أضف سؤال أو موضوع جديد          

الموضوع محذوف

up 7 down 1
فيـfaisalـصل 23
قبل 4 سنه و 11 شهر



الموضوع محذوف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


عليكم السلام 

وما أصعب عطال السياره ومعك عائله


up 2 down 0
أبو فاارس 35
قبل 4 سنه و 11 شهر



تصدقون والله العظيم القصة هذي حصلت معي شخصيا اول مره رحت الشرقيه طياره وشحنت سيارتي البسامي ووصلت السياره قبل مااوصل وصلت فرع الجبيل المهم طلعت مع كداد من المطار اتفقنا على معارض الجبيل البسامي اللي هناك عشان استلم السياره واتفقت معه 150 ريال ونوصل اللا وقت صلاه عند البسامي وقلتلوا خﻻص الله يستر عليك واعطيه فلوسه واستنا المكتب يلين يفتح وانتهت الصلاه واعطي الموظف الورقه الا يقلي سيارتك في الجبيل قلتله طيب انا وين قلي انت في الدمام واعطاني ذيك النظره اللي كانه يقول وش الصنف اللي تتعاطاه هههههههههه واطلع ادور تاكسي مالقيت ومعي شنطتين والشمس في راسي ورايح جاي ادور تاكسي يلين الله رزقني بواحد وداني 150 للجبيل ﻻن مافي اﻻهو والله نمت في التاكسي من السفر والحمد لله تسهلت


up 14 down 0
علي مكاشر -7
قبل 4 سنه و 11 شهر



هالموقف حصل لواحد اعرفه يقول كنت ماسك طريق لحالي سيد واحد بالليل مافيه ابن ابوه 

ومن كثر مالطريق فاضي جته الافكار من كل حدب وصوب والرجال مفهي يعني انشغل باله 

يقول ماانتبهت الا وقدامي 4 بعارين على الخط ؟ ويضرب فرامل ويجدع الدركسون يمين يسار وستر الله عليه ماانقلب الموتر 

وقتها يقول تشهدت وسلمت امري لله اذا انحشت من الاول ماسلمت من الثاني واذا انحشت من الثاني ماسلمت من الثالث والرابع 

لكن قدر الله فوق كل شي هو اللي طلعه سالم ، ويقول بعد الموقف ذا وقفت على جنب وانا ارتجف من الخوف وتجمدت اطرافي ماقدرت اتحرك اكثر من 5 دقايق 

لكن بعدها تذكر انه قاري الاذكار وايه الكرسي ويمكن انها سبب نجاته بعد الله سبحانه 


up 13 down 0
ابو هيثم 7 2246
قبل 4 سنه و 11 شهر



سالفتي كنت ماشي من ابها للرياض علی الخط القديم اول ما طلعت الجوالات علی مرسيدس 500 موديل 84 وتوني مملك علی زوجتي وماشي 200 واكلم بالجوال وداخل جو هههههههه والقطلي مطبات اعتقد بالبديع المهم مشيت ما وقفت وبعد مسافة والسيارة تطفی وتولع لمبات الطبلون المهم مشيتها حتی دخلت محطة ويوم وقفت الا والدخان من كل مكان من السيارة وافتح الكبوت والاقي المكينة منكسرة وطالع البستم من الجنب وطلع السبب من المطب انكسر اللديتر وراحت المويه وارتفعت الحرارة وانا علی الجوال ما حسيت ههههههههه المهم شليتها للرياض بسطحة ب 2000 ريال وغيرت مكينة ولديتر والحمد لله جات سلامات



up 3 down 1
ابوخلوودي1 5071
قبل 4 سنه و 11 شهر



السلام
حصل لي موقف
كنت مسافر مع الاهل من الرياض  لمكه  ومعي فورد مو مضلل قزازه وعيالي نايمين والمقعده مطروحه
مو باين ان معي احد بالسياره.. المهم على الساعه 3 بالليل والخط شبه فاضي سيارات مو كثيره
المهم الى الجيب  فكسار يتعداني ويسقط علي واكشح بالعالي الى اشوف الجيب مليان ناس ..
 قلت بس رحت فيها هذولا اكيد مشلحين
انا مثبت السرعه 160 وسويت نفسي هادي وانا بلشان فيه ويهدي لين اتعداه ويجي وراي ويكشح العالي
ويطغي النور.. انا قلت بس شكله بيقلبني ولا ناوي شر ميه بالميه مو طبيعي..
والله واطلع المسدس قلت اذا جاء جنبي بطلق تحذيريه وافتك من شره..
المهم قلت بنفسي شد على الموتر وطنشه.. بالفعل مشيت طبلون الفورد الى هو وراي وينور بالعالي ويأشر ويطفي النور
 مسكت نفسي وتعوذت من الشيطان.. الى تفتيش امن الطرق بالخاصره.. قلت حلو الان بوقفه واشوف وش وضعه 
المهم مريت النقطه  ووقفت على جنب جنب النقطه وانزل وأشر له ويوقف..
قسم بالله يوم شفته حمدت الله وشكرته,, تخيلو والله العظيم طلع شايب يمكن عمره 70 سنه..
 والسياره مليانه حريم وبزارين
قلت وش فيك يشايب طول الخط مزعجني وش تبي.. قال النوم جاني وابي اطير النوم.. 
قلت تطير النوم وتحد فيي وانا معي عايله متخاف الله  قال مانتبهت لهم احسبك لحالك...
قلت انت قطعت قلبي انا معي عيالي بالسياره وخط مضلم وفاضي  ونويت ارميك لكن الله فكني من ذنبك..
بعدها قرررت مأسافر الى بالنهار ,, مالنا ومال المشاكل


up 14 down 0
ماااجد ابو فجر 66
قبل 4 سنه و 11 شهر



كلكم لايك على القصص الحلوه قبل النووم.
بس بخصوص السفر كنت رايح من مطار جدة الى الشرقيه قبل 12 سنه يوم وصلت عند الموظف واعطيه جواز السفر قال وين رايح قلت الشرقية المهم الموظف مات عليه ضحك وسلامتكم


up 8 down 0
محمد عايض معوض -49
قبل 4 سنه و 11 شهر



في عز الحر وغبارعلى طريق الرياض 
ضرب الكمبروسر وفاك التندا وصلت 
الطائف ٣ طن غبار داخل السيارة 
و٣ أيام تحت المكيف بالبيت لما مريت 
به من معاناه غبار وحر الله لايعيده
من يوم علي ولا على مسلم.


up 6 down 0
سعيد ابواحمد 135
قبل 4 سنه و 11 شهر



هههههههه اظن مااحد مر عليه هذي الموقف مثلي قبل 8سنوات قبل اتوظف كنت في جده وجو أصحاب عندنا وجلسه وتكيه وقالو برنروح للمدينه ونبيك تخاوينا ولزمو الااروح معهم

المهم سياراتهم جمس صالون 84 طلعت معاهم وياليتني ماطلعت من 8الصباح مشينا ماوصلنا الا8 باليل ههههههههههههههههه انقطعنا اربع مرات بالخط في كل مره ندق على واحد يجينا ومامعانا فلوس مره تين بنشرت السياره ومره طفت علينا شرق الكلبليتر اقسم بالله تعزير وصلنا المدينه واقلهم لابوكم لبو من خاوكم مرمطه حر ولامكيف اول مره دقينا على واحد جاب لنا استبنا وراح وبعد مامشينا 70كيلو بنشر وندق عليه ويرجع وبعدها انقطعنا بنزين وبعدها شرق الكلبليتر يمين بالله شوي واصيح معاهم يوم وصلنا البيت قلت شفت عاد اشوف واحد فيكم بذبحه وتمر الأيام وتوظفنا سوو والحين كل مايبون يرفعون ضغطي يذكروني بالسالفه هههههههه


up 2 down 1
قودزيلا -62
قبل 4 سنه و 11 شهر



في عام 2003 ابوي استأجر اكسنت 2003 علي ايامها كانت وكالة 
وكنا بنروح من حريملا الى الرياض وفي نص الخط  وقفن محطة نعبي بنزين وعبينا الرديتر ماء 
بس الوالد الله يهديه ماقفل الكبوت بقوه وبعدين حركنا وجت عاصفة رمليه قويه جدآ وصار النهار ليل 
والاكسنت كانت تهتز بقوه بغت تنقلب وبعدين عدت العاصفة على خير 
وتوكلنا على الله وكملنا الطريق وكان في سيارة ونبي نتجاوزها اول ماتعدينها انفتح غطاء الكبوت على الزجاج 
بس الحمد لله ما انكسر الزجاج الامامي والكبوت صار مايتقفل
وبحثنا في الصحراء ولقينه كفر فيه اسياخ حديد شلنا منه سيخ وربطنا الكبوت وكملنا السفر 




up 1 down 0
t-m-d 440
قبل 4 سنه و 11 شهر



و عليكم السلام 
مرة كنت مسافر من مكة للمدينة و كنت لحالي و طلعت من مكة تقريبا بعد المغرب
المهم و انا في نص الخط لمحت شخص كبير في السن و لابس غترة بيضة  و عيونه صغار و ماسك بيده اليسار عكاز تحسه مرتكز عليها
المهم قلت اعوذ بالله تخيلات و انا ما شفت شي ههههههههههه
و الا و الله العظيم تقريبا بعد ربع ساعة و اشوف نفس الرجال و بنفس الوضعية و بنفس اللبس و بنفس مسكة العكاز
و الله العظيم قلت خلاص هذه الدنجيرة ما فيها كلام هههههههههههههههه
دائما اسمع اعنها بس اليوم باشوفهم live ... و الدنجيرة مشهوة و خصوصا على خط مكة_المدينة 
و شغلت القران و رفعت الصوت و الحمدلله وصلت بالسلامة
بس و الله العظيم منظر الشايب الين يومكم هذا محفوظ في الذاكرة و مستحيل انساه



up 7 down 2
the son of the kingdom 927
قبل 4 سنه و 11 شهر



جاني موقف قبل اربع سنوات 
محمل ركاب من الرياض الى جدة بعد النفرة الاولى مباشرة 
وصلت جدة على ١:٣٠ ليل 
اول ماوصلت النقل و احصل الركاب اكثر من الكدادة
ويطمر علي اربعه يبون القصيم 
قالوا تودينا قلت ب٣٠٠ الواحد وانا ماقلت ب٣٠٠ الا ابي 
الفكه منهم عشان اروح ارقد 
الا يقولون تم 
قلناامشوا 
ونطلع على خط المدينه وبعد جدة ب٩٠ كيلو خبط القير 
و يوقف راعي هايلكس الله يجزاه خير 
ونشقل الموتر سطحه لجدة 
ونطلع مع راعي الهلي الى المدينة وانزل الركاب مع واحد للقصيم
واحاسبهم واسنعهم و ارجع جده 
واخذ من التشليح قير واركبه من بكره 
ومضبوط واحمل ركاب الى المدينه ويوم وصلت نفس المكان السابق 
ويخبط القير
وارسل الركاب لرابغ اقرب شيء لي 
وارجع جدة بالموتر بدون سطحه القير ماعاد يعشق الا اول وثالث

واخذ قيري من التشليح واوديه للتقوى بصناعية شبك المطار
واقلهم توضيب قالوا ب٤٠٠٠ قلت تم واجيكم بعد اسبوع 
وارجع بعد اسبوع و اخذ الموتر واحرك للرياض 
واتهدى نقطة الزيمة و تخبط البطيخه 
وافصل على الورشه بالجوال 
واوقف الموتر بالحوية واكلم خويي يروح للسيارة يوصلها بسطحه 
لجدة 
وترجع لهم السيارة ويكلمني صاحب الورشه. 
وانا رافض التصليح قلت ماعاد ابي القير وكنت خلاص قافله معي
وارجع لهم بعد اسبوع و هم مشيكين على كل مسمار ف السيارة ومغسلينها
وملمعينها ومزبطينها من الى 
عشان افكهم من سالفة ترجيع القير ورفضت 
ويدق راعي الورشه
واخر شيء وافقت باسترجاع ١٠٠٠ ريال من قيمة التوضيب 
و ضمان تقريبا شهرين 
وبعت السيارة عقبها 


و ابو عبدالله ماقصر معي هاليومين بجدة في سالفة المكيف 
وهو بالازيرا وعاجبته السيارة 
هههههههههه 

الف شكر للعضو الحبيب ابراهيم التركي ^_^ 
له حق علي و يبشر بالشحم


up 0 down 7
xpoldx 1433
قبل 4 سنه و 11 شهر



قصص ممتعه وانت يبو دنجيره لاتسافر لحالك هههههههههههههه اكثر ماكثر الله الشباب


up 1 down 0
dr.xl 249
قبل 4 سنه و 11 شهر



طيب خذ عندك هاذي...
كانت عندي اكسنت 2010 وطالع من ينبع لجده الساعه 7 المغرب ومعاي خويي المهم ماشين 
في الخط وتعدينا تفتيش ينبع تقريبا ب 20 كيلو ..واحنا ماشين احس السياره تلعب من ورا على
على خفيف علطول عرفت انه كفر ..عاد انا قلت لخويي قبل لا يدري ترا شوف انا لا معاي لا استبنا
ولا عفريته ولا مفك ..طالع فيني يقول مسافر بدون اسبير طيب والورشه الي شايلها في الشنطه
وما امداه يخلص كلامه الا الكفر طررررررررربقعبقعبقع.....تقطع الكفر وتعرفون طريق ينبع جده
مافيه محطات والله نزلت اشوف الوضع طلع الكفر ابن اللذينا منقطع قطعه وصخه وصله كبيره 
قاعده تخبط السياره ..حاولت اقصها بزراديه ..منشار ..مافي امل قلت والله مالنا الا نكمل دحدره
مشينا الين صارت الساعه 1الليل وانا قفلت اخلاقي من قربعة الكفر نزلت معصب ابي افصل الكفر
عن الجنط وشوي مدري الا واحد راعي مكسيما شطف اهلي ماشي طبلووون ..واطالع فيه مدري 
الا وقف وديور من نص الخط وجاني مغبررر وقف عندي ونزل ...اطالع فيه انفجعت ..شكله يخلع
ماتشوف منه الا عيونه مستلجججج مو قادر يتكلم...السسسسلام علييكم ووووووش 
صااار ..انا طالعت قلت الله بالخير الرجال مقلع ..ابد بنشر الكفر ولا معنا اسبير ...قال طيب تعاااال
معي نروح مستوووووره نغيره ونرجع ..كلمت خووي الي معي قال والله ماروح معه شوف عيونه
بتطلع من راسه مهو بصاحي والله اروح رجليه لجده ولا اركب معه...رجعت صرفت راعي المكسيما
بالقوه مارضي يروح مسكت معه طيبه...والله كملنا طريقنا على سرعه 15 اليين وصلنا مستوره 
الساعه 2:30 والمحلات مقفله ..وقفنا عند محطه مقفله وجانا دوريه وسالنا وقلناله الحكايه
وماقصر راح فرفر لنا ودر محل مالقي ورجع قالنا ماعندكم الاتنتضرو الصباح قلنا هين ..وبعدين في الصبح 
غيرنا الكفر ومشينا وصلنا جده الساعه 11 الضهر ...لو اني مسافر رجليه وصلت قبلها


up 2 down 0
ibrahim alghamdi 216
قبل 4 سنه و 11 شهر



اسوا سفرية يمكن بحياة البشرية بعصرنا الحالي
طالع من جدة لضباء نبغى مصر بر 
قبل ٦ سنوات معنا موستنج ٢٠٠٥ بااملج خبطت 
الماكينة وننسق مع خوئي من جدة يرسل ماكينة
من التشليح واخذنا ٣ أيام بااملج مسكت على مصر
وتوصل الماكينة ونضبط الوضع ونتجه لضباء 
ونقص التربتك ونلطع يومين العبارات واقفه بسبب
ارتفاع الامواج والفنادق فل ومانرقد غيربالسيارة
ومره بالمسجد والحاله حاله شفنا الموضوع مطول
ونتلها على العقبة بالاردن ندخل منها لمصر قالوا الرحلات
معلقة هذا سادس يوم ونرجع لحقل نستاجريومين
ونتصل بشخص بضباء قال فتحوا الرحلات ونرجع ضباء
هذا تاسع يوم وندخل السيارة للعبارة ٩ الصباح
وماتحركت العبارة الا ٢ اليل ووصلنا الغردقة عاشر يوم
كنسلنا ام القاهرة من التعب والارهاق والنفسية الزفت
اسبوعين بالغردقة قضيناها مساااااج وعلوم بحرية ..
معاناة مايعلم بها الا الله 


up 1 down 0
azdi99 58
قبل 4 سنه و 11 شهر



انا كنت مسافر بكابرس..

 واخترب علي فجاءه من دون اسباب في طريق مقطوعه وبالليل والساعه كانت 2 ليلا وخفت 
انزل من السياره بالليل .. خفت من ان يطلع لي ذيب او جني فقررت انام في المقاعد الخلفيه ..
وبالصباح اهل الخير ماقصروا معي ..
وبعدها بعت الكابرس وكرهت الكابرس واخذت لي كراون فكتوريا الي ابدا ماخيبت ظني ♡

نصيحه لوجه الله ..

 لاتسافر بكابرس ..


up 3 down 1
الثامنه مع داوود 269
قبل 4 سنه و 11 شهر



قبل عشر سنوات تقريبا كنت راجع من الدوادمي إلى عفيف وكان الوقت متأخر حول الساعه 1 بالليل وكنت راجع قبلها بساعات من الشرقيه
المهم وقفت عند محطة بنزين اخذت مقاضي وطلعت لقيت عامل مصري يأشر يبيني اوديه قلت وين طريقك قال ابي الطايف قلت اركب معي لعفيف وهناك ربي يسهلك قال تم واركبه معي عشان يونسني فالخط
المهم يوم وصلنا البجاديه ويطلع قدامنا بعير ماقدرت اوخر عنه واصدمه مع جنب الموتر 
وتلطف فينا ربي وطلعنا منها سالمين والحمد والمنه لله وحده
جات الاسعاف والدوريات وقالو لازم نوديكم مستشفى قلت مافيه داعي وامورنا طيبه
إلا المصري يلي معي قال انا ابي مستشفى ونركب بسيارة الاسعاف وودونا مستشفى الدوادمي دخلنا الطواريئ ورحنا لقسم الاشعه والامور طيبه والحمد لله انا ماجاني شي سوى بعض الجروح فالوجه من القزاز والمصري حطوله شاش على وجهه بسبب جرح بسيط
وبعدها طلع وانا ثاني يوم جيت بطلع قالو الرجال يلي معك ما تنازل ولازم تقعد فالتوقيف لين يتنازل
قلت وينه نادوه قالو طلع 
وانا ما عرف اسمه ولا عرف اي شي عنه
ويجي عيال عمي واخواني ويدورون اسمه في سجلات المستشفى وعنوان كفيله لين ما لقوه ويتصلون على كفيله قال الرجال وصل الطايف قالو خله يجي يتنازل عشان خوينا يطلع من التوقيف إلا يقول لهم ان معه تقرير طبي ان مدة الشفاء 14 يوم مالم يحدث مضاعفات وان العامل يقول انه بينتظر 14 يوم عشان يتأكد ان مافيه مضاعفات
هذا ما حصل معي بالضبط ويعلم الله اني ما ركبته معي إلا مساعده وفزعه ولا خذيت منه ريال واحد
المهم اجلس بالتوقيف 3 ايام واطلع بعدها بكفاله
واتصل على المصري يجي يتنازل واحاول معه لين وافق انه يجي بشرط اتحمل مصاريف سفره كامله من الطايف للدوادمي بالاضافه لاجرة اسبوع تعطله عن العمل 
لذلك اخذت درس بحياتي لو الق واحد ميت فالطريق ما أشيله معي



up 4 down 0
سلطان الروقي العتيبي 90
قبل 4 سنه و 11 شهر



احلى قصة هههههه^^

واللي يقول بحثنا في الصحراء


up 1 down 0
w1w1 2205
قبل 4 سنه و 11 شهر