كم تسوى فورد تورس امريكي

لا تسوم شيء حتى تشوف بنفسك وتفحص وتجرب

بالشحن الان واضح انك تبي تسوم شيء من الشريطيه اللي يقولك 45 يوم وتوصل السياره

تجي هنا تحصلها غير الصور اللي شفتها

او الصور ما توضح حالة السياره بشكل كامل

لا تورط نفسك تشتري صور

ما ازيد على كلام ابراهيم شيء الا نقطة بسيطة 

اوقات صح البدي نظيف حسب الصور لكن : يوم تجربها تلقى عضلاتها تعبانه + ديكور متهالك 

* احياااانا مو دايما... ف لاتسوم شيء مو عندك.. جربه اول بعدين قرر

و التورس الامريكي ملياااانة بالمعارض ماهي نادرة

وش يحدك وهي باقي بالشحن والمعارض ماكثر الله الا التورس كل معرض اقل ماتلقى فيه 4 5
اتجه للمعارض خلف الاستاد الرياضي وابعد عن صالة سماهر وصالة الؤلؤة والبيوك هذولا نصابين في تنزيل العداد وتغيير اللون مامثل الموتر قدام عينك ترتاح نفسيا وتفحص وتجرب واول خطوة تسويها تاخذ رقم الهيكل
وتتطلع تقرير اوتوشيك وكارفكس مايكلفك 30 ريال لاتدفع عربون ولا تسوم والموتر ماهو قدام عينك وابعد عن سيارات الصدا
بالتوفيق اخووي

الرفاعي

تقرير اوتوشيك و كارفكس يوضح الحوادث فقط 

ما يوضح لك حالة المكينه والعضلات ولا الحاله الداخليه يعني تقرير فائدته محدوده

طيب وانا وش اقول مبدئيا يطلع تقرير اوتوشيك طلع الموتر تمام
يتجه للخطوة الثانيه يفحص مكينه وقير وبدي ارتاحلها يتوكل على الله ويشتري
تقرير اوتوشيك مايكفي لوحده بس ضروري يطلعه مبدأي من شان يشوف كم الي استخدموا السيارة
كم عدادها عند خروجها من امريكا كانت استخدام شرطه ولا مواطن يشوف عليها حوادث او عطلات زي كذا

يطلع التقرير وينتظر 60 يوم على ما تجي السياره تكون راحت شراها واحد مثله يشتري عن طريق الصور

او يتجه للمعارض اللحين و يشوف بعينه قدامه ويفحص ويدفع فلوسه ويومين ويستلم السياره افضل

ابراهيم افهمني ربي يسعدك التقرير يطلعه سواء للسيارة هاذي الي جايه
او اي سيارة في الصالات في جده اتمنى انها وصلت المعلومه التقرير ماياخذ 10 دقايق

فعلا اكثر ما كثر الله التوروس عندنا 
ادخل لك معرض واثنين وثلاثة ودور في السوق والساحة بتحصل عروض واشكال والوان 

والمستورد كثيير في السوق 
على الاقل تشتري على النظر وبعد الفحص 

وانت تصدق التقرير لو طلع 

لو كانت السياره من الوكالة بعضها تحصل فيها مشاكل وهي جديده ما مشت شيء

فما بالك بموديل 2013 مستخدمه ؟؟؟؟

عن نفسي ما اصدق الا عيوني وبس

الحين يابراهيم تفاعلنا مع الرجال وهو ماحتى كلف على نفسه يكتب حرف
على العموم الله يرزقك بموتر نضيف وتتهنى فيه 

لا تصدق الا عيونك مثل ماقالو الشباب السيارة مثل الزوجه قبل ماتتزوج لابد من النظره الشرعيه عشان ماتنصدم بعد فترة انصحك بالنظر قبل كل شيء ولا تدفع فلس واحد

والله ما اعتقد يفرق سعرها عن الي هنا!!
عموما من 65 الى77 تقريبا
وشوف هذا اعلان لواحد عارض سيارته
http://haraj.com.sa/116395856/%D8%AA%D9%88%D8%B1%D8%B3_2013_sel/
انصحك تاخذ لفة على المعارض والصالات
راح تلقى النظيف ولك حرية الكشف عليه وبنفس السعر ويمكن أقل

يا شباب الموتر انا شريتة وخلصت بس فكرت ابيعه