نويت اشتري فيوجن 2015

فكرت نفس فكرتك بس انتبه من انواع الفئات وانصحك اللي فيها مكينة ECOBOOST والباقي لا أعلم لاني ماجربت 
بس تواصلنا شركة توكيلات الجزيرة في الفيسبوك عن الفئات ولا رد كانها سبام ينشر البرودكاست حتى سألت على الصورة ولا رد :( واما موقعهم مافتحت لما تدخل تلاقي الوقت ااصفار وفوق هذا الى اكثر من 3 اسابيع وهي على الاصفار !!!!! الله اعلم مدري وش السالفة ؟

وعليكم السلام والرحمة
قطع غيارها ما توجد إلا عند الوكالة وكم محل بالصناعية فقط.
قطع غيارها غااالية.
لن تحتاج لقطع غيار لها أبداً لأنها جديدة وجودتها عالية.

مع أخوي الصغير وحدة 2011 لف على رصيف ودق فيه دقة بسيطة، حطوها عند الوكيل على أساس على الضمان.
يوم خلصوا منها صلخونا بـ 15 ألف غيروا كل شيء متأثر حتى لو مخش بظفر إصبع، وتركوا أهم شي ما غيروه وهو صوت عررررر يطلع إذا لفينا الدرقسون والسيارة تمشي، رجعناها لهم وقعدوا يحوسون فيها وما صلحوا الصوت وطلبوا مبلغ وقدره أيضاً !!
طلعناها منهم ووديناها لورشة عندنا وعرف المشكلة في العكس وغيره بـ 500 ريال فقط.

نصيحتي لك حاول تشتري فقط المعروف والمشهور واللي تلاقي صيانته وقطعه في كل مكان.
لو شريت فيوجن بـ 80 ألف الآن وجيت تبيعها بعد أسبوع، إن جابت لك 70 اسجد سجود الشكر.

عليكم السلام ورحمة الله
لو انك تبي تشتري مستعمل كان افدناك بس انت تبي 
تشتري وكالة وتسأل عن قطع الغيار  ؟ اقل شي تمشيك 5 سنوات

المكسيما عليها عرض ي89 الف  افضل منها مليون مره 

استخدامك كرف وتبي فيوجن بعد .. 
شوف سعرها وش يجيب لك من تويوتا ..
صراحة ماني متعصب لتويوتا بس الوكيل موفر قطع صينيه و وتايوانيه و يابانيه و أصليه ..
وفوق هذا لو تبي زر فلشر تلاقيه . ومنتشره فالتشاليح .