رأيكم بهذه القيمة لكراون فكتوريا

تستاهل المبروكه 

رزقهم على المجانين 
والله لو ايش ما ادفع فيها كذا 
بالقيمة هذي اشري موتر وكالة اصفار والباقي اعطيه الوالدة الله يحفظها 

كنت اتمنى انه يقول ابغى فيها 114
افضل من اللف والدوران ويقول مسيومه ب ب112 عشان يبيع بالسعر اللي يبيه

بعدين لاحظة ان الناس صارت واعيه وفاهمه بدليل انه لحد الان محد فرق السوم على موتره لانهم عارفين الكفت ومافيه

113 اشتري فيها افلون تورس 
هذي قيمتا وكاله اصفار 79 على سنتها
الحين مستعمله وويقول مسيومه ب112
خلنا نقول السياره معروفه وقويه وسهلة الصيانه وعمليه ومايندم من يشتريها بس مو بحدود المعقول
خصوصا انها ماتحتوي لا على تقنيه ولا شي لازالت محافظه على الطراز الكلاسيكي حتى حساسات مافيها

والحين السيارات ارداها تلقاها حساسات وكميرا ومنفذ يو اس بي وشغلات تواكب التطور

السياره اذا طلعت من الوكاله ينزل من قيمتها فمبالك بسياره مشت الفين كلو وصار لها 4 سنوات !!!

سعره عادي خاصه ان السياره ماشيه شوي تحت الافين تعد مخزنه  والسياره مقطوعه من السوق 
الي بيشتريها كانه مطلعها من الوكاله على يده  والوقت الي مر على السياره مو الوقت الطويل الي يخلي السياره
تصدي وتيبس ربلاتها من عضلات وخلافه

^^^
يارجال شوف الردود
مافيه احد سام ولا شي الناس صارت فاهمه تقريبا 
تركو راعي السياره ورواحو يدورون غيره

 ماشاء الله تبارك الله 
لكن السعر مبالغ فيه 

شاقح ماعليك بيطيح في  واحد يبي ذا الشكل من الفورد وماتهمه الفلوس  بس البيعه بتطول يالله يتلاقون 

تستاهل واللي يقول اشتري غيرها واللي يقول ماتسوى
فورد موديل حديث ومنقطعه ومعروفه الفورد مايحتاج شهادة احد
ولو انها لأحدكم كان بعتوها بأزود اتركوا الكذب ههههههههههه
لكن سعرها مزوده شوي لو يجيه صامل كان باع بإقل لاتصدقوا
كل مايكتب 
لقيت سيارات يقول راعيه مسيومه وقوله ارسلي حدك بالخاص جاد
يرسل حده اقل من من السومات اللي يقولها

لو أنه ماركيز فل هيدروليك فتحة سقف بصراحة اشتريه وكمل تخزينه. .

معليش والله سعرها غاالي وحدها 75 بكثير,,,  وفي بديل وأفضل عندك افالون و ازيرا و توريس 
بالتوفيق .........

لو الواحد يفكر فيها بعقل شوي الموتر موديل 2011 زين وماشي 1000 وشوي اوكي ممكن اخذه بغير له زيوت الخ ويبي له شوي على مايصفى الموتر لأنه مهب ذاك الزود من الوقفة


لكن لو اخذ لي واحد ماشي 20 الف موديل 2011 فل نفسه ب 70 الف ولا نقول ان شاء الله 75 الف واوفر 37 الف في مخباي والفرق 18 الف وبالعكس ابو 18 بيكون احسن منه لأن مكينته متحركة وماشي وزيوته منتظمة واكيد بيكون مهتم فيه ومغير كفراته احسن من ذا اللي مزرع


يعني الفرد بصراحة عطوه اكبر من حجمه عشانه توقف ، ماعليش تراه وهو 2011 مايلفت النظر سيارة عايدية جدا اصطب شمعة مافيه فخامة مافيه اي شي ، احسن مافيه مراتبه ونوعا ما عزله للشارع بس غير كذا اتحدا أحد يطلع فيه ميزة السرعة العالية مايصلح مهنا ذيك الرساوة ولا ثبات ولا قاله الله ما اقول لك الواحد بيطير بالموتر بس برضوه احتاج انظمة الثبات في سيارتي اذا كان بالفئة والحجم هذا ، ثانيا لو اخذ لي واحد موديل 2010 او 2009 نظيف وجديد ومامشى شي واوفر الباقي في مخباي واستخدمه عشر سنين ما خسرت الفرق اللي بين هذا وذا يعني 112 كم يبي لي على ما اصرف على موتري هالمبلغ يبي لي سنين


وايضا في يدي سيارات ستة سلندر وفئات فخمة بالسعر هذا اخذ فورد ماعليش من ناحية رأيي الشخصي اتوقع صاحب الموتر ولا احط شي في ذمتي كاذب في السومة او انه سامه واحد يلعب عليه ، لأن حتى الصالات الحرامية اذا جابوا فورد ولا ماركيز جديد ما يوصلونه هالسعر حتى 90 واجد عليه ولاحظ انه فكتوريا

رزق الهبل على المجانين