كم يسوى فورد جراند ماركيز 2008 ؟

اتوقع من 17 الى 22 والله اعلم

فوق ال 30

وراكم علي ترو منيب شريطي لكن هاذي اسعارها لون اسود وداخلية سوداء

 انصحك تصرف النظر عنه ممشاه واجد وايضاً اللون المرغوب في الماركيز هو السمني ومن داخل هلوز
الا اذا عاجبك لونه ف براحتك

معروض علي بسعر 30500 ريال 
و انا سالت عشان لون الداخلية سودا واخاف لو فكرت ابيع ينشب 

نصيحه اللون الاسود جميل بالبدايه لما تشتريه لانه اكيد مغسل وملمع بس بعد فتره من الاستخدام بتطفش منه 
يبغاله غسيل كل يومين واي خدش لو بسيط يوضح .. كمان الداخليه اسود والله بينشب بالبيع 
نصيحه اتركه مافيه شي يشجع لا لون ولا مشي ولا داخليه ومكان البويه مبهته  ..بتلاقي سمني ومشي اقل وداخليه بيج حول السعر هذا ونظيف 

والله بتتعب ممشاه كثير وداخليته سودا مي مرغوبه ابد ابد ابد واللون الاسود بيتعبك لازم تغسل كل شوي ولا هو مرغوب 

اتركه وخذ لك لون تمام وداخليه تمام 

نسيت تذكر اهم نقطه ممشاه بالكيلو ولا بالميل
اذا بالميل لا تقربه
واذا بالكيلو حاول معاه ينقص لك من سعره

و الله شف أخوي إذا بغيت تشتري سيارة لا تناظر بالموديل نصيحة مجرب ناظر بنظافة السيارة و كذلك لونها يكون مرغوب و الداخلية يكون لونها مرغوب 

لإنك لو فكرت تبيع راح تبلش بمعنى خذ لك قراند ماركيز ls فل كامل يكون لونه أزرق حبري أو ذهبي ( سمني ) أو أبيض و الداخلية شرط تكون هلوز ( بيج )

أول شيء بتمتع بجمالية السيارة  وثاني شيء لو احتجت تبيع بيناع لإنه لونه نظرة و كذلك داخليته نظرة و أكيد لازم يكون نظيف 

و نصيحة خذ لك فورد سعودي لإنه هو المرغوب وقت البيع 

شف لو تأخذ قراند ماركيز 2006 فل كامل و لونه سمني و داخليته هلوز و نظيف ما يكون فيه رشوش ولا تأخذ 2008 فيها رشوش و أمريكي الاستخدام 

أسمع الكلام ياخوك واترك عن العجلة 

تحياتي لك