اكسبلورر 2005 حرارة ونقص موية

مدام يحط موية ترجع الحراره يعني فيه تهريب اكيد وتهريب قوي
بعض التهريب لو طفيت السياره يتوقف لازم تكون شغاله
دورو بكل مكان حتى لو عند محل ميزان ترفعون السياره وتشوفون تحتاج من وين ينقط
وياليت توضح كل متى ينقص كل يوم او كل اسبوع او متى

يسلموا ابوعبدالعريز
كل يومين ثلاثة ينقص بمقدار كبير وترتفع الحرارة الآن في الدوام بس يخلص الساعة خمس ونص أخاف مايلحق الصناعية

ليش ما يلحق الصناعية 
الصناعية شغالين الى اذان العشاء وبعض المناطق شغالين لحد الساعه 9
لكن لو كان بالنهار افضل عشان يكون واضح التهريب قدامهم
مدام كل يومين ثلاثه يعني تهريب كبير 
كانت معي سياره كل يومين احط فيها قارورة ماء صحه كبيرة
طلع من الطبة اللي هي رأس الرديتر البلاستيك لكن لان قاعدة او جسر الكبوت كان فوقها
ما كانت ظاهرة الا بعد ما زادت وصرت اسمع صوت التنسيم
انت خويك عنده اللحين اتوقع يطلع على شكل رذاذ ما يمديه ينقط او يطلع بشكل واضح الا قد تبخر
عشان كذا يجلس 3 ايام

تسلم والله
دق على يقول فيه مويه من عند الاقزوست اليمين
والحين طبيعي

خليه يتاكد من الكوع الى مشبوك فيه امبير الحرارة
الكوع بلستك واحيانا يهرب ماء فوق المكينة ولايظهر التهريب بسبب تبخر الماء بفعل الحرارة.
واذا لم يوجد اى تهريب من اي مصدر يشيك على الزيت لتلافي ان يكون السبب مشكلة داخل المكينة