سؤال لأهل الخبرة عن الرديتر ماركيز

200 الف اعتقد انها كافية لتغيير موية الرديتر

حتى لو ماواجهتك مشاكل في الحرارة او التنقيص في الموية او التهريب

لأن موية الرديتر كل ماكانت انظف كل ما كان افضل وهذي مويته من 2011 يعني لها ثلاث سنوات تقريبا في الموتر اعتقد انها كافية

وثانيا ممكن تتكون اوساخ وتترسب في طرمبة الموية او في قاع الرديتر وتغييرها ترى مايكلف شي وبالعكس تحس انك مرتاح وموية الموتر جديدة ونظيفة

ارشح لك تغيرها ، بالنسبة للاشياء الثانية ما انصحك تغيرها لين تلاحظ عليه مشكلة او بداية مشكلة

اهم شي واضب على سوائله الزيوت والفلاتر وغيرها اول بأول في وقتها

الصفاية ايضا اذا حبيت تغيرها كنظافة للموتر زين على زين باقي الاشياء لاتجيها دام الموتر مافيه الا العافية وترى توه جديد

مجرررد نصيحة تقبل مروري وشكرا

اخي احب انبهك على شي وهي تغيير فلتر القير لا تنساه . 

انت وش سويت من قبل الي هذا الممشى ؟

في كاتلوج الفورد ينصح في تغير موية الرديتر الأصلية اذا مشيت السيارة 100 الف ميل او بعد مرور. 5 سنوات 
أيهما يأتي اولا 
100 الف ميل بالكيلو ماشي 160 الف 
يعني غير موية الرديتر اصلية موتر كرفت الذهبية وغير معه بعد بلف الحرارة رخيص حقه 35 ريال اصلي 
والطريقة تنزل الموية القديمة تفك السرة حقتها تحت الرديتر وتعبئ الموية وتضيف معاه كم علبة موية مقطرة 

موفق

وقت تغير موية الرديتر مفروض يكون قبل 40 الف كيلو متر.
وعلى حسب كتالج ماركيز امريكي تغير زيت القير لاول مرة 150 الف ميل اي 240 الف كيلو متر.
وبعد كذا كل 30 الف ميل اي 48 الف كيلو متر. 
وتاكد من الزيت الموصى به تلقاه مكتوب على معيار زيت القير.
مع تغير قازقيت (وجه) كارتير زيت القير كل تغيرتين مذكور ذلك على كرتون القازقيت (الوجه).
ومع تغير فلتر الزيت كل تغيره.

وموية الرديتر لاتغيرها والسيارة حارة .. غيرها وهي باردة او شبه باردة 
وغير بلف الحرارة (الثرموستات).
وغير فلتر البنزين.

وسلامتك ، موفق

دام السيارة ماشية ٢٠٠ الف كم وماعملت لها صيانة قبل كذا
١- ماانصحك تغير موية الرديتر فقط شيك عليها اول باول واذا نقصت زود عليها بمويه مقطر
٢- تغيير بواجي وتنظيف الكويلات ببخاخ اكترونيات
٣- تنظيف الثروتل بدي ببخاخ اكترونيات
٤- تغيير صفاية البنزين
٥- تغيير فلتر الهوا
٦- تغيير فلتر وزيت قير عدد 5 علب موتركرافت ميركون lv
كل هذه الاشيا مابتكلفك قطع وأجرة يد الف ريال وبأذن الله السيارة تمشي معاك ٢٠٠ الف كم زيادة حتي تعمل صيانة 
بالتوفيق

اقول يالمتميز؟ وش اللي ماتنصحه يغير موية الرديتر!!
ماضيع مواتر العالم الا الناس اللي مثلك 
لاتغير زيت القير يخبط! 
لاتغير زيت الدفرنس يطلع صوت! 
واللحين لاتغير موية الرديتر!
اتوقع بعد فتره يجيك واحد مدرعم انتبه تغير زيت المكينه ترى بتخبط بالمكينة ههههههههههههههه

Fx2y 
ماله داعي فلسفة زايده اتمنى انك سألت سؤال محدد وقلت ليش مايغير موية الرديتر والا تبي تسوي خبير
الجواب
مانصحك تغير موية الرديتر لانه يوجد رواسب في الرديتر والليات وطرنبة الموية ومجاري المويه وعند تغيير موية رديتر جديدة واللي هي الاصلي طبعا هي تنظيف بنفس الوقت فلذلك بتسحب الاوساخ والرواسب والصدا

^ احلف بس !! 
ياترد رد زي الناس وتنفع الناس فيه ولا لاترد 
جديده علينا ذي رواسب ما رواسب !! 

بيض الله وجهيكم 

كفيتوا ووفيتوا 

ولا مانع مممن عنده إضافة يتحفنا 

يا متميز جدا ترى مافيه احد مايخطي لكن العيب انه مايعترف في خطأءه ويكابر

يعني كلامك انه مايغير موية الرديتر غير صحيح ولا قد سمعناها ولا قد عرفناها ، و fx2y صدق يوم قال ماخرب مواتر العالم الا انتوا تجون تفتون وعلى جهل وتخوفون اصحاب المواتر اللي مثل هذي

يعني لو نفترض ان كلامك صحيح وان فيه ترسبات موجودة في الليات او قاعة الرديتر ، معناها لو خليت الموية زود زادت الترسبات وسددت الليات وصعبة دورة الموية في الماكينة ، كلامك خطأ 100%

راجع ردودك

ياابراهيم
ماجبرت صاحب السيارة انه مايغير موية الرديتر وماقلت انه عدم تغييرها يسبب ضرر او بنكبه عشان موية رديتر الله يهديك ولكن هذا رأيي الشخصي بمعني انه ماله داعي تغيير المويه وخسارة علي الفاضي 
انا نصحت صاحب الموضوع انه يزود عليها فقط لان موية الرديتر مالها صلاحية 
وبالنسبة لرديتر الفورد غير خدوم مدته سنتين ثلاث بالكثير اصلي اوتجاري ماعدا حق بلده
وهذا رأيي ومقتنع فيه ولصاحب الموضوع حرية الاختيار وللمشاهد حقه يبدي رأيه 
وزيت القير وزيت الدفرنس راح ارد في مواضيع متعلقة فيها ان شا الله

^^^^^ ببيش حكمت سنتين انا عندي 2007 وعل اديتر الوكاله ماشا الله فقط تغيير المويه 
صاحب الموضوع استخدم ماء موتر كرفت جلون سعره 70 او 60 ريال و6 علب ما مقطر 
بالنسبه لزيت القير 5 علب نوع الزيت المخصص لسيارتك ميكرون LV انتبه لسم الزيت لنه يبعون لك تاب ام للفوردات القديمه 

يا شباب انا غندي رديتر الورد خرب حق الوكاله والحين بغير اردني لكن محد يمدحه لانه خفيف ناس تقول زين الخفيف لكن لا لانه يخرب