أضف سؤال أو موضوع جديد          

توكيلات الجزيرة و النصب

up 14 down 4
منسم_ 49
قبل 9 سنه و 7 شهر



السلام عليكم الاسبوع الماضي كنت عند توكيلات الجزيرة فرع الدمام (شارع الكباري) اشوف مواصفات و سعر الفورد فيوجن الجديده
الفئات الموجوده عندهم هي ال S و ال SE و عندهم شي اسمه SEL

انا قبل ما اروح المعرض سويت بحث عن السياره و المواصفات و الاسعار في الخليج و خارج الخليج

اول شيئ سالت الي في المعرض عن المواصفات و الفئات قالي ماعندهم التيتانيوم الي هي كاملة المواصفات

بس SE و S و SEL

قالي ان SE هي الفئة الاعلى عندهم و سعرها 96 الف ريال تقريبا و المواصفات هي (ماهي جلد - بدون نظام ملاحه (GPS) - بدون حساسات - 4 اير باق و شاشت ترفيه و جنوط 17 و كمرة خلفيه)
قلتله من جدك انت؟
السياره من امريكا الستاندرد 8 ايرباق حتى في الحزام الخلفي مفروض في اير باق و المفروض في انظمت السلامه كلها مثل النقطه العمياء(blind spot) و المحافظه على الطريق (lane departure warning)و نظام الركن التلقائي و دفع رباعي و بصمه و كثير من الانظمه.....

قال هاذي مواصفات الخليج و قام يحاول يطلع اسباب مال امها دخل

المهم قلتله وش هي فئت ال SEL قالي هاذي تزيد فيها بس مقاعد جلد و نظام ملاحه و جنوط سوداء و السعر 112 الف!!!!

انا يوم قالي 112 الف كان ودي اروح للي يجيب سياراتهم و اعطيه شيء ما يعجبه بس تعوذت من ابليس

المهم قلتله كيف تبيع سيارة ناقصت المواصفات بسعر اعلى فئه؟ الي هي التيتانيوم

قالي كيف يعني؟

قلتله التيتانيوم في امريكا كاملة المواصفات سعرها من 112الف ريال اللى 118 الف ريال كيف انت تبيع السياره بسعر الفل و هي مافيها حتى نصف المواصفات؟؟؟؟

قام يقول لا و يعيد نفس الاعذار و ان السياره تختلف عشان المواصفات الخليجيه و ان السيارات الامريكيه كذى...

المهم بعد كلام طويل قلتله مع السلامه بس لا ترفع ضغطي


بس شباب علشان اثبت الكلام الي اقوله

و السلام عليكم











إبلاغ إبلاغ



الردود


شكلك تمزح اخوك أو الموظف جديد
انا لما رحت الوكالة من شهرين تقريبا كانت الأسعار للستاندر 77500 شامل اللوحات والنقل
النص فل كان ب 86000 وأكيد شامل اللوحات والنقل
ومواصفات الستاندر
8 ايرباقات وعد معاي ستارة في الدركسون والثانسة للراكب والثالثة جهة نوافد السائق والرابع جهة نوافد الراكب والخامسة إلى اليد أو الكتف للسائق والسادس لإيد الراكب والسابع والثامن لركب السائق والراكب الأمامي اما الأحزمة الخلفية تطلبها كأوبشن
مانع انزلاق ومانع انغلاق و..........إلخ
النوافد كلها اوتو وتنفتح وتسكر بالرموت
انوار بريك LED
مثبت سرعة
ازرار تحكم للصوت بالدركسون
نظام السنك
ومسألة ان السيارة دفعة جديدة فهذا غلط
السيارة جديدة في السعودية بس
في الامارات اخدوها وجربوها سنة كاملة وعدلوا واضافوا فيها اشياء كثيييرة علشان تناسب الظروف المناخية
وطلبو منها ووصلت الإمارات ونجحت بعديين طلبوها في السعودية
السيارة نزلت من 2013 اذا مو قبل فكيف بتكون دفعة أولى ؟؟!!


up 0 down 0
h001122h 101
قبل 9 سنه و 7 شهر