أضف سؤال أو موضوع جديد          

قصتي مع سياراتي واخيرررا عشقي للتاون كار

up 18 down 11
عاشق السبووووورت 103
قبل 6 سنه و 5 شهر



السلام عليكم ياخووان
انا بذكرلكم قصتي  من اول سياره امتلكتها الی يومكم هذا
وعشقي للتاوون كار

اخر سنه بالثانويه الوالد طقلي موتر طبعا بعد كلام ومشاورات وحب خشووم هههههه
مالكم بالطوويله
ونزل للمعارض واحصل كابرس 93 فل كامل  تنده وفتحه ولون بحري   مميز ماشاء الله
وتفق مع راعيه وشتريه

وستخدمتها لمده سنتين 
سنه الثانويه  وبعدها بسنه للجامعه (( كرررفت امها  )لكن خلال هالفتره غيرت 3 جربوكسات ههههههه

والله وبيوم كنت جالس مع الشباب ويتكلمون عن موقع حراج
طبعا انا اول مره اسمع فييه  وقالو الشباب فيه بيع باسعار طيبه
والله ورجع للبيت وعملت حساب بالموقع ونززل اعلان
المهم الموتر خلال شهر   بيع عن طريق الموقع ولله الحمد

بنفس اليوم اللي بعت فيه الكابرس ورجع للبيت وحب خشم الوالد وسوالف وضحك
المهم طلبته 5 الاف زود علی المبلغ اللي عندي لاني بشتري موتر
قال دوور موتر بعدين يصير خير
المهم **ثاني يوم ولد عمي جا عندي زياره 
طبعا جاي بموتر جديد اللي هو اللينكون  موديل 99 سعودي
قلتله مبرووك قال يبارك بعمرك قلتله للبيع  جلس يضحك
قال للبيع قلت انا بشتريه
قال مافي مشكله انا شريته 13 عطني مكسب وخذه
قال خذ الموتر يوم كامل معك وجربه
واللله وخليه عندي وجربه ثاني يوم كرفت امه 
ماشاء الله اعجبني الموتر(( وتصل عليه وقوله تراني شريت *تعال نتفق
المهم عطيته 14 الف وخذت الموتر
وستخدمه 6 شهور   بعدها صراحه ملييت وقلت ببيعه وشوف شي ثاني

والله وصور الموتر ونزل اعلان بالموقع((( جتني سومات طيبه لكن كنت اتردد بالبيع كنت افضل البدل**ويجيني واحد ويعرض علي بدل بالتيما 2005 سته سلندر*
المهم تقابلت مع الرجال وعجبه موتري بسرررعه^شكيت بالوضع
جربت الالتيما  كل شي تمام  **المهم ونتفق ونتبدل راس براس


طبعا انا بالعاده كل اسبوع اشيك علی زيت الموتر^^^وجي وشيك علی زيت الالتيما الا مافيها زييت ياوولد  وقتاها وجهي قلب الوووان
وروح وجيب زيت وعبيه
المهم طلع فيه صرفييه  والرجال غشنا والحمد لله علی كل حال  وندمت اني بدلته


والله ونزل للمعارض  وحررج عليها كوووم حديد **ماجابت 11 الف  لان فيها دخان
المهم ويجيني واحد معه كابرس 2005  سته سلندر طبعا داخليه  معدومه قال تبدل راس براس
قلتله موتري فيه صرفيه^^قال مافي مشكله
والله نتبادل وكل واحد اخذ موتره الجديد^^طبعا دخلت الكابرس للتلميع وضبطته
لكن مارتحت فيه نفسسسيا ابداااااااا استخدمته تقريبا 4 شهور بهذلني بالحررررررراره
قلت و الله لابيعه ودورلي لينكوون^^تحسفت علی اللي بعته
المهم بعت الكابرس ب 14^^واحصل لينكوون 2000 فل كامل نظظظيف  معروض بمعرض ومطلوب فيه 21**قلت بس هذا الموووتر
المهم رجعنا للوالد طلبنا الفززعه  وماقصر الله يحفظه^^^بعد تقريبا 5 شهور نزلت للمعارض ادور موتر  لاخوي
ويشوفي شايب باللنكون ويجيني ^ويقول لببيع  قلت لا
قال بع يارجال اعطيك سعر طيب من كلام الرجال ان خاطره بالموتر ^^قلت انا شاريه ب 21 وذا تبيه ب 25 مبروك عليك
طبعا رفعت السعر علشان يهوون 
قال بعطيك24 انا هنا انصدددمت  قلت ياولد مكسب 2000
والله وكلم الوالد وقال بيعه

طبعا انا بايعه ونا متحسف عليه  بس الرجال واضح عليه ان خاطره بالموتر وقلت ابيعه احسن مايصكني عين

بعده اشتريت كابرس 8 سلندر 2006
طبعا من بعد نصايح الشباب والكلام ونها عززم  وتطرب
والله ونزل للحراج وشتري واحد  
جلس معي اسبووع بالضبط وبعته فيه مشكله حراره بعد 160 وغير طرمبه ورديتر  زبلفوبدون فايده
ياخي مو مرررريح نفسيا امشي فيه ونا مرتبك ههههه مو مثل اللينكون راحه 
والله وبيعه ورجع ادور لينكوون^^وحصل واحد بالموقع 2000 نظييف ابيض سعودي فل كامل بالرياض
وتفق مع راعيه وطلعت للرياض وشتررريته 
قلت هذا ماني باااااايعه ابد هههههههههه(( اضحك علی نفسي
استخدمته 7 شهور بعدها مليييت 
وعرضه بالموقه ويجيب راس ماله وبيعه
المهم اخووي قال شرايك كابرس 2008   ثمانيه سلندر
قلت فكننا يارجال والله مارتاح فيها
المهم بعد عده محاولات اقتنعت وحصلت واحد وشتريته
وياليتني ماشرررريته

من اول ماشتريته  للصناعيه ههههههه
لمده 15 يوم بالصناعيه من مشكله لمشكله
ماتهنييت فيه اقسم بالله
المهم وحلف اني ابيعه ونزل للمعارض وبيعه بخساره 3000
قلت  مالي الا لينكوووون وبس هههههههه
كشخه ومايخرب  وقطع رخيصه
وشتري واحد 2004 معروض بالموقع
استخدمته شهرين  بعدها عمي قال بشتريه منك ههههههه ياليييييل مطوولك
طبعا رفضت  لاني ماصدقت ارتاح
المهم بعد عده محاولات ويقنعني ابيع
بعته بمكسب 500  ريال

قلت بجرررب الكامري  اشوف الناس تمدحها
والله وشتري واحد 2004 نظيف ب 21 الف

استخدمه  بصراحه حلو   لكن مو مثل اللينكون 
بعد بشهرين اعطيته ولد عمي يروح مشاور
المهم رجع هو والموتر علی سطحه(((( مخببببط ))وقتها تضاايقت لكن الحمد لله
والله وركب مكينه وبيعها ثاني يوم من تركيب المكينه  ^^النفس عافتها

قلت


ياووولد  النكوون اللنكوون بنرجعلها ه مالنا غيرهااا
وشتري واحد 2006 بودون فتحه  (( استعجلت فيه ^^بس خلاص مسكت معي لينكوون 
بعد بشهر قلت ياولد لينكون بدون فتحه مايصلللللح
والله ويلعب الشيطان برااسي وعرضه بالموقع وبيعه 

وجلست ادور  شي نظيف وفتحه  الی حد ماحصلت واحد
ولله الحمد للحين معي ومرتاح  نفسسسسيا
صارله سنه  ^^طبعا شلت فكررره التغيير من راسي
لان بصراحه  تبهذلت  ببعض المواتر اللي شريتها


بصراحه اللينكووون  من بعد تجربه فخم ومرريح وقطع رخيصه وخراباته قلييييييله جدا
وذا خرب فيه شي ماتخاف منه
وصيانته سهله وقطع رخيصه ولله الحمد



هاذي قصتي المختصره  اتمنی  تعجبكم
سيحان الله وبحمده^^سبحان الله العظيم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يبترك لك ... معك حق هي من اول السيارات الي عشقتها بجنون .. وبعد ماأخذت 2005 عشقت اكثر موديل 97 .. وحاليا ابحث عن واحد نظيف ..بس معك حق يامحمد فراملها سيئة جدا يعني يبغالك تكون طول المشي تخلي مسافة كبيرة بينك وبين السيارات الي قدامك .


up 0 down 0
خيرنت 2
قبل 6 سنه و 5 شهر



الله يبارك لك . تعديل


up 0 down 0
خيرنت 2
قبل 6 سنه و 5 شهر