معلومات قد تهم اصحاب الاكسبديشن اجتهاد شخصي
14
0
إضغط هنا للإخفاء
السلام عليكم ورحمه الله وبركاته
بتكلم اليوم عن فورد اكسبديشن مديل ٢٠٠٦ عن مميزاته وعيوبه لفتره استخدامي له مدة سنتين تقريباً
السياره يااخوان عمليه واعتماديه بالنسبه للامريكي
مميزات السياره
١- مقارنه بحجمها لاتحس بوزن السياره عند القياده تحس بخفه وكأنك تقود سياره سيدان
٢- استهلاك للوقود جيد نوعاً ما
٣- دبل السياره قوي جداً وعن تجربه
٤-عزم السياره حلو بالنسبه للحجم والوزن
٥- بالخط مريح ولا تحس بالسفر
٦-قطع الغيار سعرها معقول ومناسب في بعض القطع
٧-المكينه ناعمه وهادئه مقارنه بحجمها وقوتها
العيوب
١- صوت مزعج من ناحيه الابواب بسبب دخول الهواء والحل كل فتره توزن الباب عند السمكري
٢- حجمها يضايقك بالزحمه وعند المواقف
٣-مانع الانزلاق لايفصل تماماً من الزر لازم تفصله من الفيوز علشان تاخذ راحتك بالتطعيس
٤-بواجي السياره يجب تغييرها عند فني محترف ولا تنكسر عليك واذا انكسر لازم تفك راس المكينه وتدخل بنص توظيب من اجل فك بوجي
٥- الاناره سيئه جداً والحل ترهيم عدسات
نصائح وارشادات
١- لاتستخدم الزيت الثقيل نهائي ولا راح تحس بثقل مو طبيعي بالموتر وانا انصح بزيت موتر كرافت اي لزوجه وياخذ سبع علب مع السيفون ويغير كل ١٠ الاف
٢-زيت القير والفلتر يتغير كل خمسين الف كليو والقير ٤ نمر ومن ٢٠٠٧ وفوق ٦ نمر فالكميه تختلف
٣-فلتر الهواء سعره ٦٥ ريال ويغير كل ١٠الاف لسلامه المحرك وعدم كتم السياره
٤-تنظيف حساس الماف كل فتره لان اغلب الكتمه تكون منه فاحرص عليه وبامكانك تنظفه بنفسك لانه سهل الفك والتركيب
٥- افحص زيت الدفرنس كل تغييره زيت علشان تبعد عن مشاكل ونه الدفرنس وغيره
٦- افحص الجوزات لانها تسبب لاقدر الله بحادث لايحمد عقباه
هذا الي اتذكره وحبيت افيدكم فيه
وانا حالياً معي اف جي مكفيني انا وعائلتي وبالمستقبل بأذن الله بشتري لنكون نفقيتر
اسف ع الاطاله
ادعولي بصلاح النيه والذريه
إبلاغ
الردود
6
0
و النفقتير خيار ممتاز و ممكن تجيبه من أمريكا استعمال بسيط بسعر طيب
بالتوفيق
3
0
بخصوص البواجي تنكسر
فيه عدة تشتريها سعرها 300 ريال تقدر تفك البوجي اذا انكسر وسالفه فك راس المكينه علشان
تطلع البوجي المكسور انتهت
2
1
أتذكر أني رحت أبدل بواجي سيارتي السابقة فورد فكتوريا ٢٠٠٠ قبل حوالي ١٠ سنوات وأثناء الفك أنكسرت حبة من البواجي داخل السلندر شغلنا السيارة و دخلناها عند المخرطة اللي قدام الورشة وفك البوجي المكسور و أنا واقف.
1
0
والله يعطيك العافيه
لا يمكن التقييم
ما اقدر اعطيك لايك
من كثر ما اعطي امثالك الله يكثرهم
1
0
الايك مايهمني مروركم الطيب هو الاهم
جزاكم الله خير علي ردودكم وتعليقاتكم المفيده
1
0
قوة فخامه ومركب بطل
شفته فالوكاله 2014 فل كامل بدون دبل ب184 الف بصراحه مقدر اوصفه
بخصوص البواجي هي لحد مديل 2008 ومن بعدها ماعليها خوف فالتغيير
2
0
اشكرك على هالتقرير اللي جاء في وقته
وعندي بعض اﻷستفسارات وفقك الله
سيارتك استخدام سعودي او امريكي
وكم كان ماشي يوم شريته
وماهي اﻷستهلاكيات اللي قد غيرتها فترة استخدامك
وكم مشيت عليه
لأني افكر جديا اني ابيع الفورتشنر واشتري اكسبديشن 2006 بالذات هالموديل
لأنه كان عندي 3 سيارات اكسبديشن 2008 طويل ولا راقت لي ابدا
اشكرك مقدما على سعة صدرك وفقك الله
2
0
السياره كانت استعمال امريكي شريته ماشي ١٤٦ الف ومشي معي الي ٢٧٠ الف
القطع الاستهلاكيه زيوت وفلاتر وسيور فقط بطن الموتر شيكت عليه يوم شريته وغيرت الرمانات وبعدها ماغيرت شي
طبعاً سبب بيعي للسياره محد يقدر يسوي صيانه بديرتي لانها شبه غريبه
لاكن انا انصحك ان تفكر ملياً قبل لاتاخذه لان مديلاته وحده وزي بعض دام انك عفت ثلاثه اكيد بتعافه
ولا يقارن بالتايوتا يبي له عنايه واهتمام
واي استفسار انا تحت امرك
0
0
1
0
الصراحة هذي الميزه اعطت رساوة ممتازة للاكسبلورر خصوصاً عن المنعطفات...
ومن المستغرب أن جنرال موترز لم تطبق هذه الحركة إلا في موديل ٢٠٠٧ وفي فئة اليوكن الفاخرة دينالي...
2
0
لا ياخوي السياره دفع خلفي ومن ناحيه الرساوه ممتازه بسبب الوزن
1
0
موديل 2006 مختلف كليا عن 2008
لأني اذكر اني جربته لمدة نصف ساعه واعجبني نوعا ما
اما من 2007 وفوق ثقيل حتى في ممشاه واصوات ديكور
0
0
0
0
قبل 9 سنه و 11 شهر