استفسار بخصوص التورس صدام خلفي

وعليكم السلام .. سلامات و ان شاء الله اخر المصايب

فتحت العم قوقل اشوف كم سعر الصدام الخلفي للتورس والله مابيعجبك سعره

لقيت سعر الصدام الخلفي وكالة ب 2000 ريال (الفين) لموديل 2013 وتقريبا نفس 2011 يعني قول يمكن من 1700 الى 1800 سعره

هذي المعلومة من النت لقيتها و تقدر تتاكد بنفسك  

و اغلب السيارات : الحساسات ماتجي مع الصدام ، يحسبونها بسعر اضافي 

الله يجزاك الخير ,. اتمنى يكون بهالسعر ..

ايضا ابي اعرف سعر الحساسات ان امكن

صلى ركعتين وادعي الله. عسى صاحب السيارة يسامحك 

الله يجزاك خير
وعسى الله يحنن قلبه
رفض وضليت بالتوقيف اسبوع
علما اني مو غلطان الي غلطان الي كان وراي لكن هرب وحطها العسكري علي 100 والرجال ما يبي يتنازل ويهدد بالمحكمه ومكبرها

عموما تكفون الي يعرف اذا الحساس يجي تابع لـ الصدام تكفون بلغوني عشان اريح عقلي من التفكير ..

لا مايجي معه لكن عندك صور للصدمة ؟ ممكن الحساسات انفصل منها شيء الا اذا كانت قوية 
خذ تسعيرة القطع من الوكالة ورح التشليح ان لقيت نفس اللون وشف اسعار الحساسات

الله واكبر خله يهدد بالمحكة لا تدفع له شيء قوله روح المحكمة قدامك
طالما اللي صدمك هرب وهو متسبب بالحادث انت شو ذنبك
والمفروض العسكري ما يحط الغلط عليك يحطه على اللي صدمك من الاساس
يعني انت سيارتك اللحين متضررة من الامام والخلف
بعدين بأي حق يطلب تصليح وكالة وسيارته لها 4 سنوات تكد بالشارع
ماله حق يطلب اصلاح وكالة الا بالسنة الاولى من شراء السياره من الوكالة فقط
غير كذا تصليح ورش 

كلام الاخ ابتسم عقلاني جداااا

وش ذنبك اذا انصدمت من ورا ولحقت اللي قدامك روح للمحكمه وانت اشتكي وخلهم يجيبون الهـارب المتسبب الرئيسي بالحادث

حتى لو الخطأ عليك وانت صادمه مافيه طرف ثالث ماله حق سيارته موديل 2011 ويطلب تصليح وكالة

طيب انا محافظ على سيارتي من شريتها من حقي اطلب تصليح وكالة مافيه نظام يقول سنة ولاسنتين  لكن التأمين مايقبلون الوكالة فصار قطع وكالة وتصليح ورش

لا مو من حقك تطلب تصليح وكالة
تبي تصليح وكالة سوي تأمين شامل واطلب تصليح وكالة اما يصدمك واحد بالشارع وسيارتك قديمه وتطلب 
تصليح وكالة مو من حقك

حلوه ذي سيارتي وماشي صح والغلط على الي صادمني وتقول امن شامل واخسر !
انت الغلطان انت الي تتحمل تصليحها مثل ما ابي 

والله هذا نظام الدولة روح تكلم معهم لا تجيني كأني انا اللي حطيت النظام
انا علمتك بنظام الدولة كيف وانت حر تبي تعرتض عليه قدامك المحاكم

الله يعينك اكيد قصمنجي اللي صادمك 
مايتنازل لو ريال مايخفض لك 

لا والله من جيزان

عسى الله يهديه والله قلت له العوض عند الله

يقول لا العوض ابيه انا عندي قرض وابي اسدد

تكفون ريحو قلبي يعني اذا سيارته 2011 ما يحق له يطلب كل شي وكاله ؟ بس القطع ؟


والله انا مو خايف على نفسي خايف على الضابط الي كفلني مابي اسود وجهه