سبحان الله وبحمده سبحان الله العظيم

لــــــــنا الله

للاسف حتى لو اوراقك كاملة ونظامي  لازم واسطة كمان 
يوم بنينا بيتنا قعدنا ننتظر الكهرب تخيل 3 شهور يا بشر 3 شهور 
اخرتها ابوي كلم جيرانا وقالو افزعو لي  حتى وصل الامر انه اي سيارة شركة توقف عند بيت احد ينزل ويكلمه وش يسوي
كل ما يراجعهم يقول طلعت من عندنا الاوراق
المهم ما لك بالطويلة ما قعد اسبوعين الا جاية السيارة ومخلصة الاوراق وكل شيء تمام التمام  وتخيل عامود الكهرب 
ملاصق للبيتنا يعني لا تقولي بيتك يبعد عن المنطقة السكنية 70 كيلو!!

صدقت ....الواسطة لابد منها في حيانتا.....ولكن يوم القيامة راح كل شخص يحاسب على أخذ حق غيره بالواسطة ... ...

الواسطة زي مصباح علاء الدين
...

الواسطة ما فيها شئ إذا لم تكن على حساب حقوق اﻻخرين

رعد 4
كيف مافيها شيء
يعني انا مواطن اروح نظامي وشخص يردني لأن النظام مايطبق عليا
يجي مواطن اخر لنفس الشخص ويقوله جيايك من طرف فلان ويمشية فوق النظام وهو مايطبق علية النظام

هذا ظلم وفساد صريح ويحاسب علية في الدنيا والاخرة

ي رجال عينو خيييير > كلها ورقة اصلاح ونقل ملكية 
وكلها من ساهر اصلا ولا ماكان احتاج واسطة احط 

لان اساس الدوله قائم على الواسطه

فمثلا شوف الوزير فلان الفلاني
تلقاه متزوج من احد الامراء الكبار  وقام الامير حطله منصب قوي

الثاني يعرف امير تلقا معاه بطاقة عدم تعرض ويسوي اللي يبيه

الثاني لواء في احد القطاعات
تلقاه يرسل ولد عمه للمرور ويقوله اذا رحت للعقيد فالمرور قوله انا مرسولك من طريق اللواء فلان الفلاني

الشغله كلها خربانه من الاساس

قبل فتره اعلوا عن اسماء في الهلال الاحمر للخريجين
اغلب الاسماء وجدت امساء العوائل متكرره بدون ذكرها عان محد يزعل طبعا اغلبهم من قبيله وحده 

افتكر مره فمستشفى القوات المسلحه
جابو واحد من احد المناطق شيخ قبيله نقلوه للرياض
رغم انه مايحتاج عنايه مركزه ولا يحتاج نقل وماجلس فالمستشفى الا يومين وطلع

بس لانه يعرف احد الواصلين في الدوله 

هذا غير المواطن المسكين اللي ينتظر موعد 6 شهور وبعد مايجي يقولون له لحد مافي توفر سرير راجعنا بعد 4 شهور
طبعا السرير راح بواسطه والرجال مسكين ماعنده واسطه وخدم الدوله لكن هذي هي نهايته لان ماعنده واسطه

اااخخ بس متى ترجع الخلافه الاسلاميه الامبراطوريه الاسلاميه مثل ماكانت في تركيا  هي حاكمة العالم الاسلامي
لا واسطه ولا خرابيط لكن اسقطوها العلمانيين بتحالفهم مع الغرب 

سفير المملكة أنا معك في رأيك وهذا ما كنت أشير له 

الواسطة ﻻ تكون على حساب اﻻخرين 

لكن عندما ﻻ يكون فيها أي تعدى على حقوق الناس 

وأوليتهم في الخدمة فما المانع أتوسط بفﻻن من الناس

رعد 4
اعطيني مثال على الواسطة الجائزة ؟

انا الصراحه  مايعجبني معك واسطه امش مامعك اقعد لا احب اكون نضامي حالي حال البشر

تخيلوا ان احد يفتخر انه يتعامل بالربى او يغش كلها فساد صح ولا لا 




احنا عندنا يفتخر ان فلان الفلاني صاحب المنصب الفلاني احد اقاربنا 

يتفاخروا بالفساد (الواسطة) 



ولا يفقع مرارتي الا اللي يقول ( ترا بإتصال مني اخليك تسوي كذا كذا ورجلك على رقبتك 
ولا اوديك ورا الشمس )

سفير المملكة فيه شيء اسمه شفاعة 
يعني خوويي  احتاج يجدد جواز عمته عمرها فوق الــ70 سنة ومريضة  وارملة  وووليها بعد كبير بالسن وبعين ساكن بمنطقة
ثانية   ولازم يجي اذا بيجدد الجواز 
راح كلم جارنا قال امسك الصور وشرح له حالتها وجدده لها   وجاب له الجواز
علمني فيها شيء ذي بعد !! 
المهم ادخل على روابط اليوتيوب وشف كلام المشايخ

وسفير والامثلة كثية عندي بس مالي خلق اقعد اشرح لك وافهمك

والله انا ماني مفتي لكن لاصارت الواسطه ماراح تضر احد
ماشوف فيه شيء 
خلاص وطننا العزيز صار مايمشي الا بالواسطات 
لله لله بالاصدقاء المتمكنيين والواصلين تجودو فيهم ههههههههههههههه

السلام عليكم يا اخوان لا تقعدون تقولون وأسطه وواسطه حرام يا ناس الله هو ألي يدبر الامر يعني قل لولا الله ثم واسطة فلان قولها لا تقول واسطه ادع الله واسطته اقوى من اي واسطه والسلام عليكم ورحمة الله

حسبي الله عليهم ونعم الوكيل

سفير المملكه 

اعطيك القاعده وانت طبقها على اي شيء 

اذا الواسطة ماله ضرر او تعدي على حق احد جائزة وبالعكس تسمى شفاعه حسنه وتأجر عليها

انا  عندي  هايل 2001   الاستمارة  ماقد  جدتها   ور حت  للمرور ابي ورقة   إصلاح    قالي طيب   نزل  شاف السيارة  وإعطان الورقة والاستشارة منتهي   ومشققه       

انا  عندي  هايل 2001   الاستمارة  ماقد  جدتها   ور حت  للمرور ابي ورقة   إصلاح    قالي طيب   نزل  شاف السيارة  وإعطان الورقة والاستشارة منتهي   ومشققه