الي عندة خبر في اسعار اللنكون يدخل

لينكون ايش؟ 

تاون كار - MKZ - MKX - MKC - نافيقيتر 

حدد النوع عشان الشباب يفيدونك

من ال 65 وطالع ع حسب النظافه وتقارير السياره التاون كار النظيف غالي بالحيل

جزاكم الله خير على الرد وبانتظار مشاركة الشباب

وعليكم السلام

بالنسبه للينكون
انا عندي تاون كار مديل 2004
وايضا الوالد كان عنده تاون كار مديل 2000 وباعه قبل سنتين وشرا ماركيز جديد
قبل ما يبيعه كان ماشي 420 الف كيلو
قير ومكينه ما قد وظبت ابد كل الي غيرناه اشياء استهلاكيه فقط

بالنسبه للقطع الغيار الميكانيكيه للتاون كار من 2003 وطالع

هاذي لا تشيل هم لان التاون كار نفس الفكتوريا والماركيز
من ناحية القير والمكينه والدفرنس
والقطع المكيانيكيه رخيصه مقارنه بالسيارت الاخرى

وتقدر تاخذ ورقه وتروح بنفسك للمحلات قطع الغيار وتسعر وتشوف
بس ابعد عن توكيلات الجزيره قدر الامكان لانهم حراميه

بالنسبه للقطع البدي

انا قبل ما اشتري اللينكون رحت وسعرت القطع عند التوكيلات

شبك + صدام امامي + ربلة صدام الي خلف الشبك + شمعات اماميه يمين + يسار

تدري قالولي 4900 ريال

بعدها طلعت لمحل اعرفه ومتعامل معه

وعنده نفس القطع بس صناعة تايوان ما تفرق بينها وبين الاصلي وانا مجربها بنفسي

طلعت الحسبه :
الشبك = 90 ريال < شف الفرق
الربلة حقة الصدام = 190 ريال
الصدام المامي = 125 ريال
الشمعات الاماميه = الحبه 330 ريال

اذا جمعتها تطلع 1000 ريال تقريبا

شف الفرق التوكيلات يقولون 5000 الاف وبرا تحصلها بـ 1000 ريال فقط
والمشكله انها تقريبا نفس الجوده وما تفرق ابد

اجل صدام امامي فيبر يقول 1700 ريال وين احنا فيه بسعره اشتري 15 صدام تجاري ههههه
والصدام فيبر ما يفرق والله لو هو ذهب

الموتر افضل ما فيه عملي + كلاسيكي فخم + قطعه رخيصه + قليل الخرابات + مريح ويجيب النوم هههه

فيه عيوب بسيطه جدا اشوفها من راي الشخصي

مثل الديكور الكلابسات فيه تتكسر مثل الدرج الي في الباب تخرب بسرعه وتطلع اصوات مع الوقت
وايضا التكييف ممتاز وجيد ويلبي الغرض لكن كنت اتمنى يكون افضل شوي

هاذا تقريبا كل الي اعرفه عن التاون كار
واتمنى اكون افدتك ولو بشي بسيط

بيض الله وجهك وما قصرت اي والله افدتني ياغالي 
لاكن مالك خبره باسعارها

على حسب علمي اسعار ال2010 تختلف مابين ٦٥ الف الى ٨٠ الف على حسب النظافه والمواصفات ونادر جدا ماتحصلهم معروضين للبيع لان الي يركب التاون كار صعب جدا يتخلى عنها :(

وبالتوفيق

^^^^^
نسخ ولصق من فورد العربيه
ههههههههههههههههههههههههههه
أكفش ^_^