أضف سؤال أو موضوع جديد          

ايهم افضل ... باجيرو..اكسبدشن..اكاديا

up 0 down 0
ibh.x976 761
قبل 6 سنه و 3 شهر



السلام عليكم ورحمة الله
اخواني عندي استفسار وارجوا الإفادة ولكم جزيل الشكر
محتار بين باجيرو 2009 6 سلندر فل كامل ب48
 واكاديا 2007 نص فل نظيفة ب 43
واكسبدشن 2004 دبل وديفي دي جيده جدا ب32


............................. ..........................
الحاجة للعيله والسفر
..... . ................................................
أسأل عن الاعتماديه والراحه والصرفيه وتكاليف الصيانه وسعر اعاده البيع



لكم خالص المودة والتقدير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام
الباجيرو مشكلته الأساسية المرتبه اللي بالشنطة
صغيرة و غير مريحة و بدون مساند راس كنك قاعد على كرسي بلاستك
الاكاديا الافضل من ناحية المرتبة الاخيرة و الدخول و الخروج منها سهل و هي الاريح
الاكسبدشن الموديلات اللي قبل 2007 فيها مشكلة تغيير البواجي حسب ما اذكر
و يفيدون اكثر اللي مجربين و مستخدمين السيارات هذي


up 3 down 1
أبو نجوى 2442
قبل 6 سنه و 3 شهر



تسلم يا ابو نجوى الله يبارك فيك. . بالنسبة لسعر الاكاديا مقبول؟
والله انا ميال لها لكن الباجيرو الي مغريني فيه الفل، يعني دلع حبتين



الف شكر اخي


up 2 down 0
ibh.x976 761
قبل 6 سنه و 3 شهر



الأكاديا ما أنصحك فيه أبدًا وذلك لوجود مشاكل في الجير في هذه الموديلات 2007 - 2008 
إذا تبي للسفر و العائلة الاكسيبدشن هو الأنسب لكن حاول تزيد المبلغ و تاخذ موديل أحدث 2006 تقريبًا 


up 3 down 1
أبو راشد 33 978
قبل 6 سنه و 3 شهر



الف شكر ابو راشد ..والله جميعها قريبه علي وانا مستعجل شوي ع الشراء وياريت احصل
خيار اخر يكون افضل. الاكاديا امريكي بطاقه ماشيه بحدود ال160 ونظيفه لكن ما عني اي فكره
مسبقه عنها ولا خبره ابدا والاكسبدشن متخوف من خراباته وصرفيته هو5.4


يعني الاكاديا ما تصلح ابدا  ولا حسب استخدامها....

الله يجزاك الجنه


up 0 down 0
ibh.x976 761
قبل 6 سنه و 3 شهر



الاكاديا سياره غير عمليه لدرجة اني شفت اعلان فحراج عن ورشه متخصصه لاصلاح قيور الاكاديا وكثير اشتكو منه

حدد خيارك بين الباجيرو والاكسبدشن
عيب الباجيرو فنظري نظام تعليقه الخلفي مستقل يعني بمجرد ماتحمل عليه راح ينزل من ورى كئنه سياره سيدان وهذا يتعبك قالطرق الوعره ويلمس الارض
وبنفس الوقت تعتبر ميزه تعطيه رساوه وثبات مع اللفات
مراتبه الصف الثالث صغيره مره لكن سياره ممتازه وسعرها مناسب جدا مقارنه بمثيلاتها

الاكسبدشن عاد منتشر ومعروف 
داخل المدينه اشوفه يصرف بنزين وعالطرق السريعه جربناه من الرياض لين العطيف على تانكي واحد بسرعة 140مايصرف فالخطوط
مراكز صيانة الفورد كثيره 

لكن لو اخذت اكسبدشن غير نظيف والله بتتعب فيه ويكرهك حياتك واعتقد مديل 2004 مابتحصل نظيف لذلك خلك على الباجيرو اذا مالقيت شي نظيف


انا استخدمت الاكاديا الدفع الرباعي المستمر. ممتاز للعائلة والسفر وقطع رخيصة ومع ان استخدامي قوي  الموتر صبر علي لكن فايده اذكرها الدفع الرباعي للاكاديا للثبات وليس للتطعيس يعني ادخل طعوس بس مااطول 
وبالنسبة للراحة ممتاز جدا واستهلاك الوقود ممتاز ايضا والمكيفات على طول السيارة من السقف والارضية 
انصحك فيه اذا منت راعي بر كثير


up 1 down 2
ال اس x 264
قبل 6 سنه و 3 شهر



الاخ شاقح بارك الله فيك على الافاده انا والله الاكسبدشن اخر خيار والباجيرو ما رح يكون
في حمل زايد يعني استخدام عادي للعائلة ومالي بالبر او المناطق الوعره ابدا
يعني استخدام سفر ودوامات ورحلات خفيفه.. بس بالنسبه الاكاديا ماتنصح فيها ابدا
المرتبه الثالثه مهمه بالنسبه لي.. والباجيرو سعره طيب؟؟ بدي بلد فيه برد خفيف
جهه واحدة والمكينه الصغيره... الله يجزاك الجنه اخي




اخي طالب العنزي.. الشكر والتقدير لكن الي محصلها ماهي دبل ولا احتاجه لكن الإخوان
تحدثوا عن مشاااااااااكل كثيره فيها رغم ان شكلها روعه بالنسبه لي لكن ما ودي اتعب نفسي
بمشاكل خصوصا مالي خبره فيها ابدا



مشكورين وجزاكم الله خيرا واشكر حسن تواصلكم حفظكم الله


up 0 down 0
ibh.x976 761
قبل 6 سنه و 3 شهر



انحش عن الاكاديا  وبعدين انت معك 48 اشتري اكسدبشن موديل حديث ولا خذ اكسبلور افصل 2008 وفوق 


up 2 down 0
سكودر 14928
قبل 6 سنه و 3 شهر



شكرا لك أخي سكودر والله الاكاديا شكله خلص بشيلها من بالي ولكم جميعاً الشكر بذلك
وياليت الاقي اكسبلورر نظيف حول ال40 حتى لو كان استاندر وانا فكرتي ادفع للموديل
وما ودي موديل قديم وسعر غالي..بالنسه للاكسبدشن
الباجيرو تنصح فيه ولا لا؟ وهل سعره مناسب

الله يجزاك الجنه و باقي الاخوان


up 0 down 0
ibh.x976 761
قبل 6 سنه و 3 شهر



سبحان الله جميعكم تسبون الاكاديا انا معي 2010 ماشيه الان 160 الف كم ماغيرت لها الا فحمات الفرامل بس للعلم قيادتي هادئه جدا بها او بغيرها


up 1 down 0
محب السنه 226
قبل 6 سنه و 3 شهر



نحترم جميع الاراء لكن من وجهة نظر وتجربه عمليه

اكسبديشن موديل ٢٠٠٧ لا يعلى عليه من راحه او استخدام بري او سفر
وقطع رخيصه وتوفير الى حد ماء للبنزين 


وجهة نظر فقط لا غير 
من واقع تجربه


ولا شك ان اكسبديشن من ناحية السعه جميل جدا

بالنسبه لموديل ٢٠٠٤ او ٢٠٠٧


بالنسبة للاكسبديشن لاتاخذ الا من 2005 وفوق لانهم تلافو عيب القير 2004 ابعد وتراه من الموديلات اللي قلت لك اطلقها كلها اكسبديشن اطلق من الاكاديا والباجيرو وقطع وصيانة سهله اما الاكاديا لااعلم عنه شي اما الباجيرو خذ من تجربه واستقصاء شخصي الباجيرو ينقص الزيت بعد فترة ولو ماتراعيه تضرب مكينته وما عليك من اللي يقول يباني هذا مو بداري عن المشكله والله يوفقك


up 1 down 0
سيب2010سيب 91
قبل 6 سنه و 3 شهر



خذ الباجير شغل اليابان


up 1 down 1
الراس عالي 43
قبل 6 سنه و 3 شهر



تبغى كلام من تجربه ولا ... الباجيرو سياره اعتماديه لأقصى درجه ضد البروده الشديده والحر والأعمال الشاقه صوتها مايتغير معك والبنزين إقتصادي جدا كنه معك كورولا في الصرفيه..أخيراً استخير الله والله يكتبلك الي فيه الخير  


up 1 down 0
عربة للسيارات 1665
قبل 6 سنه و 3 شهر



الباجيرو ممتاز و لكن خل في بالك انه ما يمسك سعره عند البيع


up 1 down 0
ameen ghanoum 163
قبل 6 سنه و 3 شهر



الباجيرو الأفضل من بين تلك الخيارات، وهو الأسوأ شكلآ، لكن موتر لك وللزمن.


up 1 down 0
أبو أحـــمد 2433
قبل 6 سنه و 3 شهر



مساكم الله بالخير،، شكرًا لكم جميعا كل شخص باسمه بارك الله فيكم جميعا وجزاكم الخير






up 1 down 0
ibh.x976 761
قبل 6 سنه و 3 شهر



شكرًا لكل من ساهم، الحمد لله وفقنا لشراء جيب فوكس وأجن طوارق ٢٠٠٩ ،، رغم حجمه المتوسط لكن الحمد لله مريح وسياره حلوه


up 0 down 0
ibh.x976 761
قبل 6 سنه و 3 شهر