اصحاب الخبرة الفورد

الفورد ما احد يخلتف على صبره وكرفه وقطعه المتوفره وتوسط سعرها
لكن المهم انك تدور نظيف لأن الفورد وخاصة الموديلات القديمه مهلوكه مكروفه
واذا اخذت فورد نظافته ماش انفضها وركز على الاشياء المهمه ماراح تكلف كثير وترتاح من الورش
بالتوفيق

الموديل هذا قطعه رخيصه ومتوفره بكثره


لكن انصحك بالنظيف النظيف النظيف 

و تراه يتحمل الكد و المد

اذا الله وفقك بالنظيف 
تنسى شي اسمه صناعيه

شوف يالغالي الفورد سياره عمليه من الطراز الاول والي محليه اكثر قطع غياره رخيص جدا انا كان معي واحد 98 غيرت فحمات اصليه له مشتني سنه كامله ويوم غيرتها باقي فيها نص عمر بس يعيبه حجمه كبير شوي ويتهربد مع المطبات ولا السياره ماعليها كلام حتى لو انه مو نظيف حيل جدد له ارضيه كامله وكده

انا معاي 98 الحين 
نظيف اخاف مكينة تخرب ويقولو انه تخرب بسرعه 8 سلندر صحيح ذا الكلام ؟

وعليكم السلام ورحمة الله

مع احترامي للي قايل لك المعلومه مايعرف شيء في السيارات 

الفورد من اكثر السيارات في العالم إعتمادية وتحمل كيف يقول تخرب ؟؟؟

اذا الموتر نظيف ماعليه خلاف واضب على صيانته بشكل دوري مثل الجوزات والرديتر حاول تشيك عليه كل فتره وفتره خصوصا بالصيف والخراطيش حقت الرديتر بعد شيك عليها 

زيت المكينه لا يتعدا 3000 بحكم ان الموتر قديم لا تخليه يمشي اكثر عشان تحافظ على اداء المكينه وما تضعف 

الكهرب لا تتعبث فيه خله على وكالته وماعليه خلاف 

محدثك صاحب فورد 

يديك العافية 
شكرا على معلومات كيفف اشيك على  العضلات ؟
طمنتني كثير كنت خايف انه مكينته تخرب
وكذا 
عيب سيارة الي شريتها بودي مبهت من الشمس

بالنسبة للتشييك على العضلات ودها محلات الميزان الكويسة اللي تحس شغلهم ثقه وخله يسوي تشيك على العضلات من تحت 

اذا لك خبره في السيارات تقدر بنفسك تنزل تحت السياره وتعرف اذا السيارات تحتاج صيانه او لا 

اذا بودي وكاله ما جاها صدوم كويس مافيه مشكله اذا تيسرت امورك وحاب انك ترشه كامل ما يمنع بس صوره قبل عشان المشتري ما يشك لو جيت تبيعه 

بالنسبة للبنزين لا تعبي الا 95 وبتدعي لي 

91 ما ينفع للفورد ابد خصوصا هالموديلات

اما الموديلات الجديده لا اعلم عنها شيء 

وانا صاحب تاون كار سابقا والان ماركيز

عطوني لايك يامسلمين نقاطي بالسالب ليه كده بس كده بس @_@

ايش يفرق 95 عن 91 اخوي ؟؟

شوف الموديل هذا حديد ماهو مثل الجديدة منه كلها ألمونيوم
يعني مكدة
بس مو يعني هذا انك تعامله كأنه شاص!
لا كد عليه وخل ممشاك معتدل وانتبه لزيوته ومويته واذا احتاج شيء غيره
وان شاء الله ما يتعبك
بالنسبة للبنزين عبي احمر
الاخضر رخيص بس بسرعة يخلص هههههههههههههههههه
اوكتين 95 او 91 او السوبر 98 للسيارات الرياضية
تدري انت وش لك بطوالها؟
شوف هذا الفديو للاستاذ حسن كتبي يشرع الفروقات بينها
https://www.youtube.com/watch?v=4oqcNsOA9PQ
الله يوفقك ويرزقك

معي 2002 نفس 98

اعبيه 98 والحمد لله اموره في السليم وعزمه ممتاز

اهم شيء خذلك نظيف وراعه في الحفر والمطبات

على حسب استخدامي للفورد جربت بانزين
91 و 95   ومافييه اي اختلاف بينهم لابصرفية البانزين  
ولا بالعزم بس يمكن بالشتاء والسيارة باردة اول ماتشغلها تسمع اصووات لاصار البانززيين 91 واذا 95 ماتسمع شي 
وانت جرب بنفسك وتشوف ان كلاامي صحيح 

عن تجربة بسيارات فورد او ماركيز اخذته 89 وبعدها 97 وبعدها 98 وبعدها ولله الحمد 2010 ما عمري فكيت مكينة او قير او دفرنس ما عدا 98 جلد بلوف وما يعتبر فك مكينة سيارات عمري في حياتي كلها ما اعتمد علی سيارة في السفر غيرها ما شاء الله عمرها ما وقفتبي بخط سفر مع ان الناس كانوا يخوفوني الكترونيات وكمبيوتر وخرابات وطنشتهم واخذت برغبتي والاستخارة 
نصيحة اول ما تاخذه او اذا كان معك غير فلتر القير مع الزيت ولا تاخذ الا من الوكالة وزيت الدفرنس لا تغيره اذا ناقص زوده فقط فقط فقط 
وانفظ اللديتر من مويته وغير اصلي مع بلف الحرارة خذه من الوكالة 
وشيك عليه من تحت وخاصة الجوزات وغيرها باصلي 
واخيرا الموتر اللي تخدمه وتحافظ عليه يخدمك وما يطلبك 
موفق

ترا الفورد مايصلح حق كد اذا داخل المدينه لانه بيصرف بنزيل بس اذا تبيه

حق سفر وتوصيل مشاوير بعيده فهذا تخصص الفورد