موقف حصل لي قبل يومين ..
37
2
إضغط هنا للإخفاء
السلام عليكم ورحمه الله وبركاته
كيفكم حبايبي اموركم تمام
قصتي اليوم عن موقف حصل معي قبل يومين
كنت واقف باشارة جبرة في الطايف المهم وقفت وراي سوناتا 2014 وشوي ولا الخبطه من ورا .. طااااخ
المهم وانزل بشوف وش القصه المهم واطالع في السواق الا وهو مغمى عليه وشوي والخبطه الثانيه
الرجال اهله وعياله معاه رجعت لسيارته وعشقت سيارته بال p وعياله يصيحون ويبكون قطعوا قلبي والحرمه
تبكي وارجع لسيارتي واخذ قاروره ماء واروشه اعطيته لين مافاق الحمد لله بعد مافاق الرجال مو مستوعب شئ
تقدر تسوق عادي ؟ قال خلاص الحمد لله يعطيك العافيه وارجع سيارتي وامشي الحمد لله ماجاني شئ
الرجال اعتقد ان عنده سكر وارتفع أو انخفض عليه ..
خلاصه الموضوع انتبهوا ياناس الي عنده سكر او ضغط ياخذ احتياطاته معاه زي هذا الرجال لو كان بطريق سريع
واغمى عليه وش بيصير بتكون كارثه الله يكفينا وايضا لاتطلع من بيتك وضغطك مرتفع او سكرك منخفض او مرتفع ..
دمتم في رعايه الله ...
إبلاغ
سيارات للبيع
الردود
2
0
لان لما اكون بالطواري ماراح يكون معاي كتاب ولا نوت .. أعطيك الخلاصة من الأن وهذا الشي اللي اكثر المرضى لاحضته عليهم
اللي يكون عنده أرتفاع :
- جلده جاف
- رائحة فم زي الايثانول تركيز 25% أو أقربها أقول زي التفاح المخمج
اللي عنده انخفاض :
- يكون شديد التعرق
- مافيه رائحة نهائية بالفم
لو تلخبط اعطيه حلا .. لأنه الانخفاض أخطر من الأرتفاع بكثير وممكن يودي المريض إغماء يضر بال الجهاز العصبي مو زي الأرتفاع
قبل 9 سنه و 5 شهر