تجربتي للفيوجن مع الصور واراء المجربين

شويخ من أرض مكناس 2823
قبل 9 سنه و 2 شهر

السلام عليكم ورحمة الله وبركاته :
قبل كم يوم استلمنا فوجن 2015 استاندر جنوط ماعاد فيه طيس

من مواصفاتها الممتازه
القزاز مدبل وواضح اذا حطيت اصبعك على طرف القزاز
ازرار الابواب صارت كهربائيه وفيها لمبه اعتقد نفس نظام السيارات الالمانيه
المرايه غير متصله في كتف السياره يعني مثبته في الباب ونازله شوي وفيه مثلث محل المرايه في الكتف فيه قزاز بصراحه معطي مساحه اكبر للؤيه
نظام تراكشن كنترول + حساسا ضغط الهواء +6 اير باقات + abs + تعشيقات يدويه بزر في وضعها على ال SPORT + نظام السينك الصوتي و8 سماعات + بلوتوث + تحكم من الطاره كامل + كاميرا ماتذكر ايش كمان فيه

الطبلون تقريبا مثل الاسفنج ليين وخامته حلوه
المراتب اعتبرها افضل من التورس
العزل ممتاز جدا جدا جدا افضل من التورس سواء عزل هواء او ارضي
الرساوه ممتازه جدا
العزم احسها ضعيفه توصل ال 200 بعد وقت طويل يمكن لانها جديده او بسبب وزنها الثقيل مدري والله لكن عزم الالنترا عندي اقوا واسرع منها

السعر 81 الف + صيانه مجاينه ل 64 الف شامله كل شي

بصراحه السياره مناسبه لقيمتها
ملاحظه اخيره
فيه لمبه تولع عند التشغيل مثل علامة البرق برتقاليه بحثت عنها فالكتلوج مكتوب انها تعني فرامل كهربائيه
هل يقصدون ان الفرامل صارت بدون علبة زيت وعلى الكهرب او كيف ؟

واترككم مع بعض الصور من تصويري اضافه لردود بعض المجربين لها