الشاصي مطعوج

اخوي التركي .
هل هذا يعني ان الطعج في الشاصي لايتصلح وهل هذا يؤثر على السياره وهل الطعج في الشاصي يشكل خطر على صاحب السياره ؟

ارجو التوضيح. 

تكفون يااهل الخبره ..
اخوكم محتاجلكم ولكم مني دعوه من ظهر غيب :(

انا الي اعرفه ان الناس تاخذ دفع رباعي لاجواء الشتاء مو سبورت على كلامك

والسياره حاول تبعد عنها واذا كان صادق الشاصي مطعوج على مطب يعني هو ماكل مطب وهو ماشي 160

اذا على كلامه الشاص من المطبات انعوج يعني الشاص مصدي ومتهالك ماتنفع السياره 
اما اذا من صدمه اذا لقيت واحد فنان يزبطه لك ويرجع يسحبه لك و يمشي حالها  

شكرا إخواني على الردود. 

فنان زمانه: ليش تنصحني اتي ابعد عنها ؟ هل تشكل السياره خطر علي خاصه بالسرعات فوق 120 ؟
هل لن احس بثباتها على السرعات العاليه ؟ خاصة اني صاحب خط وسفر.

:Raedzoom : هل يتصلح الشاصي المطعوج وهل يضبط مثل الوكاله ؟ وهل تنصحني بالسيارة لانها دخلت خاطري لكني متخوف من هذه النقطه.

التركي: هل تنصحني بها وحتى لو صلحت الشاصي من الطعجه . هل ترجع السياره مثل اول ؟

انتظر اجاباتكم على احر من الجمر والله يجزاكم الف خير لاتبخلوا علي يااخوان بخبراتكم :(

ايه نعم اخوي يتصلح عند ورش سمكره

يقول المثل
ابعد عن الشر وغني له
وش حادك عليه شوف غيره سليم

يابن الحلال السيارة شاصيها منطعج ابعد عنها بكرا وانت تمشي فيها تشوفها مايلة من ورا وتبهذلك كل شهر كفرات ومافيها امان وبخصوص انه يتصلح ماراح احد يضبط الشغلة 

يابن الحلال ابعد عنها مافيه اﻻ هي سبورت في السوق 
شف لك لومينا اس اس 2004 حدود 22 الف 
سيدان ورياضيه وقطع الغيار متوفره بكثره 

^^^

الاجابات

هل تشكل السياره خطر علي خاصه بالسرعات فوق 120 ؟ نعم في التوازن والثبات



هل لن احس بثباتها على السرعات العاليه ؟ خاصة اني صاحب خط وسفر. نعم وخصوصا بعد 100 كم


هل يتصلح الشاصي المطعوج وهل يضبط مثل الوكاله ؟ وهل تنصحني بالسيارة لانها دخلت خاطري لكني متخوف من هذه النقطه. ممكن يتصلح ويمشي حاله لاكن لا يمكن يرجع زي اول ولا يمكن اخفائه اذ بتبيع و يعيب السياره كثير


هل تنصحني بها وحتى لو صلحت الشاصي من الطعجه . هل ترجع السياره مثل اول ؟ لا يتصح بها ابدا

لانها مش سمكره تصلح ولا مكينه توضب الشاصي يتعب مثل ماقال الاخ ابراهيم في

- توازن السياره وثباتها تميل بك وتمشي على جنب وتعدم على الكفرات

هذا والله اعلم

+1 لايك للجميع

افحص السيارة على حفرة وشوف مكان الطعجة وين بالضبط اذا صار قريب من الدفرنس يعني قريب من مسامير التثبيت يعتبرخطير وكمان شوف في تلحيم او تعديل اوقص @وجرب السيارة على طريق ترابي وخلي شخص وراك وسوف مسار الكفرات الخلفية والامامية لازم تكون على خط مستقيم اي ميلان يوثر @

فيه سمكريين يضبط لك الشاص لو انه ملتوي 


اذكر شرينا اكورد من الكويت وقالنا راعيها ان الشاص جاته ضربه ومعدله 
وشرط لنا اذا فيها مسحيه او اختلاف بالوزنيه تاخذ السياره ببلاش

الله وكيلك امشي 200 ولا فيها حذفه ولا بشعره والكفراات من شريناها الين 
بعناها وهي محلها لا مسحيه ولا اختلاف ميزان 



فالاصلاح يعتمد على السمكري ويمكن الطعج يكون خفيف ما ياثر تاثير قوي

مشكورين يااخواني الاعضاء على الردود الطيبه.
اغلب ردودكم تحثوني على الابتعاد عن السياره بسبب الشاصي.
انا سالت ميكانيكي  ونصحني ايضا اني ابتعد عنها وذكرلي نفس اسبابكم.
شكرا لكم اخواني والله يباركلك فيكم ويرزقكم خيري الدنيا والاخره .

وش الفايده تكشخ بموستنق 
واخرتها تمشي على جنب .!!
الشاصي نادرا مايتعدل صح 
انصحك تبعد عنها لان بكره بتهبذلك بالمسحيه وتلعب بالخط
ولاتصلح ابدا للمشاوير 
حقت بقاله بيت بالعربي تصير 

اخوي do5ode انا تقاضيت عنها لكن السياره كل شي فيها نظيف من مكينه وجير والبودي الخارجي يلمع وخالي من الحوادث لكن عيبه الوحيد انه فيه ضربه خفيفه بالشاصي الخلفي وصاحبها طالب فيها 18 الف ويقول ان سعره جدا مناسب لكني ماارتحت من فكرة الشاصي مطعوج فقررت استشيركم وبارك الله فيكم ماقصرتو معاي نصائحكم .

اللي شاصها مليوح او مطعوش بيوضح لك فالطريق

مثل الأنسان اللي يمشي وماسك كليته بيده ههههههههههههه

تمشي ع جنبها ههههههههههه