هل تشغيل المكيف على طول بعد تشغيل السياره يضر

تعطي المكينه ضغط  اكبر ماهي عليه يعني الافضل ان مكينه وهي شغاله تكون هاديه بتدريج على ماتحتمي  مثلن لو شغلتها وهي بارده كانك تدعس بنزين وهي بارده وهذا خطاء 

 لكن اذا الجو  حار الحراره شديده مافيها اي مشكله لو تنتظر دقيقتين وتشغله 

مشكور اخوي سكودر  ماقصرت

كان عندي جمس ٢٠٠٢، قعد عندي ١٢ سنه و مشيت عليه ٣٢٠ ألف و بعته ولا فيه أنظف من مكينته
دائماً أو ٨٠٪ من الأوقات أشغل السياره و المكيف على وضع التشغيل ولا حصل إلا كل خير.
أصلا المكيف ياخذ كم ثانيه ثم يبدأ يحمل على المكينه. 
الآن عندي ٣ سيارات كلهم المكيف دائماً على وضع التشغيل و إنشاء الله ما هنا إلا كل خير.

أعتقد إن هناك الكثير من التصرفات الخاطئة التي من الأجدر أن نتجنبها أكثر من الأمر هذا.

ابو عادل كيف ما ياثر وبعدين مافيه سياره يوم تشتغل يشتغل المكيف 
الا اذا انت مخلي المكيف شغال ومطفي السياره

لا ماياثر وخاصه ان السيارات الجديده بذات اول ماترجع اصابع البطاريه ترجع الى ضبط المصنع واول ماتشغل السياره يشتغل المكيف 

والبعض يجييييييييييك على طول يفتح موضوع جديد ويقول عندي مشكله في السياره هههههههههههههههههه 

اعرف ناس عندهم جموس جديده ومايشغلها بريموت لييييييييييييييييييه !!!!!!!!!! 

يقول الوكاله مبرمجه المكيف يشتغل مع السياره عشان تخرب وارجع اصلحها عندهم << مسوي ذكي الاخ 

سيارتي سوتش المكيف ع رقم ٢ من زمااان اطفي السيارة اشغلها 
المفتاح ع وضعة جديد مايستخدم ههههههه

بس عند تشغيلها فالصباح فقططط اطفية لانه يزعجني برد ،باقي اليوم شغال 
ممكن ياثر ويضعف بالمناطق الباردة واوقات البرد باداء المكينة مع كل تشتغيل وقت التجهيز المكينة
هي تحمي نفسها والكمبروسر يزيد عليها ضغط وياخذ من جهدها بهذي الحظات
وانت اصلا مو بحاجة المكيف حتى المكيف الحار مراح تشتغل الدفاية بعملها الا ...اذا احتر ماء اللرديتر


لمناطق الحارة اتوقع التاثير اخف ع المدى البعيد

واهم نقطة بسيارات الحديثة الكمبروسر يشتغل بعد ماتطفي اللمبات التحذيرية
عند كل تشغيل ،عشان مايتاثر بكهربة المتقطعة وقت التشغيل 
مثل ماكان بالسيارات الجيل الي قبل كان ينحرق الكمبروسر لوصولة بكهربة السلف

فيه ميزة في السيارات الي فيها تشغيل عن بعد
يشتغل المكيف تلقائيا اذا شغلتها بالريموت

مفيدة في الصيف قبل تركب خصوصا لاصار الموتر جلد

لو ان فيها ضرر ما خلو لك هالميزة 

انا اطق المكيف على طول اول ما اشغل في كل السيارات الي جت معي 
سواء ياباني ولا امريكي 

يا رجل انا التحمية زي ما تسمونها ما احمي تبيني انتظر وانعفس ولا اشغل المكيف ؟

شغله ان احتجته ولا بيصير شي 

اول ماتشغل السيارة بيكون ضغط المكينة على 1.5 بالكثير ... يعني عادي جدا تشغل المكيف على هذا المعدل
بس البعض الله يهديه يحب يتفلسف على الفاضي اهم شيء يتفلسف
لو هذا الشيء يأثر لوجدت التحذير مكتوب في الكاتالوج

شغل ابوه ولا اجلس داخل الموتر تقال ضب 

عاد المشكله سيارتي مرسيدس 2013جلد
قصدي فورد