أضف سؤال أو موضوع جديد          

السياره تدق سلف بس ماتشتغل ؟

up 1 down 3
amer.salah 52
قبل 7 سنه و 2 شهر



السلام عليكم ورحمة الله وبركاتة 

عندي استفسار بسيط 

قبل تقريبا غسلت مكينة السياره بالمغسله

وبعدها بيوم عيت تشتغل حاولت اشركها برضو عيت تركتها لمده 3 شهور 
بعد المدة ذي جبت كهربائي وطلع فيه كربون ع اصبع البطارية طبعن شالة وركب بطارية جديده 
بعدها ب 4 ايام بالضبط وقفت عند محطه بنزين وقلت للعامل عبي فلل يامودير بنزين 95 
طبعن  طفيت السياره ونزلت البقاله شريت لي غرض ورجعت اشغل السياره عيت تشتغل قلت الييل ابو الييل 
ماادري وش جاها سحبت عليها 3 شهر ثانيه 
بعد 3 شهور وديتها للصناعية وديتها عند كهربائي قالي السلف خربان قلت صلحه 
صلحتته اشتغلت السياره بعدها من صلحت السلف وهي تنتع تنتيع موب صاحي ويطلع دخان اسود مع التشغيل 
وامبير الحراره مايشتغل واذا شغلتها الصبح لازم ادبل بنزين عشان ماتطفي مشيت فيها شهر
وعبيتها 91 فل بعدها خربت 

تدق سلف بس ماتشتغل استفسرت بالنت اكثرم قالو طرمبة البنزين المهم شلت المرتبة الي ورا واخلي اخوي يدق سلق 
بدون مايشغل اسمع صوت زززززززط بعدين يشفط ماادري هل هي شغالة اولا

عطوني وش الاحتمالات الي تصير  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كل ما تخرب تتركها 3 شهور هههههههههههه

عدة مطلقة هذي ماهي سيارة


up 7 down 0
أبـو عبدالعـزيز -141
قبل 7 سنه و 2 شهر



صحيح شكلها طرمبة او فيه مشكلة يالثروتل ماياصل البنزين للمكينة لكن نظف الصفاية ولا غيرها وشف ابدا بالبسيط وشيك على البواجي 


اعتقها لوجه الله 


up 1 down 0
سكودر 14928
قبل 7 سنه و 2 شهر



شيك علی الكهرباء يمكن ماس او شي خاصة انك تقول عداد الحرارة ما اشتغل وشيك علی الكتاوت



up 1 down 0
ابوخلوودي1 5070
قبل 7 سنه و 2 شهر



طيب صفاية البنزين اقدر انظفها ولا لازم اشتري 

مشكلتها مالها قطع غيار ببريده لازم من الوكاله وسعر الوكاله نااااااااار 


up 0 down 1
amer.salah 52
قبل 7 سنه و 2 شهر