أضف سؤال أو موضوع جديد          

طريقة شد الهاند بريك ...

up 12 down 0
وسم 6wasm 1178
قبل 6 سنه و 12 شهر



بسم الله الرحمن الرحيم 

السلام عليكم ورحمة الله وبركاته 


موضوعي عن شد الهاند بريك ( الجلنط ) للفورد 

اغلبية مستخدمي الفورد اذا ارتخا البريك يشد من خلف الهوبات الخلفيه وهذي شغله طويله والطريقه الصحيحه كالتالي : 

من سلك البريك الخلفي قبل الكفر الايسر فيه مسمار وسسته وفيه مثبت للمسمار ( مرفق صور ) توضيحيه 
يتم سحب المثبت للاسفل عشان يتحرك معاك المسمار للامام والخلف بعد كذا اذا دفعت المسمار للخلف باتجاه الكفر الخلي كذا ترخي البريك واذا دفعته باتجاه الكفر الامامي للسياره كذا طريقة الشد يعني بدل ماتشد المسمار ترجعه ورا وبس .

طريقه سهله جدا وتقدر تسويها في خمس دقايق سويتها في سيارتي وياسلام صار الهاند بريك اقوى وافضل 
بس عندي مشكله ان السياره اذا كانت مدحدره لورا مره مايمسك بس للامام على طول يمسك وش المشكله .. 
انتظر ردودكم 

هذي الصور التوضيحيه اخذتها من موقع اجنبي 

وفي الاخير فورد تقريبا 92 عجبتني وقفته 

وفي الختام 

الله يوفقنا واياكم ...











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نسيت اقول لا تنسى ترجع مثبت المسمار للاعلى 
وان شاء الله اكون عرفت اشرح واوصل المعلومه لاني في الشرح 0 من 10


up 2 down 0
وسم 6wasm 1178
قبل 6 سنه و 12 شهر



مشكلتك يا ان فحمات الهاند بريك منتهيه من جهه وحده وباقي فيها عمر من جهه ثاني.… 

او تحتاج شد من عند فحمة الهاند بريك


up 1 down 0
asalami 2180
قبل 6 سنه و 12 شهر



وعليك السلام ورحمة الله وبركاته :)
أشكرك على الموضوع المميز واللي أول مرة أشوفه صراحة في الإنترنت العربي.

الطريقة ممتازة وأعتقد تصلح مع كل السيارات، نفسها بالضبط موجودة في اللومينا والكابريس.

الحقيقة الجلنط له 3 طرق للشد:

الأولى من يد أو دعسة الجلنط، تلاقي تحتها أو خلفها صامولة مركبة في عمود، اربطها لحد ما يمسك الجلنط.

الثانية إذا ما مسك بالطريقة الأولى، نجرب الطريقة اللي تفضلت بذكرها.

الثالثة هي من عند قماشات الجلنط داخل الهوبات الخلفية، وهي الطريقة الأخيرة والأكيدة واللي من خلالها تقدر تعرف القماشات ما زالت جيدة أو تحتاج تغيير.


up 1 down 0
وليد م ع الدخيِّل 490
قبل 6 سنه و 12 شهر



نفس الطريقه موجوده فكل السيارات… الشد الزايد خطير كذا الأقمشه تلامس الهوبات

وترجع نفس الحاله الأولى بسبب انتهاء الأقمشه… 


up 0 down 0
نوار الوذيناني 510
قبل 6 سنه و 12 شهر



مره تكيت عليه الين انقطع 


up 0 down 0
anm6868 118
قبل 6 سنه و 12 شهر



يا خوي عندي فورد الهاند بارك ما يقصل تماتيك ؟ اذ حطيتها على D ايش المشكلة 


up 0 down 0
mm707 -4
قبل 6 سنه و 3 شهر



هذا لي الهواء من الباكم الي اامكينه


up 0 down 0
الصامطي جده
قبل 2 سنه و 9 شهر



شد الباترول موديل ٨٤ يقولو من خلف القير بدايت العامود هل هذا صحيح


up 0 down 0
هتان الحربي 43
قبل سنه و 7 شهر