أضف سؤال أو موضوع جديد          

شي عجيب ومحير بالماركيز . بس ع اهل الخبره اعتقد مافيه مستحيل

up 3 down 0
saad sfm 21
قبل 6 سنه و 11 شهر



ازعجتكم بسيارتي بس تحملوني 

السالفه ومافيها ان سيارتي لما اعبيها فل بعد ما يفضى التانكي يكون ع الربع بعده تولع لمبة المكينة 
ويطيح عزم السياره وقومتها تفقع القلب ولما ينزل حول النص وتحت ترجع طبيعي 
شي محير من جد وع هذا الحال لحد ما تاكدت انه مع الفل بس 
ايش تتوقعون ياالربع ؟ طبعا ماركيز 2009 فل كامل 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يسهل امورنا وامورك وتنحل مشكلة موترك


up 0 down 0
حسن الحدري -38
قبل 6 سنه و 11 شهر



أول شي جرب تغير البنزين تضبط مع بعض الناس وتحل مشكله تكتيم السيارة
ما نفع جرب منظف البخاخات ستوب اللي ينحط بالتانكي كانت عندي مشكله اختلاف بالعزم لما يتعبى التانكي وراحت معها
اخر العلاج سوي تصفيه للماركيز
غير البواجي شيك على اسلاك الكويل وغير فلاتر الهوا والبنزين ان شاء الله تروح


up 0 down 0
als7aimy 1176
قبل 6 سنه و 11 شهر



ممكن طرنبه البنزين جرب تغيرها 


up 2 down 0
ستاير ساهر 4
قبل 6 سنه و 11 شهر



الله يعطيكم العافيه جميعا 
النزين 95 احمر 
نظفت بخاخ وبوابه الهواء وغيرت بواجي وصفاية بنزين 
يعني سويت تصفيه كامل ماكملت شهر 
موضوع الطربمه ماخطر ع بالي بس الي اعرفه انها يطلع لها صوت لما يكون فيها شي 
ننتظر ونشوف خبرات باقي الاخوان ربما نلاقي الحل 


up 0 down 0
saad sfm 21
قبل 6 سنه و 11 شهر



افحص ضغط طرمبه البنزين


up 0 down 0
x500 777
قبل 6 سنه و 11 شهر



كيف افحصها وين هل لها جهاز فحص ؟


up 0 down 0
saad sfm 21
قبل 6 سنه و 11 شهر



مشكلتك ان ضغط الطرمبة ضعيف اخى - غيرها وكل مشاكلك تنحل ان شاء الله


up 0 down 0
raouf1 335
قبل 6 سنه و 11 شهر



قبل لا تسوي اي شي وتغير كل الي في سيارتك افحص كمبيوتر  وتعرف وش مشكلتك بالضبط رح لهم وانت مفلل علشان تطلع المشكله عندهم


up 0 down 0
mrx15 237
قبل 6 سنه و 11 شهر



تصدق نفس المشكلة !! بس كنت اسلك لنفسي اقول وزن البنزين هههههه
انا مو مره تروح القومة لكن فرق كبير ملحوظ .. تحت النص من لمسه تفز
وهي فل ثقيييله..
.. بس ما اتوقع من الطرمبة صراحه 


up 0 down 0
الباحث1 135
قبل 6 سنه و 11 شهر



هذي العوامه سلمك الله احيانا مايرتفع العداد او يرتفع ويطيح بس ابيك تجري افصل بطاريه السياره خمس دقائق وارجع اشبكها وشوف وان شاء الله تزبط معك 


up 0 down 0
forrest
قبل 6 سنه و 11 شهر



طيب وديها لفحص الكمبيوتر واللمبة شغالة عشان يطلعلك الخراب 
الصراحة مشكلة غريبه معي ماركيز 2010 وما شاء الله زي الحلاوة


up 0 down 0
ابوخلوودي1 5070
قبل 6 سنه و 11 شهر



لاتصلح شي وانت منت متاكد وتخسر عالفاضي 

فحص كمبيوتر بميه وتعرف وش الخراب وتصلحه 

لانك بتصلح حاجة ويظهر بعد التصليح ان المشكلة ما انحلت


up 0 down 0
anm6868 118
قبل 6 سنه و 11 شهر



فعلا الاخ الي يقول العوامه العداد بعد الفل مايرتفع ع طول يجلس يوم وبعدها يرتفع بالنسبة لفصل البطاريه كل ماصارت الحركه افصل وتطفى اللمبه بس الموتر باقي ثقيل ولا يضبط الا اذا نزل النزين تحت النص 
لكن مالها الا فحص اذا ولعة اللمبه اخاف اغير واتعب واتفلسف ع الفاضي 


up 0 down 0
saad sfm 21
قبل 6 سنه و 11 شهر



اخوي العوامه بعد يوم ترتفع عندك العاومه خربانه مع ان في الغالب تخرب العوامه 

و بالنسبة ان السيارة تثقل عندك طرمبة البنزين او الجهاز المربع اللي تحت التانكي ممكن اذا فللت يصير ضغط على العموم انت افحص كمبيوتر  وقت المشكلة و خذ الكود من الفني و اكتبه هنا راح نطلع المشكلة على طول 

و فيه طريقة لو تجربها اذا فللت خل التانكي مفتوح الغطاء البلاستيك و الغطاء الحديد كلهم افتحهم و امسك خطك و شوف اذا كتم الموتر معناته ماهي مشكلة ضغط بالتانكي واذا لا مما كتم معناته مشكلتك بالحساس اللي تحت الشنطة 

انتظرك


up 0 down 0
عبدالله الأمير 125
قبل 6 سنه و 11 شهر



هي تصدق امس صارت لي انا العاده والله مااخلي العداد ينزل الين الربع انا خليته الين مابقي بالبنزين الا حق 28 كيلو بس وعبيت توي 

امس ولعت لمبة المكينه مدري ليش بس ماحسيت بتكتيم ولا شيء بس اللمبه ولعت وماادري وش السبب وانا يوم اعبي بنزين يتاخر العداد في الطلوع 


بالله اذا حليت المشكلة كلمني 


up 0 down 0
do8sh 208
قبل 6 سنه و 11 شهر



اذا بنعبي بنزين طف السياره وانتظر لين العامل يقفل غطى التانكي وبعدها دق سلف وشغل ويرتفع الأمبير ع طول 

الجهاز المربع اللي تحت التانكي هذاك شغلته يحفظ ريحه البنزين لو تعطل بتشم ريحه البنزين داخل عندك


up 0 down 0
088mansour 799
قبل 6 سنه و 11 شهر



اشكركم جميعا ع ردوكم 
انا من عادتي اطفي السياره اثناء تعبيت البنزين واخليه يعبي ع اقل درجه ولا اشغل الا بعد ما احاسبه بس ما يرتفع الا بعد فتره 
بأذن الله راخلي البنزين لحد مايقرب ع الربع وبعبي اذا صار نفس الشي ولعة اللمبه راح افحص كمبيوتر واعطيكم النتيجه واجيب رقم الكود واعرضه هنا لحل المشكله 
الغريب انه تكرر مع كذا واحد معناته مشكله شائعه ماهي غريبه بأذن الله نلاقي الحل 


up 0 down 0
saad sfm 21
قبل 6 سنه و 11 شهر



اخواني مشكلتكم حلها عندي ان شاء الله 

المشكله كامنه في حساس مستوى الوقووود ((العوامه)) وموقعها في التانكي شغله كلها تكلف خمسميه مع شغل اليد

وهذا رقم الكود  PO463 

بالله علمنا وش يصير 


up 0 down 0
منخشق 674
قبل 6 سنه و 11 شهر



وترى المشكله كهربائيه لو فحصتها كمبيوتر يطلع لك الكوود


up 0 down 0
منخشق 674
قبل 6 سنه و 11 شهر



اذا جيت تعبي فل
اول ماتسمع طقة مسدس التعبية قله خلاص لا تزيد ، وعطه ريال زيادة اذا احتاج الامر

جرب ورد مني


up 0 down 0
فورد530 1323
قبل 6 سنه و 11 شهر