فك فصله ماركيز امريكي 2008

اهم  شي لا تفك الفصله وتمشي 200 لانها تخبط ميه بالميه >  صارت مع اخوي 
فك الفصله وسافر عليها وخبطت  سمعت انك تغير كمبيوتر ومدري وش 
مافهمتها للحين 

ياهي نصيحه لاتلعب فالموتر
الفورد السعودي والامريكي المديلات الجديده تفصل على 180 عن تجربه والمديلات اللي قبل اعتقد ان السعودي يفصل على 200 ومافرقت

بخصوص الفصله اللي بتحوس عليك الدنيا
لازم تعرف ان مبرد القير مصمم انه يبرد حرارة القير لحد سرعة 180 
يعني لو فكيت السرعه ومشيت فوق ال 200 مبرد القير ماراح يبرد بالشكل المطلوب
ويبغالك تركب مبردات اضافيه عشان الحراره 
ويفضل الكرونه يكون مقاسها ( 2.73) عشان ضغط المكينه مايكون محشور عالسرعات العاليه
ويبغالك تغير في برمجة القير عشان يشد النمر لتوصل للسرعات العاليه ولو احد لعب فالبرمجه بيخبطلك القير
ولاتنسى ان الفورد غير راسي عالسرعات العاليه 
يعني لو مشيت 200 ونطلة نطله خفيفه تحس السياره بتهج منك لذلك هم تاركينه على سرعة 180 كفايه فيه

ويفضل انك تركب شكمانين اذا كان شكمان واحد 
وتركب عمود توازن خلفي اذا مافيه

بخصوص جهاز البرمجه اول اعرف انه تستخدمه مرات محدوده بعدين ترميه ؟

اذا انت مصر على هالشي روح لمنتدى فورد العربيه هناك فيه لهم خبره

صاحب الرد الاول
السياره ماتخبط
لكن اللي يخبط فيها اللي مايفهمون فالبرمجه والتعديل 

ركب مبرد قير اكبر اول

^^^ نعم فك فصله الفورد ياثر على المكينه +1 لايك للجميع

لازم تركب مبرد اضافي قبل ماتفك الفصلة  .. وهذا فيديو يتكلم عن الموضوع
 
http://m.youtube.com/watch?v=d-b8IZPKtX0

والله ي شاقح > هذا اللي صار مع اخوي 
بعد مامشى عليها 200 قامت تبلع الزيت وخبطت 

^^^
ايوه اعرف انه ممكن تخبط القير والمكينه كلامك صحيح

بس انا اقصد انه البرمجه يحتاج لها واحد خبير ومختص عشان مايجيب العيد فيها وابين انه اللي برمج لخوك ماهو بفاهم شغله
شوف متندى فورد العربيه فيه ناس مبرمجين وعدلين وامورهم تمام
بس تراهم خسرو كثير فالتعديل وفالنهايه عشان يمشون فوق ال 200 ولا استفادو شي

ياخي الفورد صمم للراحة والخطوط وداخل المدينة أنا ابسالك الحين انت لية تبي تفك الفصلة عشان تقاوم العالم وتسابق الفورد موحق مقاومات حق راحة يعني انت تقول تفصل على 180 بس لافصلت ضغط المكينة على 3 تقريبا يعني الموتر مريح والمكينة مريحه أنا اكسنتي تمشي 200 بس الظعط يكون على 5 ونص وصوت ازعاج وماتسحمل حدها 150 ام انت فورد مريح علي 180 فهمت الحين إذا تبي مقاومات بعها وخذ موتر حق مقاومات 

روح عند اي ورشة تعديل حولك و قله ابغى افك الفصله بيبرمج لك السيارة و تمشي
لاكن بعدها الله يعينك على السيارة

غير كمبيوتر السيارة Main ecu إلى فورد بوليسي ورمزه وهو P71 اشتريه مستعمل من امريكا رخيص غير كلتشات القير إلى كلتشات رياضية وغير المبرد إلى performance tranny cooler المونيوم أفضل
كويلات تعديل بواجي تعديل وفلتر رياضي

هذا عشان ترتاح من تبعات فتح السرعة فوق 200
ولا أنصح لأن السرعة العالية ما تقدر تتحكم بالسيارة وطرقنا ماتساعد ابدا

حفظكم الله جميعا من كل شر ...يارب

وين مكانك انت

السرعه مافيها خير

اقل سعر لفك الفصله 800 وبالنهايه علشان من 180 لين 200 الفرق 20 وانا مستخدم فورد من زمان 
الشي الثاني تحتاج مبرد لنه اساس مبرد الوكاله الاساسي مضروب من 2006 وفوق عيب عدد خطوط التبريد 7 والاصلي الان من الوكاله 9 خطوط غيروه 

الفورد سرعة 180 يكون عداد rpm على 2800 دورة فقط ... يعني المكينه مرتاحه جدااااااا ... 

صح مكينة الفور ٨ سلندر بس حجمها وبقوتها ماتعادل سوناتا ٤ سلمدر 
يعني فكيت  ومشيت اكثر من ٢٠٠ بتضرب الروس والقير يسخن حتئ ينتهي وانت حر خذ هالمعلومات من مجرب 
معك طناخه خذلك شارجرً

حبيب قلبي لاتشيل الفصله خله على وكالته الفورد موتر كفو في الخط الطويل وتكانه وحطه على يمناك انا كل اسبوعين امسك خط من الجنوب ل الحدود الشماليه وماشاء الله

السرعه مافيه فايدة