مشكلة في قير الفورد ؟؟

فالغالب توظيب قير 
طبعا زيت القير يتغير كل 40 الف 
انت كم ماشي على الزيت القديم ؟

متى اخر مرة غيرت الزيت والفلتر؟

شف اسحب معيار الزيت حق القير بوكس وشم الزيت فيه ريحة حرق كلتشات

اذا مافي ريحة او ريحة خفيفة غير زيت القير و الفلتر وخذ الزيت الخاص بسيارتك


واذا ريحته الخرق قوية في الغالب يحتاج توظيب او تغير الكلتشات

اخوي خذ العلم مني
فيه حساس جنب القير اسمه حساس الكف غيره وان شاء الله منه
صارت معي واخذت واحد من التشليح علشان ما اخسر بواحد جديد تعرف القطع الكهربائيه ماعليها ضمان
فاللي اخذته من التشليح بضمان مدة يومين ويبين معك اذا منه وزبط خله تمام واذا طلع مو منه رجعه يصير ما خسرت شيء
وتركيه ما ياخذ منك 15 دقيقه مسمارين مفتاح 8 وانت مخلص


نزلت موضوع لي سابق عن القير عندي ادخل عليه وشف
وبالنسبة لشكل الحساس اكتب في قوقل حساس الكف وتلاقي له صور


اتمنى اني افدتك


والمعذره على الاطاله

مشكورين يا أخوان وما قصرتو بالنسبه للسياره كانت واقفه بورشة مدة طويلة 

يارجال بالله افيدوني عن اذنك صاحب الموضوع

مشكلتي السياره اذا احترت القير يعلق بالثالث ولازم اطفي واشغل عشان القير يرجع للاول

اذا السياره بارده ماتصير هالمشكله ابد 

انا شاك بحساسات القير بس مدري وش اسم الحساس بالضبط ياليت تفيدوني وشكررا

كان عندي نفس مشكلتك القير كان ما ياخذ الرابع واحيانا الثالث بس باقي الامور الاول و الثاني و الريوس كانو مضبوطين

ا




خذنها الورشه و غيرو البودي بلف او مخ القيلر وضبطت كلفت 500 بودي بلف مستمل و 100 زيت و 150 اجره يد

والله تقريبا نفس المشكلة وكنت بكتب موضوع
القير له يومين لاحظت انه عند ال 70 يفصل لحظة ويرجع يشبك والزيت وردي وريحة حرق ما في 
لكن يتاخر بعشيق D ثانيتين ...
انا عن نفسي مقتنع انه حساس الكف بشريه ان شاء الله

اخوي غير كف القير سعره اصلي اذا هو علا خبري من ١٠٠ ريال الى ١٥٠ ريال تركيبه ب٥٠ ريال وواجد فيه بعد ماياخذ تركيبه ١٠ دقائق ان طول بعد لايتفلسفون عليك اكثر الورش يقولك مخبط والي مايعرف ان الكف مايخرب بيقول معهم حق أكيد مخبط
وللمعلوميه لا خبط القير قامت تأشر علامة الدو في الطبلون وريحة زيت القير ماهو دليل تخبيط افتح العلبه الجديدة وشم ريحة الزيت وشم بعدها ريح الزيت الي بالقير من راس العيار وتعرف بعدها ان كلامي صحيح واعذروني علا الاطاله التي لااريد منها الا دعوة طيبه 

ياشباب عندي مشكلة في القير اول ماعشق D يشبك ويفصل انزله 2 وامشي وتالي ارجعه D عادي يمشي بس إيذ حطيته في N ورجع احطه في D يرجع مثل مكان يشبك ويفصل

بأخوان عندي فورد جراند ماركيز ٢٠٠٩ اول كان فيه تاخير ف لمى اعشق على ال D وغيرت الفلتر والزيت ونفس المشكلة موجوده ويفلت القير ابي حل تكفون