أضف سؤال أو موضوع جديد          

تجربتي الرائعه للزوجة 5w20.

up 14 down 21
fx2y -207
قبل 7 سنه



السلام عليكم ورحمة الله وبركاته ..
اليوم اقدم لكم تجربتي عن زيت موتوركرافت 5w20 ..على كراون فكتوريا 2008
طبعاً الموتر كان مع الوالد مشاه تقريباً 100 الف كم واخذته مني واللحين ممشاه 146 الف كم طبعا هو كان يحط زيت 10w30 كاسترول GTX طبعاً من اخذته انا صرت احط زيت 5w30 سواءاً موتوركرافت او بترومين او فوكس او ايسديلكو وكلها تخليقية ماعدا الموتوركرافت. طبعاً اخر مرة حطيت بترومين A1 ومشيته تقريبا 8000 كم وماكان عاجبني صوت الموتر اطلاقاً ! 
قلت ياولد وش فالموتر يحن بزيادة وتلعب فيني الوساويس ! وفجاءة القى موضوع عن زيت موتوركرافت 5w20 فمنتدى للسيارات الكورية الكاتب "العضيد" يمدح زيت 5w20 عن تجربة ومن جميع النواحي سواءاً من ناحية :
صوت المحرك 
استجابة المحرك 
طبعاً كل هالعوامل مهمة بالنسبه لي مع الحفاظ على المكينة طيب فكرة زيت 5w20 من زمان فبالي لكن تعرفون كنت خايف من الكلام انه مايصلح للشرق الاوسط واجواءنا ومن هالكلام طبعاً كل هالكلام ذُكر في كتالوج هونداي او كيا او كلاهما .. مادري لكن منتشرة صورة الكتالوج ولم يُذكر في كتالوج فورد. 
المهم واروح توكيلات الجزيرة واشتري من عندهم 6 علب زيت 5w20. 
واقرب بنشري واغير مع السيفون طبعاً شغلت بعد التغير اختلاف جذري 180 درجة في صوت التشغيل. من اول كان يطلع صوت زي الاحتكاك اللحين ماعاد صار يطلع وهذي حسنه من ضمن حسنات هذا الزيت.
قلت ياولد بدري الحكم عليه خلني امشي شوي عليه واشوف وش الوضع وامشي ! 
والله ياشباب حنة المكينه ماعاد اسمعها وصارت المكينه تستجيب ع اقل من ربع الدعسه .. والاكيد توفير البنزين لصالح 5w20 وبعد هالتجربة راح يكون استعمالي لهزيت دائم باذن الله.




تدرون ! تعالوا نتناقش شوي في موضوع زيت 5w20 في فورد خصوصاً !
اللحين لو الزيت هذا فاشل وموية ومايصلح للمكاين ليش شركة بحجم شركة فورد تصر عليه معقولة الشركة تبي تعدم مكاينها وتبي تشوه سمعتها ؟! 
انا قاري كتالوج فورد تورس 2014 يقول استخدم 5w20 وماذكر لا شرق أوسط ولا حرارة جو ولا غيره ولا حاط لك اي خيار بديل مثلاً 5w30 او 10w30.
فقط 5w20 للتورس العادي والشو 5w30.
انا اللحين اقتنعت بهاللزوجة وراح استمر عليها مثل ماذكرت لكم فوق.
طيب اللحين نشوف الزيوت المتوفرة بهاللزوجة في اسواقنا.
اتوقع هي 3 شركات اللي تنتج هالزيت وتوفره في السوق:
1- موتوركرافت 
2 - بترومين وهذا تخليقي بالكامل العلبة الواحدة في مراكز بترومين اكسبرس 50 ريال لكن اتصلت على مندوب لشركة بترومين ذكر ان الكرتون متوفر ب 500 ريال 24 علبة.
3 - كاسترول ايدج ماعندي اي معلومات عنه سواء انه مواصفاته قديمه SL.
ترتيبها من الافضل الى الاسوء :
1- بترومين 
2- موتوركرافت 
3- كاسترول 




ملاحظة : اللي يبي يتفلسف ويقول الشرق الاوسط واجواءنا ياليت مايرد شبعنا من هالكلام ومن القيل والقال واشياء مالها اثبات. 
وبعدين اترك كلام شركه صنعت هالمحرك وهي اخبر بالزيت المناسب واجي اسمع كلام حقين "يقولون" طبعاً مثل ماذكرت فوق انا تكلمت عن شركة فورد ولينكون وميركوري مالي دخل لا بهونداي ولا كيا ولا كتالوجاتهم.
طبعاً تجربتي ماهي نصيحة لاحد باستخدام الزيت اطلاقاً "وكلن عقله فراسه ويعرف خلاصه"




والسلام ختام.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هل هذا الزيت يصلح لجميع أنواع الفورد ..يعنى أنا عندى اكسبلورر امريكى 2008 ..
أغيرله مثل هذا الزيت و لا ما يصلح له ... لأنى لسه تونى شارى السيارة و راعيه خبرنى غير زيت فورد 
و الرقم تلقاه على غطا  الماكينه ....و لا أغير 5/30 ... و بدى أغير زيت الجير كمان ... ويش النوع اللى
يصلح لسيارتى بارك الله فيكم ... اكسبلورر 2008 أمريكى ..ممشاه 80 الف كيلو ..


up 0 down 0
hamada_moneer 6
قبل 6 سنه و 11 شهر



اللي يعرف مندوب يبيع زيت بترومين ايه 1 5دبليو 20 حق فورد ياليت يضع رقمه لان تعبت ادوره ماحصلت بالمحلات اتمنى اللي عنده مايبخل علينا وجزاكم الله خير


up 0 down 0
بن طويرش
قبل 5 سنه و 4 شهر