إشتريت فورد قراند ماركيز ولله الحمد والشكر
11
5
إضغط هنا للإخفاء
اللهم صل وسلم على حبيبنا وسيدنا محمد .
تسيف حالكم ، طبعا نزلت موضوع قبل 3 أيام عن رحلتي على المدينة المنورة لكن أحد إدارة المنتدى تبا له حذفه وراح الموضوع في خبر كان المهم ما علينا .
طبعا قبل فترة كنت أبحث عن لومينا لكن حقيقة الأمر ما حصلت إلا مقاشع ( قشاعة ) حسبت حسابها شويتين يا ولد بينزل الراتب راتبين والعلوم بتزين ، وفعلا
نزلت الرواتب ولله الحمد ومعي من أول حوالي 17،500 قلت أبغير وجهتي من الشفر وأتجه للفورد والحمد لله كان إختيار موفق شريت لي موتر 2009
إل إس أمريكي ماشي 86 ميل لون سلفر شئ ( علي بن مستوى ).
طبعا أخذته عن طريق شريطي تعرفت عليه بالسوق وابصي شروا اللحى الغانمة يقلي صيدة طلع علي الموتر مع النقل 38800 وما شاء الله نزلت عليه بير بن هرماس
ورجعت ما يشكو من شئ ولله الحمد وبما أن موتري الأول شاص متعود على العادي وعلى السيارات المرفوعة أحس الموتر نازل وأحسه كبير على غير سنع لكن حقيقة
بالنسبة للراحة أشهد إنه كفو وسلامتكم جميع .
طبعا حبيت أنقل لكم قصتي بما أني نزلت موضوع سابق فيكون هذا إبن عم للموضوع السابق وبكذا إنتهينا من حوسة الحراج والمعارض ولله الحمد والشكر .
إبلاغ
الردود
ماشالله تبارك الله
اذا هو سليم من الرش ولونه فاتح وممشاه دوان ال 150 الف فيعتبر صيده
لأن سعره الفعلي مايقل عن 44 تقريباً
يعطيك خيره ويكفيك شرهـ
2
0
الموتر يعتبر صيده بالتوفيق اخوي
2
0
وعندك منتدی فورد العربية مموقع ممتاز ومميز راح تستفيد منه كثير
2
0
الخطوووط مايصلح لها غير هذي المواتر
مكينه 8 سرلندل
ومراتب مرريحه و وسيعه ،،
2
0
ونصيحة اللي ناوي يشتري عليه بالحراج ( البرحة ) من خلال تجربتي الأسعار
هنا مبالغ فيها حبتين .
1
1
وشتان الفرق بين الشاص والماركيز هذا له استخدامه وهذا له استخدامه عشان كذا فرق معك
الله يمهلك
1
0
مبرووك .
الله يعطيك خيرها ويكفيك شرها .
0
0
قبل 9 سنه و 9 شهر