أضف سؤال أو موضوع جديد          

حل صوت طقطقة مكينة اكسبدشن

up 16 down 0
اببوسليمان 1827
قبل 3 سنه و 12 شهر



السلام عليكم ورحمة الله 
اسعد الله اوقاتكم جميعا بالخير والسرور
موتري اكسبدشن 2009 توكيلات ومالك اول 
بالنسبه للصوت المزعج اللي يطلع بداية قومة الموتر عند اشارة مثلا او مطب او اثناء التدوير ..... 
معاناة استمرت معي 3 سنوات واكثر 
وكل الورش والوكالات اللي مريتهم للاسف مالقيت غير نصابين وحراميه نمره واستماره 
وتختلف درجات النصب بينهم من واحد يقولك توظيب ( بتكلفه تقريبا 13 الف ريال ) الا اقل واحد مريته يقول فك صدر المكينه والكرنك ( يعني نص توظيب تقريبا ) 
لكن اول خطوة بديتها انا بنفسي وانصح بها جميع الاخوه :
البداية تكون السياره في وضع التشغيل ويكون فيه شخص ثاني معاك 
نفتح الكبوت ونوقف عند الرفرف الايمن او الايسر لان الصوت على حسب ممكن يطلع من جهه وحده او من الجهتين
الحبيب اللي راكب الموتر يدوس على الفرامل برجله اليسار (( الى نهاية العملية )) ويفك البريك 
ويعشق على d ويدوس بنزين دوسه خفيفه تصل الى ثانيتين او ثلاث ويرفع رجله ويكرر العمليه
كم مره الين نتاكد من مصدر الصوت .
اذا حددنا الجهة اللي يطلع منها الصوت اليمين مثلا :
نحط القير على n والموتر شغال ونفصل فيش (( حساس التيمن )) طبعا كل جهه لها حساس .
بعد مانفصل الفيش نرجع القير على d ونكرر العمليه .
اذا اختفى الصوت معناته وصلت للحل .. روح لاقرب وكيل واطلب منه حساس تيمن او سنسر الكام قيمته 195 ريال وكاله 
روح لواحد شغله نظيف وخليه يركبه 
يفك راس المكينه للجهه العطلانه ويطلع القديم ويركب الجديد ومايحتاج تاخذ اي طلبات ثانيه غير الحساس
ملاحظه ::::::::::: اي واحد يقول لك غير الكلام هذا بيكون يا حرامي او ماهو واثق من شغله 
خصوصا اذا قالك جيب القطعه هذي وهذي وهذي عشان شغل يجي ميه ميه ..
ودعواتكم. منقول








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يجزاك خير يارب 


up 0 down 0
... غالي الأثمان ... 146
قبل 3 سنه و 12 شهر



بارك الله فيك هذي معلومه طيبه لاصحاب الاكسبدشن


up 0 down 0
حسن الحدري -38
قبل 3 سنه و 12 شهر



تسلم والله يعطيك العافية .. كان نزلت صور لحساس التيمن" الكام
 للتوضيح اكثر



up 1 down 0
aziz..747.. 2415
قبل 3 سنه و 12 شهر



بالمناسبة وش هي ، وكم الحساسات الي المفروض تتغير او عالاقل تتنظف

 وتكون من الصيانة للحصول ع افضل اداء للمكينة 

مالقت موضوع يتكلم عنها بشكل مختصر ومبسط ..ّ.


up 1 down 0
aziz..747.. 2415
قبل 3 سنه و 12 شهر



اعتذر للجميع عن التاخير 
على كل حال حبيت اضيف معلومه لاصحاب الاكسبدشن اللي ماودهم يسمعون هالصوت 

لان الصوت يطلع اعلى حسب استخدامك للموتر من حيث نوع الزيت والمسافه المقطوعه 

بحيث انه يجب تغيير الزيت كل 5000 كيلو مع السيفون ويكون نوع الزيت مثل ماهو مكتوب على

غطاء فتحة الزيت 
والحذر من انواع الزيت الاخرى وخصوصا اللي يقولون انها تمشي 10000 كيلو 
وبالتوفيق للجميع


up 3 down 0
اببوسليمان 1827
قبل 3 سنه و 12 شهر



جزاك الله خير يابو سليمان هذي المواضيع السنعه
وتستاهل اللايك بجدارة


up 0 down 0
ابوخلوودي1 5038
قبل 3 سنه و 12 شهر



بارك الله فيك 
بس لو تعطينا رابط للصوت القديم او شبيه له اكون شاكر لك


up 1 down 0
hemi_392 332
قبل 3 سنه و 12 شهر



ما يبين حساس هذا بالفحص كمبيوتر؟


up 1 down 0
x500 775
قبل 3 سنه و 12 شهر



هذا ان دل يدل على ردأت الفورد بشكل عام ماقد سمعنها في يوكن ولا تاهو و سكويا الطقطقة هذي في الموديلات الجديدة


up 1 down 2
m-baz 337
قبل 3 سنه و 12 شهر



جزاك الله خيرا وبارك فيك


up 0 down 0
saqr111 35
قبل 3 سنه و 12 شهر



السلام عليكم
جزاك الله خير سيارتي اكسبدشن 20808 ونفس مشكلتك بالظبط
رحت لورشه وقال جب الحساسات الثنين وترسين علشان اظبط الشغله
وصراحه ورشه معروفه بالخرج البلقا باشراف صاحبها سعودي
ولاكن يقول الشغل ب 1200 ريال احس انه واجد
هل اقدر اشتغلها بيدي لي خلفيه في الميكانيكا
او كم تكلفتها تقريبا
ملاحظه سويت نفس طريقتك في فصل الحساس ولاكن اي واحد افصل الفيش يروح الصوت
سواء يمين ولا يسار 
ياليت تساعدني في التوجيه الصحيح ولك جزيل الشكر والتقدر
الله يبارك فيك وفي امثالك


up 0 down 0
asd02 100
قبل 3 سنه و 7 شهر



مديل 
السياره
2008
دبل


up 0 down 0
asd02 100
قبل 3 سنه و 7 شهر



وبن انت متواجد. علشان احاول اصلحه لك  يعني بساعدك او 

  تطبق  نفس طريقتي لان فيه خطاء ماسويته


up 1 down 0
اببوسليمان 1827
قبل 3 سنه و 7 شهر



انا متواجد بالخرج
وياليت اقدر اتواصل معك عن طريق التلفون او اي تواصل
وانا شفت مقاطع يوتيوب يفكونه بدون فك غطاء المحرك يوجد
جلده محيطه بالحساس بس تختلف عن سياراتنا لها شفه زايده
وللك جزيل الشكر والتقدير


up 0 down 0
asd02 100
قبل 3 سنه و 7 شهر



شكرا على المجهود يا الغالى ابو سليمان .عندى مشكلة ممكن تساعدني هناك صوت طقطقة خفيفة يوم تشغيل المكينة من اليفتر اؤ الوالات
السيارة تمت جميع الصيانة فى الوكالة فى حاليا مشى قريب 150 الف كيلو و الموديل 2012 , ولك جزيل الشكر و التقدير 




up 0 down 0
forddubai -1
قبل 2 سنه و 6 شهر



ياشباب بامكانكم استبدال الحساس المذكور اعلاه بدون فك غطاء المكينه فقط فك الربله المحيطه به وتفك المسمار من الداخل بمفك سداسي طويل نوعا م
عشان يدخل لداخل الراس واللي يستخدم حبه ينتبه لاتطيح داخل الراس راح تظطر الي فك الغطاء

على كل حال الحساس هذا وضيفته تمرير الزيت لكامل العمود واذا كان فيه اهمال بتغيير الزيت راح يتعطل الحساس بعد فتره


up 0 down 0
ابو بندر 600
قبل 2 سنه و 5 شهر



الله يجزاك خير يابو سلمان
وكل عام وانت بخير


up 0 down 0
بوحمد4445 76
قبل 2 سنه و 5 شهر



ابو سليمان


ممكن رقم جوال ولا عليكم امر حاب استفسر منك بعض الشغلات تخص هالموضوع


up 0 down 0
بوتركيb52 3
قبل 2 سنه و 3 شهر