندك طرمبة الموية 
وترى فيه مادة تنباع بساكو اذا كان عندك تهريب باالرديتر يسدها لك




up 1 down 0
Yaser1 669
قبل 6 سنه و 3 شهر



شيكت على ثلاجة المكينة ؟


up 0 down 4
phantom101 3
قبل 6 سنه و 3 شهر



لي تجربة سابقة 
اذا السيارة وصلت حرارتها الطبيعية ويفضل بعد مشوار حتى لو قصير اهم 
شي تكون السيارة في حرارتها الطبيعية او اكثر شوي
افصل اللي الواصل بين الرديتر والقربة افصله من عند الرديتر
وشوف اذا انه يطلع المويا على برا فهذا مليون بالمية من غطا الرديتر 
وعلى كلن انصحك تغير غطا الرديتر قبل البدء بأي خطوة لكن لاتاخذ الا حق 
الوكالة هذا اذا كان الرديتر شد بلد
لكن اذا كان الرديتر تجاري ممكن ماينفع معاه الا الغطا التجاري
واذا كلامي مهو واضح هذا رقم جوالي
0555323356


up 2 down 0
أأبو نوااف 1641
قبل 6 سنه و 3 شهر



اهم شيء اخوي حاول تبداء بالاشياء البسيطة للتتجنب الخسائر الفادحة


up 0 down 0
Yaser1 669
قبل 6 سنه و 3 شهر



80 بالميه المشكلة من غطاء الرديتر 
سيارتي كل اسبوع تنقص القربه واعبيها بسبب غطاء الرديتر
ولي سنه على هالحال كل يوم اقول بكره اغيره وماغيرته للحين
بس ان شاء الله بكرهه اغيره هههه (:



up 1 down 0
w.asa 2027
قبل 6 سنه و 3 شهر



الخرطوش لو هرب موية ما بيمشيك يومين بالكثير إلا يزيد الشق فيه

ولكن قد يكون عندك من الطبة اللي هي القطعه البلاستيك

أعلى الرديتر رأس الرديتر يعني

لأنها بلاستيك أحياناً مع الضغط و الحرارة تنشعر

ولو انشعرت ما بتشوف تهريب بيكون تبخير ما تلاحظه

مجرد ما يخرج يتبخر

أنت خذ مشوار نص ساعه بالسيارة

ووقف أفتح الكبوت و صب مويه على الطبه

وشوف هل فيه أثر فقاعات تطلع او بخار

ولو تتأكد أكثر حط نيلة حقت غسيل الملابس مع موية الرديتر

عشان يوضح مكان التهريب


up 0 down 0
أبـو عبدالعـزيز -141
قبل 6 سنه و 3 شهر



شيك على غطاء الرديتر والبلف 
وان شاء الله انه مو من راس المكينه


up 0 down 0
نفر كويس ميه ميه 246
قبل 6 سنه و 3 شهر



يا نفر كويس
لو الرأس فيه شيء كان مجرد ما تمشي ربع ساعة

الحرارة ترتفع للاخير


up 0 down 0
أبـو عبدالعـزيز -141
قبل 6 سنه و 3 شهر



ما قصرتوا يا اخوان ، ينشد فيكم الظهر :)
عموما بغير الغطا اليوم المسا ان شاءالله ونعطيكم العلوم قريبا
شاكر لكم نفر نفر


up 0 down 0
Abu-Saad-212 387
قبل 6 سنه و 3 شهر



عندي نفس مشكلتك طلع من اطراف الراديتر تبخر بسيط ممكن يبله تلحيم واذا ما نفع تبديل الراديتر


up 0 down 0
mmalalharth
قبل 5 سنه و 5 شهر



انحلت المشكله بتغيير غطا الرديتر قبل 10 شهور 

:)


up 0 down 0
Abu-Saad-212 387
قبل 5 سنه و 5 شهر