هلموا يا قوم إنها فورد الأسطورة
7
13
إضغط هنا للإخفاء
طبعا الموضوع غير العنوان والكل يعرف السبب >>>>يا مشرفين حركات الكيني ميني فكونا منها .
نزلت قبل كذا موضوعين ساخنة جدا وتم حذفها من قبل المشرفين من دون سبب مقنع ؟
اليوم نزلت حلقة الغنم أدور لي جفر للثلاجة قلت أمر حراج السيارات وأسلم على رياجيل تعرفت عليهم
هناك شروى اللحى الغانمة ونتقهوى معهم وتسذا ، المهم لاحظت أسعار السيارات مرتفع بالحيل ، إستغربت !
سألت الشريطية السوق ما كنه مرتفع يا رياجيل ، قالوا هذي ضرايب الراتبين هههه والله المواطن ما يدري من وين يلاقيها الله يعين بس .
سؤالي هنا إلى متى والتلاعب في الأسعار عندنا ولا فيه لا حسيب ولا رقيب !
بالنسبة لتجربتي للفورد لتعم الفائدة لمن أراد الإقتناء .
من ناحية الراحة سيارة فوق الممتازة بس لا أعلم هل ﻷني سابقا مستخدم لشاص الذي يفتقد للراحة أم لا .
من ناحية الرساوة لا بأس جيدة نوعا ما مع أن الطارة خفيفة جدا وهذا عيب بالنسبة لي .
من ناحية العزل سئ نوعا ما وخاصة على سرعات 165 وأكثر .
من ناحية السلامة والأمان جيدة جدا لكن لاتصل إلى الإمتياز .
من ناحية الرفاهية والتقنية سيئة جدا >>>>كأنك تقود مركبة كلاسيكية نوعا ما من عصر ابو العتاهية .
من ناحية البدي كبير ومبالغ فيه زيادة خارجيا وصغير نوعا ما داخليا مقارنة بالحجم من الخارج لكن البدي بشكل عام قوي ومتماسك وشديد البأس هههه.
من ناحية صرفية البنزين جدا جدا ممتازة مقارنة بكبر حجم المحرك والعزم ممتاز لكن لايصل لدرجة فوق الامتياز.
أخيرا السيارة ممتازة جدا للخطوط وخاصة أنها تتميز بالراحة لكن لا تناسب الأشخاص محبي السرعة .
ملاحظة : هذي وجهت نظري أنا من خلال إستخدامي المتواضع ويختلف التقييم من شخص ﻷخر فالأشخاص ليسوا بسوا وكل إنسان له ميول ورغبات معينة في القيادة وفي التقييم .
أراكم لاحقا يا رفاق إلى اللقاء إلى اللقاء .
إبلاغ
الردود
4
0
0
7
2
6
بالنسبة للجفر يا شاقح هذا تويس نذبحة ونحطة بالثلاجة ونزبط عليه عصيد ومرق وكبسة .
بالنسبة لكون لحمة أسود يا جودزيلا شكلك تذبحة شمال والقبلة شرق أو إنك متعود على لحم السمان .
وترى الموضوع يخص الفورد ما يخص التيوس ركزو زين الله يعافيكم .
6
2
تراها عقدتي بعد
مافهم في الحلال واجد
لكن الظاهر الجفر هو الجدي
3
1
قبل شهر كانت ملكتي وسوو لي رجه فالديره كل واحد يبي نوع معين من الغنم
كرشتهم ورحت اخذت ارخص نوع ولا ادري وشهي اهم شي غنم بعد مااخذتها زعلو هههههههههههه قالوا انت جايب اردى غنم
قلت ايه اللي بيدفع انا
اللي بيحضر حياه الله اللي مابيحضر الله لايرده والله ماتدينت عشان ارضي بطونكم واجبلكم اغلى انواع الغنم
حق من خلاها ذبايح دجاج وتخب عليهم اهم شي العروسه
بعدين انت تقول الموضوع عن الفورد وجايب موضوع عن الغنم وتقول الموضوع يخص فورد
طيب دام موضوعك يخص فورد ليه جايب طاري هالغنم وسوالفك فسوق الغنم
2
3
3
3
2
2
بالنسبة لك يا جوزديلا إذا ما تعرف وش الجفر يالرخمة فتراه ولد الماعز الجذع وبعدين وش تقصد بنمانم وإعرف إنك تتكلم مع قحطان ساس العرب يالجفرة .
1
5
يمدوحون التيوس الصوماليه على 120 ريال هذي كفوك يالعنز
0
6
ما تخاف الله يا كلب
الدقيق نعمة يالوسخ ركز بكلامك
4
2
0
4
ي جماعه صلو على النبي
2
0
الحين يا قودزيلا الجفره غير الجفر
الجفره انثى والجفر ذكر
ومعروف ان الجفره او انثى الماعز لا تؤكل او غير محببه للاكل
وان الدقيق للأكل وليس لل...... هههههههههههههههه
شطحه شطحه واتركو العنصريه ترا كلنا تراب
2
0
سبحانك اللهم وبحمدك أشهد أن لا إله إلا أنت أستغفرك وأتوب إليك .
1
1
قبل 9 سنه و 9 شهر