لاهل الخبره ارتفاع حرارة الماركيز فجأه وخروج الماء والزيت .
0
1
إضغط هنا للإخفاء
السلام عليكم ورحمة الله
كيفكم جميع
انا مالي خبره بالفورد ولا لي تجربه سابقه
نطلب العون من الله ثم من اهل الخبره
نوع السياره ماركيز 97
بدايت القصه وانا متجه من تبوك الى جده عن طريق الساحل
قبل جده بحوالي 200 كيلو وقفت على جمب والحراره طبيعيه 4 شرطات
اول ماوقفت السياره نزلت لقيت موية القربه كلها بالارض
نازله من الخرطوش الموصل بالقربه من تحت
فتحت الكبوت لقيت الدنيا تغلي وحرارة السياره ارتفعت زياده خليتها ترتاح
وعبيت مويه والحراره جات طبيعيه ومشيت
البارحه وانا طالع من جده وبعد ماتعديت جده 200 كيلو
ارتفعت الحراره 5 شرطات وهديت ورجعت 4
وفجأه طلعت 6 شرطات وقفت على طول الا الكبوت دخنه
لما فتحته لقيت الخرطوش الي يوصل لرديتر منشق ونازل الماء كلها
خليت السياره تهدا ورحت مع واحد جزاه الله خير وجبنا خرطوش ونشغل السياره ويالله اشتغلت
كانت البطاريه طايحه
عبينا مويه وماتمسك المويه تغلي غلي
شيكت على اسفل السياره لقيت الزيت نازل
شيكت على زيت المكينه لقيت فيها زيت ماطلع كل الزيت
الشكمام طلع منه شويه مويه رش خفيف لما حاولت اشغلها بعد تركيب الخرطوش
ودخان ابيض وطفيتها وقلت مالي الا سطحه
السياره حاليا بصناعية جدة
قال اذا راس المكينة بتكلف 2200 ريال
واذا المكينه التوضيب بحدود 5 الاف
ابي استفسر منكم اذا المكينه جاها شي ولا راس المكينه
وماهو سبب خروج الماء فجأه
والمعذره على الاطاله لقلت الخبره مع الامريكي
والله يبعد عنكم كل مكروه
وجزاكم الله خير
إبلاغ
الردود
ما احد تكلم لي عن سبب ارتفاع الحراره فجأه مع انها المره الثانية
وهل تكلفة الاصلاح مناسب
0
0
وتعتمد على الكشف أو معلومات راعي السيارة ما احد يقدريحدد بدون مايشوف بنفسه!
1-يمكن الخرطوش نفسه منتهي من أول واذا مشت السيارة ينطوي ويحبس الموية لأنه يصير
ليّن والموية الحارة تخليه ينطوي(وارجح هذا لانك تقول انه انشق)
2-يمكن الرديتر مسدود وماتلف الموية بشكل كافي
3- يمكن الرأس منتهي ويحتاج لمخرطة ومع الخط بيّن الخراب
4-يمكن زيتها ناقص من أول وانت ما انتبهت له؟
وتهريب الزيت من وين بالضبط؟ من جهة الجيربوكس؟ ولا جهة الكارتير؟
عموما يا غالي
أقول لك الحمدلله على سلامتك وفي الحديد ولا فيك والي صار صار..
ثانيا ياخي انت في جدة رح لبريمان وشوف كم اسعار المكاين!
طبعا اذا خالطة موية وزيت لا توظب وتتعب نفسك رح شوف لك مكينة جديدة
طالما واصل لل 5000 آلاف خلاص مكينة جديدة افضل.
وبالنسبة لتكلفة الاصلاح تعتمد على الخراب؟ اذا الراس يحتاج خرط يختلف عن اذا يحتاج راس جديد..
وهنا بعض نصائح سريعة للفايدة
اذا جيت تسافر وتمسك خط
1- افحص عضلات السيارة (ودها ميزان)
2-شيك على زيوتها والامور الميكانيكية والكهربائية
3-شوف الكفرات وخلي معك جركل موية في الشنطة وكشاف وشوية عدة مفاتيح..
لأنه سبحان الله ماتدري وش يصير
2
0
طلعت المشكله من رأس المكينة
الحين انا محتار اخليه يخرطها ولا اخذ مكينة جديدة
مع العلم ان المكينة اول نضيفه
لان سمعت ان المكينة ماتطول وماترجع مثل اول
0
0
خله يرخطه وركبه طالما مكينتك سليمة وان شاء الله بيضبط معاك وراح تنساه
بشرط انك لو لا قدر الله شفت حرارة بالسيارة ماتحركها وقفها!!
و ماتعبي موية رديتر تجارية أو موية عادية!
لا انتبه عبي موية رديتر أصلية يجي لونها أحمرتلقاها في وكالتها أو محلات بيع القطع
قول له ابي موية رديتر فورد اصلي(سعرها من 40 الى 60 ريال بالكثير) وعبي معها موية مقطرة تلقاها عند البنشري العلبة بريالين
خذ 6 علب موية مقطرة وجالون موية حمرا وبعد مايركب الراس صب لها وان شاء الله ماتفكه مرة ثانية..(حتى لو بعد مدة نقصت موية الرديتر لاتزيها إلا موية مقطرة)
لكن مشكلة الزيت الي مهرب؟ ماشفته من وين؟
اتأكد قبل تخرط الراس..اذا فيه شغلات ثانية غير الخرط والتكلفة بتقرب من سعر المكينة الجديدة
لا تتعب نفسك بيع هذه للتشليح وطق لك وحدة كرررررررت
1
0
اذا الخراب بس في الراس ومافي شيء ثانية ترى التكلفة كثيييييير الي انت ذاكرها
الخرط مع تركيب "قمصان"+شغل اليد مايعدي 1500 بالكثير انتبه يضحك عليك
خخخخخخخخخخخخخ
بالتوفيق
0
1
كان معي ماركيز 97 جلس معي 4 سنوات كل سنه رديتر جديد واخر شي نفس اللي حصل معك خبطة المكينه
وعلى طول ركبت مكينه من شبك المطار ومرنتها 2000 كيلو وعلى الحراج
مع اني اعشق هذي السياره واتمناها لكن خلاص يافورد من حبكم عزلنا ماعاد لي في هواكم شف او رادة .:*_*:.
1
0
والميكانيكي يقول المكاين على ٧ الاف
وايش رايكم بالمكاين المجدده
قال ممكن تتوضب ب ٤ الاف
شوركم
0
0
0
0
لون الزيت تغير والماء تغير لونه وهذا دليل على ان المكينه ماتوظبة
وشريتها 4500 ريال مع التركيب اسم المحل ميامي اذا ماني غلطان شارع السبعين بجده
0
0
و هذا يقولك المكينة ب 7000 عشان يخليك توضب عنده
و يستفيد هو
كل هالامور خابزينها و عاجنينها
0
0
0
0
0
0
لان الاسباب كثيرة
ممكن الخرطوش انشق
ممكن البلف قفل
ممكن وانت ماشي كيس مثلا جاء على وجه السياره ولا دريت عنه وكتم السياره وارتفعت الحراره
لها اسباب كثيرة ما احد يفيدك مهما كان خبرته عن طريق شرح بالكلام لازم من الكشف المباشر على السياره
قبل 9 سنه و 11 شهر