فورد او شبح مرسيدس

الشبح إذا كان
400 أو 420 أو 500 خذه ولاتشاور شرط النظافة وبإذن الله يكد عمر وسيارة ممتازة وقوية
هذا رأيي الشخصي

في انتظار باقي الاخوان..ماهو الافضل فورد 2005 ام شبح موديل 98 مقاس 500 

انا استخدمت الفوردات و المرسيدسات 
فأنصحك اذا بتاخذ خذ شبح 500 و أبعد عن 420 هذا اذا تبي عزم و خطوط و اذا تبي حق مشاوير و مدينة خذ لك 320 و الافضل أنك تاخذ وارد ألماني مو ياباني لان الياباني جاء منه دركسون يمين و مغير في دبي الى اليسار 

والله مانصحك نهائيآ  انا عندي مرسيدس  صح راسي وثقيل وهيبه
 لكن عيوبه انه ثقيل وصرفيه البنزين ولازم بنزين احمر احتكار المهندسين واسعارهم وماله سوق لو حسبيت تبيع 
والبنز القديم مكيفه براده خفيف فلنهار   لكن في الفياقرا تحسن المكيف وغير عن كيذت في قطع غاليه لازم ادور التشاليح
عشانه تحصل زيها نضيف
  الماركيز  عكس يقبل بنزين اخضر وكل شخص يعرف يصلحه و قطعه رخيصه والتشاليح مليانه ماشاء الله

شبح 98 له مشاء الله 17 سنه تقول انه هيبة شكلة من وجهة نظري غبي وقديم .. بعدين سياره لها 17 سنه تتوقع بترتاح لو اخذتها الورش بيحفضونك ريح جاي عليهم لا احد يضحك عليك ويمدح فيه وهوا جربة على ايامه كان جديد بعدين الشبح اذا اشتغل والله تقول ديزل صوته مزعجج هذي وجهة نظري وتمنا لك التوفيق

اذا الفورد على كلامك سمعته في الخرابات زفت فانا بشهد ان السيارات كلها زفت 

الفورد سيارة عمليه وخرابها قليل وسيارة خدومه وصيانتها سهله وقطع غيارها رخيصه

وبعدين الله يحفظك من موديل 2005 ترجع ل 1998 !!! 

يعني لو انك بتاخذ فياقرا 2004 نظيفه بتحصل سعرها في ال50 الف وفوق لكن موتر يطربك واحسن من الشبح شكل من برا ومن جوا 

وانا ماجربت الفياقرا ولا الشبح لكن اتكلم بالعقل والمنطق 

انصحك تبعد عن الشبح كل الشبحات منتهيه ومكاينها مضروبه وصيانتها محتكرينها الورش ويضربون بالسعر ومن زين تصليحهم عاد تصلح اليوم وتخرب بكره 

خلك على موترك والله احسن ومانصحك ابد والماركيز حافظ عليه وبيمشي معك 500 الف وما بيطلب 

الشبح سياره قويه بس قطعها غاليه و مهندسينها سلاخين و يغرك المنظر ما تدري ايش فيها من خرابات  نصيحتي لك خليك على سيارتك  زي مايقول المثل خليك على قردك لا يجيك اقرد منه

تبي نصيحتي خلك على موترك ولا تقولي خرابات ما شاء الله الفورد قطعه رخيصة ويمكن الف ريال تطلعه وكالة نصيحتي اذا بتبيع فخذ موديل اجدد من 2005 يعني لا ترجع للخلف خلي طموحك لقدام هههههههههههه 

يارجال خلك على موترك. وانشاء الله. بيكد معك كد الفورد. موتر اعتمادي.   انصحك لاتورط بموتر سكراب

من وجهة نظري وانا اتكلم عن خبره الالماني. وجع راس وحراره بصيف مع المكيف يطفشك وأعطال المكيف كثير وكهرباء اذا تفتف تقعد عند الكهربائي لين يطلع الخراب عاد ممكن يطلعه بسرعه وممكن. شهر لنه معقد ويتشرطو عليك ب المبلغ لنه مو اي احد يستغله اما الفورد سياره عمليه مريحه. بسفر قطع متوفره. قليل خراب صح الفورد يهربد مع الكد لكن. برظو ارحم من.  الشبح وذا مصمم على. الشبح 320. 6 سرندل 

300 خرابات !
إلا إذا كان استخدامك جلد للفورد
صاحبي معاه 2007 ماشي 380 الف 
وماشاء الله توب معاه
غير الدينمو مرة 

بارك الله فيكم..انا قررت الاحتفاظ بالموتر وسماع نصيحتكم لي

خلك على قردك لا يجيك اقرد منه

الظااهر ما قريت مواضيع الاخوان  حبو يغيرون سياراتهم وانقردو  وضاعو وتندمو 

اول 300 مو خربات بالعكس استخدمه وزي الحلاوه لين بعته
شوف انا ك مستخدم شبح خذ الفورد اريح لك بالقطع والصيانه سهله 

وبعدين نص اللي علقو فوق ما يدرون عن الشبح شي
بعدين الشبح مكاينه هي 
300
320
500
600
بس 
واذا تبي شبح خذ 320 اريح لك من الحراره

واذا مره ما تبي حراره خذ 300 بس تراه
ثقيل وقيره 3 نمر مو حق جلد 
والسليم حرارته تحت 80

التورس روووعة انصحك تشتريها

افضل لون اللون الاسود