تنصحوني بفورد ماركيز99

افضل موديل نزل على الفورد ٩٧ 
غيره لا تشاور 

وعليكم السلام ورحمة الله وبركاته

الموديلات اللي ذكرتها قطع غيارها جدا رخيصة بعكس 2003 وطالع القطع اغلى

السياره لو نظيفه بتكون خدومة ومريحه

انا برأيي موديل 2000 بالراحه افضل من 2005 وطالع اصبح قاسي ما ادري وش السبب

واعتقد 15 الف تجيب لك شيء نظيف موديل 99 او 2000 ولا عليها خوف

يلا جيب للرجال موديل 97 وين تحصلها ما عاد فيه كلها بالتشليح و بحجز البلدية كلها انتهت

الكلام هذا تقوله قبل 10 سنوات ماهو اللحين تقول افضل موديل 97 وهو ما عاد فيه

والموجود كأنهم يبيعونك ذهب اسعاره فوق 25 ما تدري وش عليه

اسعار النظيف من 14 الى 18 الف هذا للموديلات 98 - 2001 اما 2002 النظيف يوصل الى 25 الف خصوصا الخليجي

بخصوص سعر القطع فارخص قطع قطع الفورد من 2002 وتحت 

الفورد لاجاك نظيييف اشترهه ولا تشااور
قطع متوفرة ورخيصه وخرباته قليله ومريح بالسفر 
اما اذا جاك فورد قرمبع راح تسكن بالصناعية من كثر مايخرب
وترقع به 

97 ابو حراره وانا كان معي واحد ومجنني لاتقولي فيه بلا 

لاني شريته بطاقة جمركية وكان ماشي 90 الف كيلو وبعته وهو ماشي 300 

97 مكينته نفس 98 و 99 لكن عدلو العيب اللي فيه وخلو تبريده بموحه كهربه ودينمو اكبر 

نصيحه مجرب وانت بكيفك 

الشعب السعودي شاطر في ترديد  الكلام 

فورد 97 

كامري 2002 

هايلوكس 97 -2001 - 2005

لاندكروزر 2002 - 2007 

جمس 90 

كابرس 90  - 96 

كرسيدا 80 - 84 - 88 - 96  

ددسن 85 - 97 - 2005 

وغيرها من السيارات اللي تحصلها موظبه وحالتها حاله وسعرها مع اسعار 2010 

موفق

انحش خرابات......

اول شي مابتلقى شي نظيف
واللي يقولك فيه نظيف قوله جيبلي

من مديلات 2003 وتحت فيها مشكلة الثلاجه دايم تخرب
والمديلات الجديده غيرو نوعية الثلاجه وانحلت

سيارات مستعمله نظيفه صعب تلقى عندنا

معي 2002 موتر جميل ومريح

عيبه اللي خلاني اقرر ابيعه بعد 3 شهور من الان ان شاء الله

اتفكك علي من كل محل , سارت فرقة موسيقيه , اصوات من تحت السياره مزعجه وتفشل

لكن كقوه في البودي فما شاء الله تبارك الله 

كنت اعلم اخوي السواقه فيه وصحيح حكك فيه من 3 جهات لكن سيارات الناس تتأثر بقوه وسيارتي ما شاء الله ما تتأثر

جيت ابغا اعدل الرفرف لان فيه طعج قالوا لي ما يتعدل , قلت ليه ؟ قالوا الرفرف حقك مدبل !! موديل سيارتي 2002 و بودي السياره احسه اقوى من الموديلات الجديده

لكن مثل ما قلت لك عيبه الاصوات و العزم ضعيف , 2003 وطالع العزم والفرمله اقوى واقسى شوي يعني يتحمل الحفر                 

قطعه رخيصه جدا

شمعه ركن ب 30 ريال

شمعه اماميه ب 80 ريال

جناح ب 130 ريال

اسطب ب 40 ريال 

الابواب بالتشليح ب 100 الى 300 ريال اصليه 

الصدام جديد ب 120 ريال خلفي او امامي تايواني 

طبعا نوعيات كويسه وقطعه الاستهلاكيه رخيصه مساعدات الواحد ب 120 ريال و الفحمات من 250 الى 350 طقم امامي وخلفي

موفق

والله شوف انا معاي 98 له حول ال 9 شهور الان .. والحمد لله ممتاز ومرتاح معاه وما افكر اغيره
مزجعني بس باصوات الديكور اما غيره والله مرتاح
.. للعلم بعد كم شهر خربت علي الثلاجة .. مدري عمرها انتهى او انكسرت او غيره .. لكن غيره تقريبا ما اشتكى

انا اشهد ان الفورد موتر ...

والله ناس غريبه قال 97 حراج وسكراب وبلديه ي رجال عساك سالم معاي فورد 97 ماركيز م خليت فيه ديره ونا شكيت منه ونظيف وبعته 15 ودخل على الوقع وشوف الفوردات 97 اما تقول مافيه نظيف 

شوف من موديل98الى2002
كلها نفس الشكل والقطع

انا معي98 لها معي8سنوات
بفضل الله مكاينها شد بلد والحمدلله
اشهد بالله موتر (اذا سلم من الحوادث)
وقطعه رخيصه
وخرابات قليله

انا بس ابيك تهتم في التالي:
فلاتر زيوت وبواجي تغيرها بشكل منتظم تدوم معك

بالنسبه للي يقول97افضل موديل
القطع الداخليه نفس98 بسثناء بعض القطع
مشكلتها في الشكل الخارجي
ماتحصل قطعها باستمرار وقليله في التشليح

الله يعطيك خيرها ويكفيك شرها