عارض سيارتي للبيع ومحتاج رأيكم

السوق عرض وطلب لو الشاري اخدها بسعرك مافي ظلم ليه... ولو ما اشترى احد بتضطر تنزل من السعر عشان تنباع و هذا ليس فيه ظلم لك...

الظلم يكون في عدم ذكر العيوب (التدليس) والكذب فقط من أي من الطرفين

شف وانا اخوك الفورد يستاهل لكن حدك شوي مرتفع وتقدر تأخذ ألوان فاتحة ونفس الممشى 2010 بنفس قيمتك ماابخس حلالك لكن السوق وله سعره وعلى قولهم كل حجرة لها أجره 
وعسى الله يرزقك بالبيعه الي تسرك. .

الله يعطيكم العافية و يجعلها بميزان حسناتكم ان شاء الله بس يا اخوان كيف اسعار الفيكتوريات بنفس  ممشى و نظافة سيارتي
لاني بعيد عن السوق وما اعرف الاسعار

اولا الله يرزقك ياخوك بالبيعة اللي تسرك قل امين

ثانيا اللي اشوفه وبحسب نظرتي البسيطة للسوق اشوف ان حدك غالي عليه شوي ، انا معك ماشاء الله الموتر نظيف الله حق لكن لاتنسى ان فيه بعض النقاط معيبه السيارة ماتسمى عيب ولكن يعني تقلل من القيمة

1- لونه غير مرغوب يعني لو انه سمني ولا من الالوان اللي مرغوبة في السوق كان اقول لك حتى لو ما انباع بحدك لكن بيجونه زباين واجد لكن الاحمر يمكن كثير يصرف النظر عنه والسبه لونه مثلن شايب بيقول ابي سمني ولا الخ ... الشباب ايضا يمكن يقول ابي اسود ابي حبري يعني اللون مدقر للموتر شوي لكن مايهم طالما انه نظيف

2- جنوطه اللي عليه والله العالم انها حقت 2005 ونازل الى 2003 خبري هاذي جنوطه واللي اعرفه من 2006 تغيرت جنوطه هي ما اقول لك عيب لكن مقلله من منظر الموتر ووقفته يعني بجنوطه الرياضية او حقت الشد بلد للموديل تعطيه منظر افضل بحيث انها تجلب الراغبين في السيارة لك لأنه يشوفه كامل والكامل الله ما اقول عيب لكن يقلل ايضا

3- ان موديله 2008 وفكتوريا ليس ماركيز ، م اقول لك عيب لكن يقلل ايضا من قيمة السيارة لأن الماركيز ارغب


انا من رايي تدخل به السوق وتخليه على الموقع وتشوف كم بيوصل آخر حد توقعي الشخصي انا انه بيوقف على 47 في هالحدود


لأن اللي بيخليه مايجيه زبونه هو لونه وجنوطه اللي مخربته


ولا ممشى وبدي وداخلي ماشاء الله مايحتاج ، ولاتنسى لو تفكر فيها انه ب الخمسينات ممكن يروح يطلع له واحد من الصالة وموديل 2009 وجنوطه حقت الشد بلد وبلون افضل هاذي وجهة نظري واتمنى تكون صائبة لكن ما اقلل من موترك لأنه الله حق ماشاء لله ينصفط للأخو


تقبل مروري واتمنى ما اطلت عليك بالتوفيق للجميع

من ناحيه تظلم الي بيشتري او لا فالموضوع ماله دخل بالظلم ابد حتى لو بعت السياره بقيمه اعلى من ماتستحق
انت خلها على السعر الي في راسك وانتظر وشف اذا جاء نصيب وانباعت خير وبركه وان ماحد شراء فنزل السعر
للسعرها المعقول

بعدين ترى المواضيع الي تقول انك شفتها وحادين سياراتهم بسعار غاليه وهي ماتستحق محد شاري سياراتهم
وتحصله مايبي يبيع وغير مستعجل يقول في نفسه بحط السعر الفلاني وان جاء من يشتريها اهلا وسهلا وان ماجاء
بستعمل السياره واحب على قلبي ان مانباعت

الله يعطيكم العافيه يارب ويجزاكم خير وبارك الله فيكم جميعا

الله يعطيك الف عافية و يرحم والديك و يجزاك خير اخوي 
a.ibrahem

الموتر طيب 
والصامل المستخدم ما بيتردد
وممشاه قليل ماشاء الله 

لكن اشوف انك تنزل الحد شي بسيط 
والله يرزقك البيعه الزينه 

الله يجزاك خير اخوي عابر سبيل على النصيحة بارك الله فيك