تعلم كيف تتاكد من رقم شاص الفورد وعدم التلاعب فمديل السياره

شاقح بن مشقوح الشقيحاني 22707
قبل 12 سنه و 3 شهر

طبعا الموضوع هذه نزلته عشان الكل يستفيد وهو بناء لما حدث للعضو بايع وماشي

راح اتكلم عن اليوم عن شكل الماركيز داخليا وخارجيا للمديلات بشكل عام وكيف تتاكد من رقم الشاص وببلاش بدون الكارفكس

اول شي بالصور والصور توضح الاختلافات عشان كذه ماراح اتكلم فيها

التشابه كان من مديل 98 الى 2002

ومن 2003 الى 2005 هذي لها شكل

ومن 2006 الى اخر مديل هذي شكل واحد ماتغير لاخارجيا ولاداخليا

اهم خطوه تسويها اذا جيت تفحص الموتر تشوف رقم الشاص اللي تحت القزاز عند الطبلون

بعدين تفتح الكبوت وتشوف الرفرف الامامي اليمين واليسار لازم تلقى استكر وعليه شعار فورد ورقم الشاص

تنزل تحت وتشوف الاستكر في الصدام الامامي لازم يكون موجود وكمان على الصدام الخلفي تحت

الرفارفي الخلفيه لابد يكون موجود والابواب الاربعه لابد يكون موجود وتطابق الرقم على الاستكر على الرقم اللي على القزاز

الفائده انه هذه الاستكر اللي فيه الرقم محد يقدر يزوره يعني لو غيرو رقم الشاص من مكانه اللي تحت القزاز عند الطبلون

طبعا مايقدرون يوفرون استكرات عليها ختم الشركه ورقم الشاص وهذي تعتبر ميزه واذا مالقيت هالاستكرات اعرف انه السياره ممكن تعرضة للرش

او تم تغيير رقم الشاص وازالة الاستكرات التي تحي رقم الشاص بختم الشركه وهي 8 استكرات موزعه على البدي الخاص بالسياره

سيارتي 2006 ولازالت موجوده فالسياره غالبا ماتطلع هالاستكرات الا اذا احد تعمد ازالتها لانها قويه

بعد ماتتاكد من سلامة رقم الشاص تاخذ الرقم وطبعا ماتقدر تفحص كارفس وتتاكد الا لمن تدفع فلوس

انا بعطيكم موقع يطلع لك بيانات السياره ببلاش

http://www.decodethis.com/Default.aspx?tabid=65&vin=2MEBM7FV5AX617887

هذه الموقع بس دخل رقم شاص اي سياره ويطلع لك المديل وكل شي عنها وببلاش

اخليكم مع الصور واي سؤال انا حاظر

ملاحظه ::::

تقدر تركب اسطبات ماركيز 2010 على ماركيز 2000 بس مجرد فك وتركيب والبدي

البدي ماتغير والمساحات ماتغيرت فقط الشكل وقد شفت ماركيز 2002 مغير الواجهه والخلفيه لماركيز 2006 نفس الشكل فقط فك وتركيب يعني انتبه لاتشتري ماركيز 2008 ويطلع لك 2001 !!!