رايكم بكفرات هانكوك اوبتيمو

تعبان ويحبل بسرعة دايم اسمع يشتكون منه التكاسي

ممتاز عن واقع تجربه في سياره اخوي الاوبتيما 

بس غريبه كم مقاس جنوط سيارتك ?  ما اخبر انهم نزلو مقاس للتورس ? 

جربته مااقدراقوللك ممتاز وسط صراحه وخدمته اقصى شي 50الف يعني معدل عمره قصير نسبيا لاتبعد عن البريجستون والميشلان الأصلي تدري الميشلان انوعمره الافتراضي25% اكثر من الكفرات الثانيه حاليا كفراتي بريجستون وماشي عليها 56الف وحالة الكفرات جيده جدا باقي فيها اقل من نصف عمر أتوقع على 75الف اغيرهم

البردجستون لا غبار عليه.لكته قاسي جدا جدا  لكن هو معدل ومقياس

كل مازادت قساوة الكفر كل مازاد عمره الافتراضي.  فا انا افضل الحل الوسط مثلا كفرات تويو ليينه وبنفس الوقت عمرها الافتراضي نوعا ما مقبول وسعرها مقبول

صلو على رسول الله 

شوف اخوي انا مركب هانكوك على موتري جنط 16 والان ماشي عليه 20الف
صراحه الكفر ممتاز ولاكن اذا تبي كفر مامثله عندك الميشلان كان على موتري طبعا ميشلان امريكي
ويجي منه الماني صراحه هالكفرات افضل نوع اعتبره رقم 1 بدون نقاش

انصحك جرب ميشلان او برجستون قاسي شوي..  غيرها لاتدور اذا تبى كفرات حيده وتعيش.. 

استغرب من الي يقول حدها 20 الف ولازم تغيرها
انا موتري سوناتا جنط 17
لها معي سنه كاملة مشيتها 70 ألف مابقا مكان بالسعوديه مارحت له
والى الحين ماشاء الله نقشتها كنها جديدة
ولا افكر اغيرها
اتوقع تمشيني سنه او سنه ونص قدام

للمعلومية كفرات الوكالة

وميزتها انها لينه ماتحسسك بالمطبات والحفر

اوبتيمو مدري عنها
. جات من الوكالة كفرات تويو مقاس 16 مشيت معايا سنة ونص بالقوووة وقدها ناشفة وممسوحة . والان من سنة ونص مركب هانكوك وماشي عليه 46 الف كم ماشالله لامشاكل لارجة وباقي فيه 50 بالمية .

نصيحة ابعد عنها 

هي كفرات ممتازة وتخدم لكن تحبل دون سابق انذار

ركبنا طقم لسيارة ميتسوبيشي قديمة
وهي واقفة طول الوقت وبعد سنة حبلت كل الكفرات

وعندنا سيارة ثانية راكب عليها طقم ميشلان وتواريخها مختلفة

مابين 2009 و2010

والى الان ماشاء الله ولاكفر حبل كلها ماشية زي الحلاوة

لو قبل كم سنة كنت راح اقول خذ هانكوك

لان الفرق بينها وبين ميشلان في السعر كان كبير

لكن الان ماعاد في فرق يذكر

يعني اذا ماتقدر  على ميشلان

عندك خيارات ثانية وارخص بكثير

مثل ماكسس ونانكنج ومارشال