الحل مع نورالاكسبيدشن

هل هو مثل باقي السيارات

تقدر ترفعه وتنزله من أحد الأزرار عندك بالطبلون

إذا مافيه

كل نور له مسمار يوزنه يرفع وينزل

صح تقدر ترفعه وتنزله سواء من عندك مو داخل السياره او من الشمعات من برا .. وبرضو عندك طريقة انك تركب عدسات عند واحد فنان يجيك النور فارش ع الخط 
فيه قناة يوتيوب المحترف لترهيم العدسات تفرج وشوف اللي اقصده

الفور وما ادراك ما الفورد و انواره الضعيفه
ركب عدسات ترهيم 
او بتحصل نور جاهز بعدسات عند محﻻت الغرابي 

تبي حل بس مكلف شوي لكن تطلع بنتيجه جباااره

عدسات fxr الجيل الثالث 3 انش
لمبات فيلبس بلس 4300 كلفن 
محولات دينسو الجيل الثاني الأصلي

ودور لك واحد فنان يضبطها لك مثل المحترف محمد الغامدي ف الباحه شوف له قناه ف اليوتيوب

والتركيب انت حر تبي ترهم العدسات على شمعات الوكاله أو تشتري شمعات تجاريه وترهم عليها العدسات 

وبالتوفيق

الحل لجميع سيارات فورد عدسات وانا من الناس اللي ماخليت طريقة الا طبقتها وبعد العدسات الحمدلله ...بس ابعد عن الصيني

انتو شكلكم ياشباب مافهمتو استفسار الرجال كويس 

اللي فهمته ان نوره الواطي العادي يوذي الناس بالطريق 

يعني الرجال فيه خير ويبي ينزل نوره علشان مايذي العالم 

انا من رايي انك تخليه على وزنية وكالته اذا النور اصفر العادي 

اما اذا زنون ومضايقك وخايف احد يدعي عليك 

نزله شوي تحت او ركب عدسات زي ماذكرو الشباب 

والله يوفقك وييسر امرك نادر مانحصل نااس مثلك 

يفكر بالغير 

موفق يالغالي 

اي والله دايم لمن يجي اكسبدشن قدامي عيوني تتفقع حتی لو نوره اصفر
بس اشوف ناس معهم عدسات بصراحه مره اوكي 
شكل + ما يعمي الناس 
موفق اخوي

جميع السيارات العائليه الكبيره نورها مؤذي 

اذا جا وراك  ماتصدق متى تنحاش عنه   واذا جا قدامك   سد الطريق عليك وماخلاك تشوف المسار

العدسات  هي الحل الفعال

الحمدلله انا كان معي فورد وكنت  ما اسوقه في الليل  لهالسبب  والان ولله الحمد ربي اكرمني بسياره  فيها عدسات وفيها زينون شد بلد من الوكاله  

الاخ الفراعنه وش تقصد بالعدسات؟ هل هي اللي يجي فيها زنون او اللي بدون زنون ؟ ووين نلاقيها لو تكرمت

الاكسبدشن نوره كذا الواطي مرتفع شوي 
و العالي مامنه فايدة مرتفع مرة 
لذلك موتر مافيه إلا العافية 
مايحتاج تلعب فيه