كم يسوى ماركيز 2001 فل كامل ؟

من 19 الى 23 اذا كان نظيف ووقفته زينه وبديه مافيه عفوط او شي مخرب السيارة وبويته زينه

عندي مثلها بس البودي وكاله مافيه رش وجابت 19 ومابعت وأتوقع على بدايه الصيف تجيب ال 25 بس نصيحه ماتبيع بأقل من 23:25 حدك من الأخر 

تكرمون بجنة الدنيا والآخرة إن شاء الله

الفورد بويته زينه بس في حكوك بسيطة في أطراف الصدامات يعني الرش يشيلها
أنا مغير له علبة دركسون وكالة والعضلات كلها أصلية وحتى وجهيته موزونه مع إني مرهم له شبك 2003
وطالع مرتب ما شاء الله
أفكر أبيعه عشان ودي آخذ شي 4 سرندل أو جيب صغير
لأني أداوم دوامين والمسافة 140 كيلو يوميًا وارهقني البنزين الصراحة

ترى اخوي في الخطوط ترى 4 سلندر مايفرق عن 8 الى شي بسيط
لان8 سلندر المكينة مريحه على الاخر

انا واكسنت 2010 وانا معي فكتوريا 2001 رايحين معكه

نوقف نعبي هو 15 ريال وانا 20 ريال 

فتلاحظ ماهنالك فرق لو تحسب الوزن والحديد والمركب والامان والدفع الخلفي

لانه في فرق بين علبه صلصله وسياره كبيره

السلام عليكم 
ي رجال معروضه علي فورد ماركيز 2001 سعودي | نص فل 
ماشي 362 الف كيلو 
راعيه يقول : " السيارة مرشوشه من صدام ورفرف يمين ويسار وكبوت رش تجميلي من حكات "
ويقول ايرباق الراكب طالع اما السواق لا 
مركب لها طقم كفرات قبل اسبوعين ومغير القطع الاستهلاكيه  
كم تسوى ي رجال ؟ علشان اعرف اسوم