إذا غيرت زيت القير يخرب القير

هذي خرافه 
يقولك لان الزيت القديم فيه ترسبات 
واذا حطيت زيت جديد يكون نظيف وخفيف 
وما يعبي مكان التروس
صدقني انا كنت مثلك متخوف منه 
معي اكورد 2012 مشيت عليها 160 الف 
واحترت اغير الزيت وﻻ ﻻ 
وبعد مشاورات قررت اغيره اخذته من الوكاله مع الفلتر
واقرب بنشر وغيرته الحين مشيت عليه حدود 22 الف وزي العسل

القير الأوتو لازم يتغير زيته ضروري

كانت معي كورلا مشيت على الزيت 70 الف كيلو نسيت منه فصار ينتع القير مع التعشيقات
غيرت الزيت ومن بعدها طوالي راحت النتعه 

هذا يبين لك أهمية تغيير زيت القير 

مايخرب القير بس المهم خذ الزيت المناسب لقير سيارتك وفالك التوفيق

ابحث في النت وفي اليوتيوب بتحصل مقاطع كثيره للأجانب وهم يغيرون زيت القير

انا غيرت زيت قير الفورد اول مره وكان ماشي 107 آلاف ولا قال شي 

كم موديل الفورد ؟ 

عشان نعطيك الزيت المناسب لك 

بابسط العباره الناس الي تخاف صدق على تغير قير الي سياراتهم ماشيه 280 الف 300 الف 

 انت سيارتك تعبتر مامشت كثير غيره وغير الفلتر واذا انت موسوس اسحب علبه ونص وزيده واستمر بحركه هذي لحد مازيت يتاقلم وغيره بكامل 

انا مغير زيت فكتوريا 2011 ماشيه 120 ولا صار فيها شي

ما تقصرون يعطيكم العافيه 

نصيحة زيت القير بالذات تغيره في مكان متخصص مثل ميزان العضيب أو بترومين انا غيرت عند العضيب شغل يد 200 ريال بس بس باجهزة متطورة وينظفون الكارتير والوجه بخاخ اس ديلكو خاص اما بنشريه محلات الزيوت انتبه منهم يغير من تحت الحفرة ولا عنده جهاز يقيس اذا كان مليان او ناقص بالملي 

غير الزيت والفلتر اذا ظبط معك زين 
واذا خبط قير الفورد حده 1500 ومع المكاسر 1400 ولا 1300

شرينا اكسبدشن 2006 وصاحبه ماعمر غير زيت القير ماشي 145
غيرناه واموره طيبه بالعكس تحسنت تبديلاته

بلس 1987

200 ريال غاليه لتغيير زيت القير
انا اغير عند البناشر لعدم وجود حفره ب50 ريال وبالكثير 90

ومره غيرته بنفسي ونظفته بس انعدمت ملابسي بسبب عدم وجود حفره فصرت اغير برا واخلي عيوني عليهم
تغيير الزيت سهل ومايحتاج له شركه وتكاليف غاليه

السياره موديل 2008 

اخسر 200 ياشاقح ولايروح علي قير 50 100 ماتفرق في شغل نظيف مضمون 

غيرت زيت قير نيسان تيدا اوتو ماشي 220 الف شريتها من شركة تأجير ماعمرهم غيرو زيتها
وماشاء الله صارت تعشيقاتها سلسه

اخوي صاحب الموضوع روح للوكالة او الوكلاء المعتمدين لقطع الغيار مثل التقوى و الجواد الأدهم 
واطلب منه زيت قير اسمه ميكرون v مع الفلتر اتوقع خمس علب ياخذ القير 
وانتبه للزيت من موديل 98 الى 2008 الزيت المخصص ميكرون v لا تأخذ حق 2009 وطالع لانه يختلف او حق 97 وتحت 
وبعدها توجه لورشة كويسه وغيره بالكثير 100 ريال شغل يد 

بالتوفيق 

اللي يقول غير علبه وبعدين كررها انا اشوف انه مايحتاج والسبب 
ان الطنجره يبقى فيها زيت من القديم وهذا نظام الصناع لكي يتجانس مع الزيت الجديد ولايسبب مشاكل 

فنصيحتي من واقع تجربه قبل ماتغير شوف الزيت اذا مافيه ريحة حرق  غيره على طول ٤ لتر تقريبا جميع السيارات مع الفلتر

اذا فيه ريحه غيره بالتدرج  

محمد ال سلمان ! 
وش شغل نظيف ومضمون ؟ الفورد ترى راس مال تغير زيت قيره 50 ريال وانا دايم اغير بهالسعر 
كلها كارتير يفكه وينظفه ويرجع يركبه ويعبي الزيت ؟ 
وشو له 200 ريال 
مالوم الورش دامهم لاقين دلوخ مثلكم اكيد يبون يستغلون الشعب.

سيارتي مشت 280 الف ولا غيرته الا قبل سبوعين وللحين ماشي كويس 

ياشباب القير الاوتو لازم يتغير الزيت 

بس القير العايدي مانصحك تغير لا القير والا الكرونه 
لانه فعلا فيه فراغات بين التروس بعد التغير (القير العايدي بس) 

تجربة تجربة فقط اجرب إرسال رد