أضف سؤال أو موضوع جديد          

الموتر خلط مويه مع زيت فورد

up 2 down 1
nabill 127
قبل 7 سنه و 2 شهر



سلام عليكم عندي فورد خلط مويه مع  زيت والميكانيكي قال المشكله براس المكينه المهم فك المكينه كامله قال
عشان نشوف هل اثرة على البساتم ولا لا فكها وقال المشكله من الراس فقط ويبيله خرط وطقم وجيه كامل وزيت وسيفون
المشكله الى الان انه متفق معه على التصليح ب1500 شغل يده بس اكتشفت انه المخرطه سعرها 400 ريال وطقم الوجيه 600 ريال مع كراسي مكينه اثنين ب300 ريال فقلت لو غيرة مكينه كان افضل وقالي احد اصحابي سعره غالي  فايش رايكم المشكله هل اكمل ولا اجيبله مكينه  واريح راسي . ودمتم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت لسه فيها ماحط يده بس مجرد كشفيعني ممكن التفاهم ع القيمة بالمعقول

اخصم نص شغل اليد ، غصب عنه ليه اختراع هو 

وكملللللللل عالاقل واضح استخدامك ، توكل ع الله ولاتتردد
موغالية ع موترك.... 

او اسحب عليه كلها ٥٠ ريال سطحة وع ورشة ثانية وانت بعد كسبان
التوظيب كااااامل ب ٥٠٠ _٦٠٠ ريال وين شاطح هذا 
شد علية وبيلين معك والا خذ واحد معك فاهم يغرقة بكلمتين
الله يعينك


up 1 down 0
aziz..747.. 2421
قبل 7 سنه و 2 شهر



يعني مكينتك ع حسبتك تصليحها بتطلع 2800  + حق الزيت + احتياط 200 ريال 

والتشليح اسئل اذا اسعارها بهالحدود وضمان ومديلها اجدد وتركب عادي يكون افضل من مكينه انفكت 

انا كان معي كرسيدا 6 سلندر زمان خلطت زيت ومويا ووضبطتها كامل لاكن مارجعت نفس اول 


up 0 down 0
tttt35035 1062
قبل 7 سنه و 2 شهر



مع ان  شغلت الراس اسهل من توظيب كامل وماتوقع بالاسعار


up 0 down 0
tttt35035 1062
قبل 7 سنه و 2 شهر



1500ريال هذ قيمة شغل توظيب بالكامل من غير الأدوات فك راس بي 1500 كثيره جدا


up 0 down 0
سمورة -76
قبل 7 سنه و 2 شهر



حرامي تراه ... 1500 زي ما قالولك الشباب توضيب مكينة بالكامل...
شوف واحد غيره
و نصيحة لا تشتري مكينة لانك انت عارف المكينة اللي عندك و انها ما ترفع حرارة
اما تاخذ وحدة ثانية و يعطيك عليها ضمان لمدة شهر و يمكن بعد شهر تبدا تتعب معها من ناحية الحرارة و التكتيم 



up 1 down 0
the son of the kingdom 927
قبل 7 سنه و 2 شهر



اشكر كل من رد بس هو مافك الراس فقط اخرج المكينه وفكها اجزا عشان يكشف علي البساتم  وينظف المكينه واذا يحتاج لها توظيب يوضبها لاني على فكره انا مشتريها بحالتها الراهنه  



up 0 down 0
nabill 127
قبل 7 سنه و 2 شهر



مشتريها وهي خالطه مويه مع زيت من احد اصحابنا.


up 0 down 0
nabill 127
قبل 7 سنه و 2 شهر



الله يعينك عزالله تورطت وتعبت المفروض تاخذ مكينه من التشليح كامله ونظيفه وتريح راسك

وانت الكسبان.. 


up 0 down 0
نوار الوذيناني 510
قبل 7 سنه و 2 شهر



طيب ليش فك المكينه ؟ المفروض فك الراس فقط المهم شغلته كلها مايتعدى 800


up 0 down 0



هذي آخرة اللي من يروح لورشه ويقول له الميكانيكي شي  
على طول يسويه > واحد اعرفه معه جمس خلط ماء مع زيت 
المشكلة اكيد براس المكينة فيه شعر ولا شي عشان كذا تخلط 
المهم رااح وفك صرة الززيت وفرغه وفرغ الرديتر وحط زيت جديد وماء وحط مادة زي البوردة تسكر اي شي مكان تهريب 
ودق  سلف الا السيارة مافيها شي ولا تخلط ويسافر عليها ويجي وبعد ثلاث سنوات خلطت مره ثانيه ماء وزيت وسوا نفس اول وماشاء الله للحين ماشيه معه


up 0 down 0
w.asa 2027
قبل 7 سنه و 2 شهر



اذا توضيب اشتر مكينه عندك من 98 لين 2011  المكينه وحده التوضيب مافيه قطع اصلي وبتكلفك حول 8 او 9 الاف 


up 0 down 0
princ 18875
قبل 7 سنه و 2 شهر