المكينة صلبة فورد 97 مشورتكم

مجدد هو نفسه موضب
و الفورد فيه عيب تصليب المكينه بدون مقدمات مدري ليش
و بصراحة 7000 كثيرة على سيارة موديل قديم
بيعه بوضعه و زيد حق التصليح و شوف لك سيارة غيره

المكينه والجربكس اللي لقيت حقت 2002 ويقول الميكانيكي تركب لايهمك 

يا حبيبي كذبه
تحصلها حقت 98 نفس حقت 2002
سبحان الله كل مكائن السيارات بالتشليح للكامري مثلا يقولك حقت 2011 ما يقولون 2007 مثلا وهي نفس المكينه
بس عشان يرفع السعر
الفورد يقولك 2002
الكامري القديمة مستحيل يقولك حقت موديل 99 مثلا او 98 لازم يقول 2002
نفسها نفس الكمبروسر اللي يولفون كمبروسر كامري القديمة
دائما يقولون كمبروسر كامري 2002
ما قد مر علي احد قال كمبروسر 2001 او 2000
يعني دائما يعطون اخر موديل بنفس الشكل عشان يرفعون السعر
بعدين حتى لو كانت فعلا حقت موديل 2002 شوف كم لها تكد المكينه لا تتوقعها جديده

رح للتشاليح

ودور لك مكاين نظيفه من الموديلات الجديده 

وش هو له تاخذ مكينه موظبه

اخوي انا نفس الحاله خربت مكينتي ودورت وحست اقل مكينه ب3500 وضمان اسبوع وب3000 وضمان اسبوعين بالرياض..

اخر شي خويي اقترح علي اروح المحرقه في تشليح الدمام ورحت لقيت مكينة مع قير ب1000 بدون ضمان..

ورحت محرقة ثانيه ولقيتهم توهم منزلين فورد شغال بس جيره خربان فحصت الماكينة ممتازة ماشاءالله وخليتهم يفكونها 
وخذيتها ب1300 ريال وركبتها وماشاءالله ممتازة 

انت عندك خيارات كثيرة بس تعتمد على ميزانيتك او نظافة الموتر من ناحية البدي والداخلية..

بس بغيت أنبهك على شي انت تقول ترتفع الحراره بدون بلف شي طبيعي اذا فكيت بلف الفورد تلعب فيه الحراره وتصيرعلى حسب الجو بليل تنزل ونهار ترتفع لكن كان معاي فورد 97 ماركيز يوم شريته السياره تمام لكن الحراره تلعب على حسب الجو المهم رحت لمكانيكي متخصص فورد بدون اي مقدمات قلي رديتر. اكيد. ي مدير قال اكيد و روح وشتري رديتر جديد750ريال.  ومسك خط الا نفس الوضع المهم. رجعت. على حق الأديتر قلت فكه قال  مينفع قلت رديتر حقك مينفع.قلي شوف غير البلف اذا م نزلت الحراره ارجعه قلت طيب فكينا. الخرطوش الا. مافيه بلف. رحت جبت بلف وركبته من يومركتبتالبلفالحراره ثابته تحت النص بشوي حر صيف شتاء مطرهاذي الحراره يعني بلف الفورد التفكّه ابد

لاتوضب ولا تاخذ مجدد ياخوي خذ من التشاليح مكينة بلد ما قد فكت واشرط الضمان
لان التوضيب صعب من يضبطه الا ان لقيت واحد تضمنه وصارت حسبت التوضيب اصرف من المجدد والتشليح مممكن
اما مجدد تكفى لاتاخذه لانهم يوضبون من قطع لك عليها تمشيك كذا سنه وتتعبك بعدها

أنا سبق وضبت فورد عند ورشه بالرياض ، كديته بعد التوضيب ٥ سنين و بعته و مكينته زي الساعه
يمكن كلفني قطع أصليه من التقوى مع شغل اليد و المخرطة أقل من ٥٠٠٠ ريال.