أضف سؤال أو موضوع جديد          

شريطي ما يعرف يكذب في المعارض

up 7 down 1
أبوعمر 2000 80
قبل 8 سنه



السلام عليكم ورحمة الله وبركاته 
موضوعي ذا من باب تلطيف الجو 

دخلت المعارض قبل حوالي سنة يوم جيت اشري موتري الاكسبدشن 2010
وانا ادور اسئل عن التاهو واسئل عن الاكسبدشن 
المهم قابلت شريطي معه تاهو استاندر 
سألته انا هل هو فل كامل ؟ انا ما انتبهت ولا ركزت با السيارة 
قال لا فل
 قلت وشلون فل وين الفتحة والجلد ؟
قال لا هذاك فل كامل وهذا فل وبعدين الجلد ماهو مرغوب ما احد يبيه 
وقلت طيب حلو فيه دبل ؟
قال لا , والدبل ما احد يبيه والسبب انه مشاكله واجد ووجوده زي عدمه حتى عن البيع ما احد يسأل عنه واجد 
لاكن انت بس تسأل منت شاري
قلت طيب فيه تشغيل عن بعد ؟
ناضر فيني قال انت تبي تشري ولا لا ؟
قلت الا لاكن ماهو من حقي اسأل ؟
 قال انت منت شاري مع السلامة وهو يمشي 

المشكله اني يوم شفت موتره ماهو مكتوب برا فئة السيارة 
لاكن من جوا مافيه تخشيبة ولا التحكم با المسجل من الدركسون 

ههههه فهموني ذا الشريطي وش نوعه 
ليش يكذب ويستمر با الكذب وهو يدري انه كذاب 

صدق رسول الله صل الله عليه وسلم 
((لا يزال الرجل يصدق ويتحرى الصدق حتى يكتب عند الله صديقاً ،
 ولا يزال يكذب ويتحرى الكذب حتى يكتب عند الله كذاباً))







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلهم كذا لدرجه بعضهم يرهمون ويخلونها فل ويقولون لك فل كامل من الوكاله


up 2 down 0
فنان زمانه 227
قبل 8 سنه



الطمع
وحب الدنيا 
يخلي الواحد يحلف كذب.
مايدري الواحد ان يوم القيامه راح يلقا كل شي قدامه. 
حسبنا الله ونعم الوكيل. 


up 2 down 0
حب حار 99
قبل 8 سنه



ﻻ تلومهم شريطيه دايم يشترون ويبيعون في تويوتا 
هههههه شاف المفتاح برموت وبها جنوط وقير اوتماتيك وقزاز كهرب قال ابك ذي فل 
ههههههههههههههههههههههه مصخره ذا التايوتا 
ريموت كشافات جناح جنط تخشيبه دركسون abs كفرات مكيف ههههههه هههههه  هههههههه



up 19 down 9
al_orainy 56
قبل 8 سنه



اخوي فنان زمانه لا تقول الشريطية لأنك عميت وحطيت بذمتك كل من يشتغل هالشغله قل بعض الشريطية او اغلب الشريطية 

رب كلمة لا يلقي لها الرجل بالآ تهوي به في النار سبعين خريف ) 


هههههه اما ردك يالعريني الله يخلف عليك وش دخل الموضوع بردك 


up 0 down 22
أبو ناصر 60
قبل 8 سنه



شل الدسلايك واقولك وش دخله خخخ


up 1 down 9
al_orainy 56
قبل 8 سنه



ابو ناصر شريطي يدافع عنهم هههههههههه


ماشريطي الى انسان يحب يشتري برخص ويبيع بغالي ولايحب ان يستخدم فقط يبيع بربح ومسمكر بويه بلد ومرشوش تجميلي 
ومحركات على شرط وهي مبوشه تحصلهم في حرجات  الغمز ولمز بينهم الضحيه دايم مستخدم ومستهلك نبذه عن شريطيه 

 شريطيه نوعين منهم من يخش السوق في البرد ومنهم من يخشه في الصيف والي يخشه في البرد هم اصاحب معارض والصيف شريطي نص فل يعني ماعنده معرض متشراك مع شخص في معرض ومقسوم بنص 
 ملاحضه الشريطي ممكن يكذب عليك حتى لو كان قريبك خلاص صار لعب عنده عايدي 


up 2 down 2
سكودر 14931
قبل 8 سنه



غلى طاري التاهو

حربت واحد 14 LTموكا بسم الله ما شاء الله شيخ

وفي الخطوط يطربك وراحة وللو جلست امدح لين بكرة ماوفيته حقه



up 5 down 0
شبح 600 sel 6082
قبل 8 سنه



لا تعمم عندي خوي يبيع ويشتري بالسيارات بعت معه كذا سيارة عمره ما كذب وبالعكس فيه سيارات خسر فيها وفيه سيارات دفع فيها دم قلبه وباعها براس مالها حتی لا يشيل بذمته واكثر ارباحه من 500 الی 1000 ريال 


up 3 down 0
ابوخلوودي1 5070
قبل 8 سنه



فعلا في المعارض قابلت شب سعودي يشتري ويبيع والله ضبط لي سيارتين الله يسعده ي شيخ .. 
وحتى لو ماهي عنده .. يقلي احتري علي 10 دقايق يهجول يهجول معاي ويشوف الزين ويقلي افحص وفعلا كلامه صحيح 
وما يطلب شئ .. والله اعطيه في يده اللي يرضيه .. لانه يستاهل .. يقلي بالعربي انا ما ابيك تنشب لي فا اعطيك الزين وادعي لي 


up 0 down 0
khalidaldeen 111
قبل 8 سنه



فيه شريطية يأخذون السيارة ستاندر ويجيبها فل كامل 
لكن والله ما يتبارك دام نيته ماهي صافية 


up 0 down 0
آبووليد 214
قبل 8 سنه