سبحان الله وبحمدهـ

الصيف قرب من قلك الشتاء باقي بااوله على هونك لا تستعجل 

عن تجربه خساير بالفاضي

ركبتها باللومينا لان عندي مروحتين وحده احترق الدينمو حقها وقيمته جديد حدود 700 ريال

وتشليح 400 ريال

غير شغل اليد قلت اركب الاضافيه هذي قدام طلعت ما منها فايدة ابدا

فائدتها بالنسبة للمروحه الاساسيه تقريبا 20 % فقط ما تجي ولا ربع قوة وفائدة المروحه الاساسية

لانها بتكون اماميه دفع وليس سحب والمروحه اذا كانت دفع تكون ضعيفه لازم تكون بالخلف سحب تكون اقوى

وفائدتها اكبر

وكنت مركبها بفاصل اشغلها واطفيها على كيفي ولا استفدت شيء منها خسيار بالفاضي

ومره وانا رايح القصيم نسيتها شغاله انا العاده اشغلها لو وقفت بس

نسيتها شغاله المهم قبل ما اوصل القصيم بحوالي 50 كيلو وكنت مسرع

وطلعت كبري الا اسمع صوت قرقعه قويه اوقف افتح الكبوت الصوت كأنه من المكينه نفسها

طفيت السياره الصوت باقي عرفت انها من المروحه بس كان بالليل 

اطالع بالمروحه الا هي متكسرة مع الهواء وصارت تحك بالرديتر حق المكيف وتكسرت

وكسرت الرديتر وخساير هههههههه

لا يابراهيم لاتقولها من فترة كنا نسولف انا وانت سوا عنها 
صحيح كلام ابراهيم هاذي موجودها من عدمها مالها اي قوة ولا اي فائده وماتنفع بريال
لاتبرد الرديتر ولا المكينه ولا تسوي اي شئ 
تبغى ازبطلك مروحه مرسيدس جديده المانيه تنزلك حرارة المكينه وتزيد تبريد المكيف والمكينه وتنبسط منها بشكل رهيب
وصوتها عادي وتبريدها قوي وتتولف بسهوله
تواصل معاي خاص

عندك ثلاجة المكيف وسخانة
تنظيفها ب50ريال عند اي محل مكيفات
من الكبوت فيه 4مسامير يفكها من زاوية الكبوت جهة الراكب
ويطلع المروحة وتبين الثلاجة 
ويجيب ضخ موية قوي وينظفها وشوف التبريد وقوة دفع الهواء

عندك ثلاجة المكيف وسخانة
تنظيفها ب50ريال عند اي محل مكيفات
من الكبوت فيه 4مسامير يفكها من زاوية الكبوت جهة الراكب
ويطلع المروحة وتبين الثلاجة 
ويجيب ضخ موية قوي وينظفها وشوف التبريد وقوة دفع الهواء

احمد شريف

حقت المرسيدس قوية ولكن هذي انا مجربها يشغلها لك قبل التركيب تشوفها قويه عشان ما عليها ضعف

لكن تركبها وتشغلها حتى لو السياره طافيه تحط يدك خلف الرديتر بين الرديتر والمكينه

تحصل نسبة الهواء ضعيفه اللي تجيك 

لكن مروحة بلدها الشفط قوية

وحقت المرسيدس قوية معتمده عليها مكائن المرسيدس كمروحة اساسيه فرق عن هذي الصينيه

صادق والله صادق انا برضو انغشيت فيها ولمن غيرتها فرق بالحراره عندي حتى رسلتها لك بالواتساب ارتحت شويتين من الحراره اما مع القديمه 
ولا كانها موجوده فاشله بمعنى الكلمه

لا تكذب ما ارسلت لي بالواتس اصلا مين انت هههههههههههههههههههههههه

المراوح ما تشترى صينية حط رجلك

كان عندي كابرس91 وذابحني بالحرارة   رهمت له مراوح مرسيدس حجم 600 قدام الاديتر  وركبت لهااا كتاوت و فاصل .. وبعدهااا سنتين لين بعته  ما كد اشتكيت من الحرارة

فكرة ممتازة والمروحة الاضافية ماراح تضر 
لكن اهم شي ركب نوع اصلي او من التشليح شوف مقاس يركب 
الصينية بعضها او اكثرها تتكسر الريش مع الخط والحرارة 

اخوي اذا بتركب مروحة اضافية ركب مراوح اصلية
 الصينية مامنها فايدة غير تخسر فلوسك على فاضي 
في مراوح يسمونها مراوح الاداء العالي من شركة SPAL 

وهي شركة امريكية ومنتجتها قوية وتتحمل بس سعرها غالي افضلك تشتري من موقع Ebay ينزلك ارخص 

ابو خليل كنت تمدح اللومينا واشوف طلع فيها حرارة وترهيم مراوح ههههههههههههههههههه

حياالله رجعتك للمنتدى

انا عندي باص كان ترتفع حرارته 
شريت مروحة سوبارو ممتازه جدا جدا سريعه
افضل من المرسيدس لان المرسيدس يطلع لها صوت اما السوبارو بدون
والحمدلله مركبها بفاصل اذا ارتفعت الحراره اطق الزر و٥ دقايق والحراره نازله في عز الحر 
المروحه تقريبا قيمتها ٢٠٠ الي ٣٠٠ بس للامانه ممتازه
اسف ع الاطاله اخوكم احمد