ما خاب من استشار اشيرو علينا يا اهل الخبرة

ليش ما تاخذ اكسبديشن

انا سمعت اظن والله اعلم قطع غيار الاكسبلور غالي شوي

عن نفسي ما أحب السياره ذي لأسباب أحسها ثقيله مره ماهي أنسيابيه أشوف اليوكن أفضل وعن تجربه يوكن أكس أل 2009 قومته وربي ولا سياره صغيره وإنسيابي مو بزي الإكسبلورر وإذا تبغى الصدق جميع سيارات شركة فورد يبغالها واحد رايق مررره وحده حتى الماركيز والفكتوريا أنا ما أرتحت فيها
ولاكن الله يكتب لك الي فيه الخير

يالغالي انا بفيدك من خبرتي البسيطه في مجال السيارات

شوف يالغالي سيارات الامارات اغلبها امريكي مصدوم ومصلح هناك هذا اللي سعره رخيص جدا برتاب الفلوس
بس حط ببالك انك بتخسر عليه اكثر من المبلغ اللي وفرته او الفرق اللي بينه وبين السعودي او الخليجي لان معرف شغل ورش الامارات رايح فيها شغل تسليك
والحين الجمارك ماتدخل اي سياره مصدومه

والسيارات النظيفه بالامارات هي اللي تكون مفكوكه من الوكاله بالامارات ببس سعرها يكون بنفس سعرنا او اقل بشي ما يستاهل المشوار والتعب او اغلى

فانصحك خذ من هنا واذا تبي من هناك خذ خليجي وافحص بالوكاله لاتقرب الامريكي اللي بالامارات

والله يوفقنا جميعا ولك لايك تشجيعي

اشكركم جميعاً على تواجدكم الرائع وتجاوبكم وإعطائي وجهات النظر التي احترمها اخي a.a.77 اشكرك على النصائح الجميلة التي زودتني بها لاني خبرة بسيطة في سيارات الامارات وانا اتمنى أن اجد طلبي هنا لان للاسف لم اجد في البيان او الجزيرة طلبي وهل تنصحنا بالصالات التي تعرض سيارات مستخدمة والله يحفظك ويرعاك وشكراً على الايك
ولك مثله

گل جيوب الفورد رووعة ماعدا الاگسبلور جربت موديل ٢٠٠٦ وماعجبني ابد لگن الشگل الجديد مااااجربته 
لگن لو تاخذ اگسبدشن عن تجربه رووعه وخصوصاً نص فل رووعة لو امدح فيه مني الى بگرة ماراح اخلص 
وهـذا مجرد رأي 

اخوي انا مجرب 2006 استخدام امريكي ... انصحك ابعد عنه .... عاد الشكل الجديد ماادري عنه

اشكرك اخي شهري على النصيحة ووجهة نظرك التي احترمها واكيد اخي امريكي ماني مستخدم ابد لان مشاكله واجد

اخوي توكل على الله
بس على حسب الاستخدام الجديد كروس اوفر يصلح للمدينه وللسفريات نوعا ما وللبر بس القديم افضل بمراحل لانه يجي نوع منه تقدر تتحكم بالدبل
اما القديم الي هو من 2006 وطالع هذا يصلح للسفريات ويصلح شوي للبر وماهو سيء بالمدينة 
انت على حسب استخادمك تحدد شرائك

كثير خرابات ومايستاهل أحد يشتريه راح تتندم أول ماتشتريه وتسوقه وتستخدمه فعلاً لا يستحق الشراء. 

ما انصحك بالصالات اللي تجيب من امريكا لان اغلبهم امسكوا في حالات غش مثل اللعب بالعداد و غيره كثير

وانا اقول لو تروح انت بنفسك لمحلات الاستيراد و يوريك السيارات اللي بامريكا وتختار اللي تبي ويفحصها لك بامريكا ويعطيك تقرير كارفكس وسعرهم حلو ورخيص

وسيارات نظيفه لان انت اللي تختار الموتر ويوريك الكارفكس

واذا بتاخذ من الصالات طلع تقرير كارفكس بس ترى للمعلوميه اسعار الصالات شاطحه فوق وسيارات منتهيه

اتمنى اكون افدتك


لاتنسانا من دعائك

جزاك الله خير يالغالي على المعلومات القيمة والمفيدة
واشكرك على نصحك الطيب اخي انا ودي بسيارة مواصفات خليجي غير امريك لاني والله كرهت الامريك من كثر ماهم يقولون فيه من مشاكل واتمنى اجد استخدام سعودي نظيف الله ييسر مافيه الخير والصالح لنا ولكم وفقك الله لكل خير

الله يوفقك يالغالي