أضف سؤال أو موضوع جديد          

معاناتي في البحث عن سياره وندمي على بيعي بسب حب التغير

up 16 down 6
ابوخالد1397 2490
قبل 4 سنه و 8 شهر



السلام عليكم

بعت سيارتي وليتني ما بعتها

كلها حب في التغير الله يفكني شره حب التغير مره ثانيه

سيارتي ما كان فيها شيء بس مليت منها وبغيت اغير لشيء احسن

وفكرت في كابريس

جيب ادور لي كابريس وكل ما تقابلت مع احد طلعت مكروفه او فيها حوادث

تلقاها نظيفه لكن ما ترتاح لها بسبب اللي يستعملها مبين انه جالدها جلد

واصلا تشوف سواقته كيف وتهون

واذا فحصت لازم تطلع بلاوي ولا يعترف فيها

تعبت قسم بالله ومليت خلاص

الحين انا مستأجر فوق 3 اسابيع بسبب اني ما حصلت لي سياره

دورت لي فورد وكلها منكرفة ما عاد تحصل شيء نظيف الا وسعره بسعر موتر جديد

وحطيت في راسي ان نادر جدا ( مثلي ) اللي يبيع سيارته وهي نظيفه

وكثير جدا اللي يبيع سيارته بسبب فيها خرابات او عيوب مخفيه

تصدقون كوابرس 2014 ياناس 2014 اللي داخليتها جديده مع اطفال غير مهتمين والله ما يوصل عمرهم 18 سنه 19 سنه

بطانة الرفارف ماهي فيه !! وش يدل عليه هذا ؟؟

ويجي يبيعها وتقوله وش فيه يقولك افحص

بالله تبيني افحص وانا اشوفك مالكها

من شكل الواحد يبين اذا نظيف الموتر ولا لا

طبيعي ان كان صغير سن وش يبي في الكابريس

عشان يكشخ فيها ؟؟ ولا يسافر فيها ؟؟

لا والله الا عشان يقاوم عليها ويزر عليها ويدرفت

مكينته مجنونه وما تصلح الا لواحد عارف لها

لان مكينته اكبر من مكينه جيب اللكزس والسكويا والباترول والهيمي

فعشان كذا كل الكوابريس مكروفه بسبب ان الفئه اللي تستعملها في مرحلة صغيره

مقاومات و درفت وتدعيس وما يهتمون في حجم المكينه وكبر السياره

تلقى 2013 على 60 الف ومن وقفته نظيفه وتقول صيده ولا رحت شفته صح وقفته حلوه لكن اما فيه رش ونادر ماتحصل بودي وكاله , وان فحصته لقيت فيه اشياء كثيره تحتاج تغير وهو جديد , بسبب التدعيس والمقاومات ونسبة المكينه والقير راح تطلع ممتازه اكيد من 90 وفوق لانها تلقاها ما كملت 50 الف كيلو , لكن مع الاستعمال والله لتقول ان عزمها ماهو مثل النظيف وراح تطلع لك مشاكل ما لها اول ولا ثاني

جيب ادور سوناتا 2011 الشكل الجديد ويوم شفت ان اغلب اللي يستخدموها مرحلة صغيره من عمرها في حدود 25 سنه

دريت انها مثل الكابريس لكنها اهون شوي

والله ياني تعبت وانا ادور نظيف

فنصيحة لا احد يبيع سيارته ان كانت نظيفه

ونصيحة ان كان مافي سيارتك شيء بس تحب تغير ( مثلي ) لا تبيعها حتى تشتري سياره ثانيه وبعدين بيعها

لانك راح تنصدم من الواقع

وما احلى من الجديد , شفت واحد معه كابرس الضاهر 2008 او 2009 ماشيه قريب 500 ألف وشوفوا وقفتها

شفوا ان الكابريس خدوم لكن ما لقى من اللي يستعلمه ويعرف له

ما لقى الا للي يكرفها كرف الويل ويقول خذ لك كابريس ان كان تبيه سرعه لكن غيره لا تدور لانه خرابات

طيب ليه هذا وصل 500 الف كيلو و 6 سلندر بس مو 8 سلندر , مكينته 3700 تقريبا وانتم 6000 سي سي , وقيره هو 4 نمر بدون قير عايدي وبدون مبرد قير اضافي وانتم قير 6 نمر ومبردين قير وفيه توب ترونك وتخبط عليكم وتطلع فيها مشاكل وهي جدد !!

اتكلم عن 2011 وفوق

بالله الكابريس يعني صنع للخرابات !! يقولك ايه !! اترك لك التعليق

و اترككم مع صور الكابريس اللي ماشي 500 وتعليقكم على الموضوع

ملاحظه بسيطه قبل اختم الموضوع , للي يدور كابريس , تبي تتأكد نظيفه , اول شيء افحص بمركز مختص , وايضا افحص بنفسك , ودخل يدك فوق الكفر الخلفي على بطانة الرفرف , دخل يدك جوا ( فوق الكفر الخلفي ) وتحسس , اذا حسيت فيها نتوءات وحسيت فيه مثل التقطيع او المطاط فهذي كانت للدرفت

وايضا شوف الجلنط ان كان فيه ميول على السواق اعرف انها كانت للتفحيط والدرفت

وايضا ان كان الصدام الخلفي مرشوش , والبطانة نظيفه لازم تدقق , لان اللي يدرفتون يطيح عليهم الصدام الخلفي

وافحص نسبة المكينه والقير واوقف عليهم , اذا ما طلع لك ممتاز , لا تاخذها ولو بريال واحد

ونسيت شيء , اذا كان راعيها ماهي شاطر , يمكن يخلي الكفرات , شوف الكفرات الخلفيه مبين انها ممسوحه ؟

واذا كان شاطر يمكن يفك الصدام ويدرفت عليها ويركبه بعدين عشان لا ينرش و يغير البطانه , ويغير الكفرات , ويقولك الكفرات مغيره اللي ورا ويمكن ما يغير اللي قدام , فركز زين ركز زين

ويمكن يغير الامامي والخلفي كلها عشان الشبهه , فانت هنا لاحظ هل فيه اختلاف بين الاماميه والخلفيه ؟؟

وسلامتكم واترك تعليقكم












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وبنسبه للفحص انت اتفق مع الشخص صاحب السياره انه لو طلع شي غير المذكور بسياره راح تدفع قيمة الفحص و تشيل سيارتك



وبكذا راح ترتاح


up 0 down 0
07sbeshal 1343
قبل 4 سنه و 8 شهر



روح الامارات وخذها  تحصل رويال 2009 قمه بنظافه تشيك وكاله فيه ماشي 99 الف بودي بلد صيانته وكاله فيه استخدام مدير مكتب محافضه عليه اخر سرعه مشى فيها 120  تحصلها في بحر 40 الف 

ولا 2011 2013 تحصلها على 55 الف وكاله  مامشت 


up 1 down 0
سكودر 14929
قبل 4 سنه و 8 شهر