أضف سؤال أو موضوع جديد          

مكينة الماركيز طفت فجأه .. ارجوا المساعده

up 1 down 0
abdullah.ags 395
قبل 6 سنه و 7 شهر



السلام عليكم

من يومين وانا ماشي بالسياره بطريق سريع طفت بشكل مفاجئ بدون مقدمات اللهم الا مثل التفتفه الخفيفه

مع صوت خفيف المهم جنبت السياره وهي طافيه.. واحاول اشغل مايدور السلف وكان البطاريه منتهيه ولقيت اصبع بطاريه عليه املاح وفيه شرخ

بعد تغيير اصبع البطاريه المتاكل حاولت اشغل ماتشتغل واخر محاوله اشتغلت السياره وفي المكينه اصوات

غريبه وعاليه مثل الطقطقه وطفيتها على طول.

السياره ماركيز 2003 ... زيت المكينه ماشي عليه 1500 كيلو فقط الفلتر اصلي المكينه مفحوصه قبل كم شهر

لا تبخير ولا شي ونسبتها 82 بالميه .. وصوتها بالسابق ناعم جدا ..لايوجد حراره او نقص مويه 

ارجووا المساعده الي مرت عليه المشكله لا يقصر بالاجابه 

السياره شاريها من فتره وحسب كلام صاحبها مكينتها ماانفكت ابد ومن ممشاها باين عليها طيبه ماشي عليها

ست شهور مثل السااعه..

مالكم بالطويله سحبتها بسطحه على اول ورشه وفك غطا البلوف والثلاجه ويقولي كل شي محروق لازم توضيب

مااقتنعت بكلامه وسحبتها لورشه ثانيه وفي انتظار اتصاله ... 

ارجوا المساعده من الخبراء وشكرا لكم مقدما








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي تفحص طرمبة البنزين 
ما اتوقع انها توضيب بس يبون لهط فلوس تفحص القطع الكهربائيه
والكويلات اهم شي لانها تسوي تفتفته 



up 0 down 0
grand_tabuk 521
قبل 6 سنه و 7 شهر



*وعليكم السلام ورحمة الله وبركاته


up 0 down 0
grand_tabuk 521
قبل 6 سنه و 7 شهر



معليش اخوي بس اللي قال لك كل شيء محروق وش جنسيته ؟


up 0 down 0
المحترف99 928
قبل 6 سنه و 7 شهر



وش كل شي محروق صحيح انه سباك 


up 1 down 0
w.asa 2027
قبل 6 سنه و 7 شهر



اللي فحصها لك غشيم
المكينة لو تحتاج توظيب تظهر بوادر قبلها بمدة طويلة زي نقص الزيت نقص موية ارتفاع حرارة صرفية بنزين دخان من الشكمان مو على طول كذا بيوم واحد


up 3 down 1
زوبعة 464
قبل 6 سنه و 7 شهر



الطقطقه عاديه لو المكينه اشتغلت وطفت على طول لازم يطلع صوت قربعه بسيطه وتفتفه وتطفي 
انا ماعرفت مشكلتك تمام وكان ودي اساعدك بس مكينتك ماعليها كلام ولا تصدقهم يمكن حساس انفصل عليك 
ولا حساس تعطل شئ بسيط فقط الي صاير لاتخاف منه


up 1 down 0
احمد شريف 3176
قبل 6 سنه و 7 شهر



مشكلتك اتوقع من الدينمو كان مايعبي او اصابع البطارية مو مشدودة اويكون حساس الكرنك لانها صارت معي السيارة كانت تطفي وهي ماشية فجئاة واحيانا تظهر علامات الطبلون كلها الي نجي لمن تشغل السويتش وترجع تطفي المهم غيرت حساسين ولاعاد طفت 


up 1 down 0
أبووووعلي 609
قبل 6 سنه و 7 شهر



تصدق صارت لي نفس مشكلتك في الماركيز
طلع البلا من فحمات الدينمو..بس لازم تلاحظ فرق الظروف بين سيارتي
وسيارتك ..انت فكيت الراس وانا مافكيته

وفيه احتمال ثاني الله لايجعله صحيح ..اخاف ان عمود التيمن صلب


up 0 down 0
لحـن المفارق 533
قبل 6 سنه و 7 شهر



ياهلا بالجميع .. عشان اوضح بعض الاموور

اول ورشه مافك الراس فقط فك غطا بلوف  فقط ويقولي الراس محروق والزيت محروق الله يعوضك خير مع العلم انه فك

غطا راس بلوف واحد فقط وشاف لونه غامق ومافيه زيت او مثل المتعرض لحراره ويقولي حتى عمود التيمن مجيم

وكل شي محروق محروق ... بصراحه استعجبت من تشخيصه وهذا الي خلاني اسحب السياره من عنده لان كلمة محروق 

غير صحيحه وانا عندي خلفيه بسيطه بالميكانيكا وشفت المكينه بنفسي وحسيته مو فاهم ويبي يبيعني مكينه من عنده ..

طرمبة البنزين ممتازه وتضخ بنزين .. انا شكيت بطرمبة الزيت مع اني مالاحظت اي اصوات طقطقه ولو خفيفه بالفتره الماضيه

وشكيت بعد بجنزير المكينه انه فرط وشفت الجنزير جهة الراكب سليم وبكره بنفحص جهة السواق ونشوف يمكن فارط من مكانه

الي سبق ومرت عليه المشكله لا يقصررر     

مع العلم ان كهربة السياره سليمه حتى العداد يشتغل وكل الانوار شغاله وكل شي سليمممم 


وشكراا للجميع



up 0 down 0
abdullah.ags 395
قبل 6 سنه و 7 شهر



اخوي المحترف اعتذر ماودي اذكر جنسية الميكانيكي لكني كنت معتمد على احد زملائي بحكم انشغالي بالدوام وهو الي اختار الورشه 

كل التشخيص الي كان يقوله كل شي محروق محروق .. حتى الزيت يقول محروق حتى الفلتر يقول  شكله مو اصلي ولو ماكنت مغيرهم بيديني الي بياكلهم الدوود 

بحوش البيت كان قلت انا ماافهم شي وفلتر وكاله من فورد بعد وشفت لزوجته بالورشه وباقي نظيف... شي عجيب 

مازلت بانتظار الردووود 




up 0 down 0
abdullah.ags 395
قبل 6 سنه و 7 شهر



طيب ياخوي عشان تتاكد ان المشكله مو ميكانيكيه مالك الا تفر البكره بالمفك كم لفه ..طبعا رح 
تحتاج قوه شوي بس في حالة حسيت خشونه او قربعه وانت تفرها او ماقدرت تفرها ابدا اعرف ان 
المشكله داخل المكينه او مصلبه ..اما لو فر الكرنك وما حسيت بشي غريب اعرف انها بسيطه
 ان شاء الله
واما ابو محروق قله تراها مكينه مو مكيف 


up 0 down 0
ibrahim alghamdi 216
قبل 6 سنه و 7 شهر



ياخوي العمال يعرفون ان الناس معهم راتبين زيادة فلا تستغرب 


up 0 down 0
زوبعة 464
قبل 6 سنه و 7 شهر



ياهلا بالجميع   للفائده المشكله طلعت احد رؤؤس المكينه انقطع عنه الزيت وصار تالف تقريبا اقصد عمود الكام والبلوف

والراس الثاني سليم (شكلها الطرمبة او مجاري الزيت مسدوده)..حسبت تكلفتها واحتمال عامود الكرنك يكون رايح بعد لاني مافحصته 

وقلت افضل حل اختصار للوقت اغير مكينه من البيان الجديد والعوض على الله سبحانه 

غيرت مكينه استخدام امريكي والحين السياره بافضل حال والحمد لله

وشكرا لكن من ادلى بدلوه بالموضوع وبيض الله وجيهكمممممم


up 0 down 0
abdullah.ags 395
قبل 6 سنه و 6 شهر